នៅថ្ងៃទី ២២ ខែមីនា ឆ្នាំ២០១៩ ការិយាល័យកុងស៊ុល នៃសាធារណរដ្ឋប្រជាមានិតចិនប្រចាំខេត្តសៀមរាប សហការជាមួយមន្ទីរពេទ្យអន្តរជាតិរស្មីអង្គរ នឹងធ្វើការពិនិត្យ និងព្យាបាលជំងឺទូទៅ ដោយឥតគិតថ្លៃ ជូនដល់ប្រជាពលរដ្ឋ ដែលមានទីតាំងស្ថិតនៅមណ្ឌលសុខភាព ឃុំត្បែង ស្រុកបន្ទាយស្រី ខេត្តសៀមរាប។
តាមការឲ្យដឹងពីមន្ត្រីរដ្ឋបាលខេត្តសៀមរាប បានបញ្ជាក់ថា ក្រុមគ្រូពេទ្យស្ម័គ្រចិត្ត នឹងចាប់ផ្ដើមពិនិត្យ និងព្យាបាលជំងឺពីម៉ោង ៩:00 នាទីព្រឹក ដល់ម៉ោង ៤:០០ នាទីរសៀល ចំនួនមួយថ្ងៃតែប៉ុណ្ណោះ ដែលពិនិត្យ និងព្យាបាលលើជំងឺទូទៅ ជំងឺឆ្អឹង និងចាក់ម្ជុលវិទ្យាសាស្ត្រផងដែរ។ ទន្ទឹមនឹងនោះ ប្រជាពលរដ្ឋដែលរស់នៅក្នុងភូមិសាស្ត្រក្បែរនឹងឃុំត្បែងក៏អាចមកទទួលសេវាពិនិត្យ និងព្យាបាលនេះផងដែរ។
អត្ថបទ៖ សេង ផល្លី
