តមកនៅព្រឹកថ្ងៃដ៏ដែលនេះដែរ ឯកឧត្តម រដ្ឋមន្ត្រី ខៀវ កាញារីទ្ធ ក្រសួងព័ត៌មាន ទទួលជួប ថ្នាក់ដឹកនាំ និងក្រុមការងារ គេហទំព័រ Property ដត area ដែលជាគេហទំព័រ ផ្សាយពីអចលនទ្រព្យ និងសេដ្ឋកិច្ច នៅក្នុងប្រទេសកម្ពុជា ។
លោក លៀង គង់ ស្ថាបនិក និងជា អគ្គនាយក គេហទំព័រ Property ដត area បានជម្រាបជូនថា គេហទំព័រនេះ បានដំណើរការចេញផ្សាយរយះពេល ជាង ១ ឆ្នាំមកហើយ ដោយធ្វើការផ្សាយពី អចលនទ្រព្យ និងសេដ្ឋកិច្ច នៅក្នុង ប្រទេសកម្ពុជា ដែលកំពុងមានការរីកចម្រើន ឲ្យប្រជាជនបានដឹងច្បាស់ ក៏ដូចជាផ្សព្វផ្សាយទៅ អន្តរជាតិ ដើម្បីបង្ហាញពីភាព រឹងមាំ និងសក្តានុពល ផ្នែកសេដ្ឋកិច្ចនៅក្នុង ប្រទេសកម្ពុជា នាពេលបច្ចុប្បន្ននេះ ។ គេហទំព័រនេះដែរក៏បាន ផ្សាយពី គម្រោងនៃការអភិវឌ្ឍន៍ធំៗ ការកសាងហេដ្ឋារចនាសម្ពន្ធ័ ជាដើម ហើយ ហើយដំណឹងទាំងអស់ដែលមានក្នុងគេហទំព័រ Property ដត area មាន ជា ភាសា ខ្មែរ និងភាសា អង់គ្លេស ហើយក៏ឈានទៅបន្ថែមភាសា ចិន មួយ ទៀតនាពេលខាងមុខ ។ ដូច្នេះ ក្នុងឱកាសដែលថ្នាក់ដឹកនាំ និងក្រុមការងារ គេហទំព័រ Property ដត area អញ្ជើញមកជួបសំដែងការគួរសមជាមួយ ឯកឧត្តម រដ្នមន្ត្រី ខៀវ កាញារីទ្ធ នាពេលនេះ គឺចង់សុំជាអនុសាសន៏ មួយចំនួនពី ឯកឧត្តមរដ្ឋមន្ត្រី ដើម្បីធ្វើ យ៉ាងណាជម្រុញឲ្យ គេហទំព័រ អចលនទ្រព្យ មួយនេះ កាន់តែពង្រឹងបាននូវ គុណភាពល្អបន្ថែមជាងនេះទៅទៀត ។
ឯកឧត្តម រដ្ឋមន្ត្រី ខៀវ កាញារីទ្ធ បានចាត់ទុក គេហទព័រ Property ដត area គឺមានគុណភាពល្អ ក្នុងកិច្ចការងារផ្សព្វផ្សាយពី បញ្ហាសេដ្ឋកិច្ច អចលនទ្រព្យ ក៏ដូចជាផ្នែកសំខាន់ៗ នានាជាច្រើនទៀត របស់ប្រទេសកម្ពុជា ឲ្យទៅ អន្តរជាតិ បានស្គាល់ និងដឹងច្បាស់។ តាមរយៈនេះ ឯកឧត្តម បានជម្រុញលើកទឹក ចិត្ត និងផ្តល់ជាមតិយោបល់ សំខាន់ៗមួយចំនួន ដល់ថ្នាក់ដឹកនាំ និងក្រុម ការងារទាំងអស់ នៃគេហទំព័រ Property ដត area ក្នុងការធ្វើយ៉ាងណាសិក្សា ស្រាវជ្រាវ លើកិច្ចការងារទាំងអស់នេះ កាន់តែស៊ីជម្រៅ ផ្តល់នូវផលប្រយោជន៏ និងចំណេះដឹងថ្មីបន្ថែមទៀត ដល់ប្រជាពលរដ្ឋ ហើយ ឯកឧត្តម រដ្ឋមន្ត្រី ក៏ត្រូវការនូវ ដំណឹងល្អៗពីគេហទំព័រនេះ ដើម្បីផ្សព្វផ្សាយផងដែរ៕
អត្ថបទ និងរូបភាព៖ ក្រសួងព័ត៌មាន
