ដោយឡែកនៅព្រឹកថ្ងៃទី ១៨ ខែមីនា ឆ្នាំ ២០១៩ដដែលនេះដែរ ឯកឧត្តម រដ្ឋមន្ត្រី ខៀវ កាញារីទ្ធ រដ្ឋមន្ត្រីក្រសួងព័ត៌មាន បានទទួលជួបពិភាក្សាការងារជាមួយ លោក វ៉ាង ប៉ (Wang Bo) ប្រធានគ្រប់គ្រង ទីភ្នាក់ងារសារ ព៏ត៌មាន ASEAN TOP NEWS នៃប្រទេសចិន ប្រចាំកម្ពុជា ដោយក្នុងឱកាស នោះ លោក Wang Bo បានសំដែងនូវការអរគុណចំពោះការគាំទ្រ និងផ្តល់កិច្ច សហការល្អ ពីសំណាក់ ឯកឧត្តម រដ្ឋមន្ត្រី ខៀវ កាញារីទ្ធ ក៏ដូចជា អគ្គនាយក ព័ត៌មាន និងសោតទស្សន៏ នៃក្រសួងព័ត៌មាន ក្នុងការធ្វើយ៉ាងណាឲ្យដំណើរ ការងារផ្សាយរបស់ ទីភ្នាក់ងារសារព័ត៌មាន ASEAN TOP NEWS បានប្រព្រឹត្ត ទៅដោយរលូន ក្នុងរយៈពេលជិត ១ឆ្នាំមកនេះ នៅកម្ពុជា ។
តាមរយះនេះ លោក ប្រធានគ្រប់គ្រង ASEAN TOP NEWS សង្ឍឹមថា ឯកឧត្តម រដ្ឋមន្ត្រី និង ថ្នាក់ ដឹកនាំ ក្រសួងព័ត៌មាន នៅបន្តការគាំទ្រ បន្តទៅមុខទៀត ហើយ លោក បាន គោរព អញ្ជើញ ឯកឧត្តម រដ្ឋមន្ត្រី ទៅទស្សនកិច្ច នៅទីស្នាក់ការ ទីភ្នាក់ងារ សារ ព័ត៌មាន ASEAN TOP NEWS ក្នុងពេលវេលាសមគួរណាមួយ ដើម្បីផ្តល់ជា ការ លើកទឹក ចិត្ត ដល់ថ្នាក់ដឹកនាំ និងបុគ្គលឹក ដែលបំពេញការងារនៅទៅនោះ ទាំងខ្មែរ និង ចិន ឲ្យកាន់តែខិតខំ បំពេញកិច្ចការងារ តាមជំនាញកាន់តែ ទទួលបាន ជោគជ័យថ្មីៗ និងភាពរីកចំរើន ។
លោក វ៉ាង ប៉ (Wang Bo) បានបញ្ជាក់ជូនថា ASEAN TOP NEWS បានដាក់ទីស្នាក់ការ របស់ខ្លួននៅក្នុងក្រុងភ្នំពេញ គឺធ្វើជាស្នាក់ការកណ្តាល សម្រាប់ធ្វើទំនាក់ទំនង រវាង ប្រទេសចិន និងបណ្តា ប្រទេសក្នុងតំបន់ អាស៊ាន ហើយជាជំហ៊ាន បន្តទៅមុខទៀត ASEAN TOP NEWS នឹងបង្កើត ឲ្យមានទីស្នាក់ការ នៅគ្រប់បណ្តាប្រទេស ក្នុងតំបន់ អាស៊ាន តែម្តង ។
ឯកឧត្តម រដ្ឋន្ត្រី ខៀវ កាញារីទ្ធ បានបញ្ជាក់ពីជំហរ ក្នុងការបន្តគាំទ្រ ចំពោះ ដំណើរងារការ របស់ទីភ្នាក់ងារសារព័ត៌មាន ASEAN TOP NEWS នៅកម្ពុជា ហើយសង្ឍឹមថា ស្ថាប័នសារព័ត៌មាន របស់ចិនមួយនេះកាន់តែមានភាពរីកចំរើន និងជោគជ័យ ក្នុងភារកិច្ចការងារថ្មីៗទៅមុខទៀត ។ ឯកឧត្តម រដ្ឋមន្ត្រី បានជម្រាប ជូនដែរថា ក្រសួងព័ត៌មាន កម្ពុជា គ្រោងនឹងស្នើទៅរដ្ឋាភិបាលនៃប្រទេសចិន ក្នុងការបង្កើតជា មជ្ឃមណ្ឌល ព័ត៌មាន មេគង្គ ឡាងឆាង នៅរាជធានី ភ្នំពេញ ដើម្បីទុកធ្វើជាទីកន្លែង សម្រាប់បំពេញកិច្ចការងារ និងការធ្វើទំនាក់ទំនងគ្នា រវាង អ្នកសារព័ត៌មាន នៃបណ្តាប្រទេសជាសមាជិកអាស៊ាន ជាមួយប្រទេសចិន បាន កាន់តែជិតស្និតជាមួយគ្នា ហើយក៏ជាទីកន្លែងធ្វើការបណ្តុះបណ្តាល លើ វិស័យ ព័ត៌មាន និងការជួបជុំគ្នា រវាងអ្នកសារព័ត៌មាន ក្នុងតំបន់ និង ចិនផងដែរ។ ឯកឧត្តម បញ្ជាក់ដែរថា នៅពេលមជ្ឃមណ្ឌលនេះ ត្រូវបានបង្កើតឡើង ថ្នាក់ដឹកនាំ និង បុគ្គលឹក របស់ ASEAN TOP NEWS ក៏អាចចូលរួម បំពេញកិច្ចការងារនៅទី នេះបានដែរ ហើយក៏ត្រូវការកិច្ចសហការច្រើនជាមួយគ្នាថែមទៀតផង។
ASEAN TOP NEWS គឺជាសារព័ត៌មាន Online ដែលទទួលបានការ អនុញ្ញាត្តិ ពីក្រសួងព័ត៌មាន កម្ពុជា ធ្វើការផ្សព្វផ្សាយព័ត៌មាន រយះពេលជិត មួយ ឆ្នាំ មកហើយ ដោយបានធ្វើការផ្សាយព័ត៌មាន ជាភាសា ខ្មែរ ភាសាចិន និង អង់គ្លេស ។
អត្ថបទ និងរូបភាព៖ ក្រសួងព័ត៌មាន
