សមត្ថកិច្ចនគរបាលខេត្តសៀមរាប បានឲ្យដឹងថា កាលពីថ្ងៃទី១៧ ខែមីនា ឆ្នាំ២០១៩នេះ សមត្ថកិច្ចនគរបាលខេត្តសៀមរាប បានរៀបចំកសាងសំណុំរឿង បញ្ជូនជនសង្ស័យចំនួន៣នាក់ រួមទាំងវត្ថុតាងទៅសាលាដំបូងខេត្ត ដើម្បីចាត់ការបន្តតាមផ្លូវច្បាប់។
ក្នុងនោះមាន ៖ ១- ឈ្មោះ ផន ដារ៉ា ភេទប្រុស ជនជាតិខ្មែរ ឆ្នាំកំណើត១៩៩៦ មានទីលំនៅភូមិដំដែក ឃុំដំដែក ស្រុកសូទ្រនិគម ជាប់សង្ស័យពាក់ព័ន្ធនឹងករណីរក្សាទុក ជួញដូរនិងប្រើប្រាស់ដោយខុសច្បាប់នូវសារធាតុញៀន ព្រមទាំងមានសារធាតុញៀនក្នុងខ្លួន ,
២- ឈ្មោះ សំ សិលា ភេទប្រុស ជនជាតិខ្មែរ ឆ្នាំកំណើត២០០២ មានទីលំនៅភូមិវាល សង្កាត់គោកចក ក្រុងសៀមរាប ជាប់សង្ស័យពាក់ព័ន្ធនឹងករណីរក្សាទុក ជួញដូរនិងប្រើប្រាស់ដោយខុសច្បាប់នូវសារធាតុញៀន ព្រមទាំងមានសារធាតុញៀនក្នុងខ្លួន ។
ព័ត៌មានជាតិ ថ្មីៗ
៣- ឈ្មោះ សេង សម្បត្តិ ហៅញ៉ា ភេទប្រុស ជនជាតិខ្មែរ ឆ្នាំកំណើត១៩៨១ មានទីលំនៅភូមិស្ទឹងថ្មី សង្កាត់ស្វាយដង្គំក្រុងសៀមរាប ជាប់សង្ស័យពាក់ព័ន្ធនឹងករណីរក្សាទុក ជួញដូរនិងប្រើប្រាស់ដោយខុសច្បាប់នូវសារធាតុញៀន ព្រមទាំងមានសារធាតុញៀនក្នុងខ្លួន ។
សមត្ថកិច្ចនគរបាលខេត្តសៀមរាប បានឲ្យដឹងទៀតថា ជនសង្ស័យទាំង៣នាក់នេះ ត្រូវសមត្ថកិច្ចឃាត់ខ្លួនបាន ក្នុងប្រតិបត្តិការមួយ កាលពីវេលាម៉ោង២២ ថ្ងៃទី១៦ ខែមីនា ឆ្នាំ២០១៩ ខណៈកងកម្លាំងនគរបាលការិយាល័យប្រឆាំងគ្រឿងញៀន សហការជាមួយកម្លាំងនគរបាលការិយាល័យចរាចរណ៍ផ្លូវគោក និងកម្លាំងនគរបាលការិយាល័យការពារនិងអន្តរាគមន៍ ចុះបង្ក្រាបករណីរក្សាទុក ជួញដូរ និងប្រើប្រាស់ដោយខុសច្បាប់នូវសារធាតុញៀន នៅចំនុចភូមិសាលាកន្សែង , ភូមិមណ្ឌល២ និង ភូមិថ្មី សង្កាត់ស្វាយដង្គំ ក្រុងខេត្តសៀមរាប ព្រមទាំងបានដកហូតវត្ថុតាងរួមមាន៖ ម្សៅមេតំហ្វេតា មីនប្រភេទទឹកកកចំនួន២២កព្ចាប់ ស្មើនឹងទម្ងន់៩៣,២៣ក្រាម (ទម្ងន់សុទ្ធ) , ថ្នាំគ្រាប់អ៊ិចស្ត្រាសិលចំនួន១១កញ្ចប់ ស្មើរនឹង៣,៨ក្រាម , ជញ្ជីញថ្លឹងគ្រឿងញៀនចំនួន២គ្រឿង , ទូរស័ព្ទដៃចំនួន០៣គ្រឿង និងសម្ភារវេចខ្ចប់គ្រឿងញៀនមួយចំនួន ៕
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក លីវ សាន្ត
