នៅព្រឹកថ្ងៃទី២០ ខែ មីនា ឆ្នាំ២០១៩នេះ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានក្រុមការងារថ្នាក់ជាតិចុះជួយខេត្តសៀមរាប និង លោកជំទាវ បានអញ្ជើញចុះសួរសុខទុក្ខ និង ធ្វើការសំណេះសំណាលជាមួយក្មួយៗកុមារ នៃវិទ្យាល័យអប់រំពិសេសសៀមរាប ស្ថិតនៅភូមិមណ្ឌល៣ សង្កាត់ស្លក្រាម ក្រុងសៀមរាប និង បានទទួលទានអាហាររួមគ្នា សម្រាប់ជាការជួបជុំ ជាមួយក្មួយៗ កុមារគថ្លង់ និង ពិការភ្នែក នាឱកាសបុណ្យចូលឆ្នាំប្រពៃណីជាតិ ដែលនឹងឈានមកដល់ នាពេលឆាប់ៗខាងមុខនេះ។
តាមការបញ្ជាក់របស់លោកស្រី ហុង ធារី នាយិកាវិទ្យាល័យអប់រំពិសេសសៀមរាប បានឲ្យដឹងថា វិទ្យាល័យនេះ មានអាគារសិក្សា១២ខ្នង មានបុគ្គលិក ៤០នាក់ ស្រី១៨នាក់ មានសិស្សគថ្លង់ និង ពិការភ្នែកសរុប ចំនួន១៥៥នាក់ស្រី៦២នាក់ ក្នុងនោះគថ្លង់ ១៣៥នាក់ ស្រី ៥៥នាក់ ពិការភ្នែក ២០នាក់ ស្រី០៧នាក់ ក្នុងនោះដែរសិស្សមកពីបណ្តាតាមខេត្តផ្សេងៗ ស្នាក់នៅក្នុងសាលា ១០១នាក់ ស្រី២៨នាក់។
សម្តេចពិជ័យ សេនា ទៀ បាញ់ បានសម្តែងនូវការអាណិតអាសូរ ចំពោះក្មួយៗ កុមារគថ្លង់ និង ពិការភ្នែក ដែលបានបាត់បង់សមត្ថភាពនេះ តាំងពីកំណើត ប៉ុន្តែក្មួយៗ មិនត្រូវបាន ប្រមុខរាជរដ្ឋាភិបាលកម្ពុជា មើលរំលងឡើយ ពោលគឺសម្តេចតេជោ ហ៊ុន សែន នាយករដ្ឋមន្ត្រី និង សម្តេចគត្តិព្រឹទ្ធបណ្ឌិត ប៊ុន រានី ហ៊ុន សែន ព្រមទាំងថ្នាក់ ដឹកនាំគ្រប់លំដាប់ថ្នាក់ តែងបានធ្វើការផ្គត់ផ្គង់ជាប្រចាំខែ ដល់ក្មួយៗ នៃសាលាកុមារគថ្លង់ និង ពិការភ្នែក និង បានរៀបចំកម្មវិធីជួបជុំលេងសប្បាយជាមួយក្មួយៗទៀតផង។
សម្តេចពិជ័យ ក៏បានធ្វើការកោតសរសើរចំពោះ លោកគ្រូ អ្នកគ្រូ ដែលបានខិតខំបង្ហាត់ បង្រៀនដល់ក្មួយៗទាំងអស់ រហូតដល់រកការងារជូនសិស្សគថ្លង់ និងពិការភ្នែក បានធ្វើនៅតាមបណ្តាក្រុមហ៊ុនឯកជនមួយចំនួន ដើម្បីទទួលបានកម្រៃដោះស្រាយជីវភាពដោយខ្លួនឯងទៀតផង។
កត្តាទាំងនេះ បានបង្ហាញពីការខិតខំប្រឹងប្រែង និងតែងតែគិត%
