សិស្សឆ្នើមលំដាប់ពិភពលោកម្នាក់នៃសាលារៀនសុវណ្ណភូមិសាខាខេត្ដសៀមរាប ត្រូវបានបញ្ជូនឱ្យទៅសិក្សានៅវិទ្យាល័យមែលប៊ន ប្រទេសអូស្ដ្រាលី បន្ទាប់ពីប្រលងជាប់ស្ដង់ដារសិស្សឆ្នើមជ័យលាភីចំនួន១០ប្រទេស នៅលើសកលលោក។
លោក សាន្ដ រតនា នាយកសារៀនសុវណ្ណភូមិ ខេត្ដសៀមរាប បានឱ្យដឹងនៅថ្ងៃនេះថា សិស្សឆ្នើមលំដាប់អន្ដរជាតិនេះមានឈ្មោះ យាន សុផានុ រៀនថ្នាក់ទី៩នៅសាលារៀនសុវណ្ណភូមិរបស់ប្រទេសកម្ពុជា ហើយគាត់បានប្រលងជាប់ជាសិស្សឆ្នើមលំដាប់អន្ដរជាតិនាពេលកន្លងមក។លោកបន្ដថា សិស្សឆ្នើមរូបនោះត្រូវបានជ្រើសរើសឱ្យប្រលងជាមួយសិស្សជាច្រើនទៀត ដែលមកពីចំនួន១០ប្រទេស ដែលពួកគេបានរៀនត្រៀមប្រលងទៅរៀនថ្នាក់វិទ្យាល័យនៅប្រទេសអូស្ដ្រាលី ខណៈដែលរូបគេបានប្រលងជាប់ផ្នែកចំណេះដឹងទូទៅ ផ្នែកអប់រំភាសារ និងកម្មសិក្សាគោលរបស់វិទ្យាល័យទីនោះ។ការបញ្ជូនសិស្សឆ្នើតលំដាប់អន្ដរជាតិនេះ ជាមោទភាពមួយរបស់ប្រទេសកម្ពុជា ដែលកំពុងរស់នៅក្រោមម្លប់សន្ដិភាព។លោកសង្ឃឹមថា យុវសិស្សរូបនោះ នឹងយកស្នារដៃនិងសមត្ថភាពរបស់ខ្លួនបំរើដល់សង្គមជាតិនិងគ្រួសារ ក្រោយពេលបញ្ចប់ការសិក្សានៅក្រៅប្រទេស។
ជាមួយគ្នានោះ យុវសិស្សនិងក្រុមគ្រួសាររបស់គាត់បានសម្ដែងមោទនៈនិងភាពសប្បាយរីករាយយ៉ាងខ្លះ ដែលសមាជិករបស់ពួកគាត់មានសមត្ថភាពប្រលងជាប់ជាសិស្សឆ្នើតអន្ដរាជតិ ទៅសិក្សានៅប្រទេសអូស្ដ្រាលី។ពួកគាត់បានលើកឡើងថា ការប្រលងជាប់កម្រិតពិភពលោកនេះ ពិតជាកិតិយសក្នុងសង្គមជាតិ និងសង្គមគ្រួសារខ្លាំង ។សិស្សឆ្នើមជ័យលាភីរូបនោះ ក៍បានអំពាវដលល់សិស្សានុសិស្សឱ្យបន្ដព្យាយាមសិក្សារៀនសូត្រ ដោយកុំអស់សង្ឃឹមក្នុងការសិក្សា។
សូមបញ្ជាក់ថា សាលារៀនសុវណ្ណមានដៃគូរសិក្សានៅក្រៅប្រទេសមានចំនួន១៧ ប្រទេស ទាំងវិទ្យាល័យ មហាវិទ្យាលនិងវិទ្យានជាដើម៕
អត្ថបទ និង វីដេអូ ៖ លោក ឈិត សាវី
