កិច្ចប្រជុំអន្តរក្រសួង លើកទី ២ ដើម្បីធ្វើការពិនិត្យឡើងវិញលើសេចក្តី ព្រាងច្បាប់ស្តីពីសិទ្ធិទទួលព័ត៌មាន ដែលរៀបចំ ឡើងដោយ ក្រសួងព័ត៌មាន បានបន្តដំណើរការ កិច្ចពិភាក្សាគ្នា នាព្រឹកថ្ងៃទី ២០ ខែ មីនា ឆ្នាំ ២០១៩ ដឹកនាំកិច្ចប្រជុំដោយ ឯកឧត្តម ខៀវ កាញារីទ្ធ រដ្ឋមន្ត្រី ក្រសួងព័ត៌មាន និងវត្តមានចូលរួមពីសំណាក់ ឯកឧត្តម ជាអ្នកជំនាញផ្នែកច្បាប់ មកពី ក្រសួង គន្លឹះតំណាង ក្រុមប្រឹក្សាអ្នកច្បាប់ ទីស្តីការគណៈរដ្ឋមន្ត្រី និង ក្រុមប្រឹក្សាសេដ្ឋកិច្ច សង្គម វប្បធម៏ ទីស្តីការគណៈរដ្ឋមន្ត្រី ដើម្បីធ្វើការពិនិត្យ ពិភាក្សាគ្នាក្នុងការចូលរួម ផ្តល់ធាតុផ្សុំ សម្រាប់សេចក្តីព្រាងច្បាប់នេះ ឲ្យមានលក្ខណៈគ្រប់ជ្រុងជ្រោយ តាមសមត្ថកិច្ច របស់ក្រសួង ស្ថាប័នពាក់ព័ន្ធនីមួយៗ និងស្របតាម ស្ថានភាព នយោបាយច្បាប់ នៃ ព្រះរាជាណាចក្រកម្ពុជា ។
កិច្ចប្រជុំពិភាក្សាលើកទី ២ ជាលក្ខណៈអន្តរក្រសួងនេះ បន្តធ្វើការពិនិត្យ កែសម្រួល នូវរាល់ចំណុចមួយចំនួននៅក្នុង មាត្រានៃជំពួកនីមួយៗ ជាបន្តបន្ទាប់ តាម ទម្រង់ និងកិត្តិយុតនៃច្បាប់ ហើយនៅពេលដំណើរការប្រជុំពិភាក្សានេះ នឹងបញ្ចប់នៅក្នុងពេលខាងមុខនេះ បន្ទាប់មកនឹងមានជាកិច្ចប្រជុំអន្តរក្រសួង ជារួមធំមួយទៀត ដោយមានការចូលរួម គ្រប់ក្រសួង ស្ថាបន័ របស់រដ្ឋ ដើម្បីធ្វើការពិនិត្យ កែ សម្រូល ជាលើកចុងក្រោយ ដើម្បីឯកភាពគ្នាជាផ្លូវការ បញ្ជូននូវ សេចក្តីព្រាង ច្បាប់ស្តីពីសិទ្ធិទទួលព័ត៌មាននេះ ទៅធ្វើការប្រជុំពេញអង្គគណៈរដ្ឋមន្ត្រី ធ្វើការ សម្រេចរួច បញ្ជូនទៅរដ្ឋសភាធ្វើការ អនុម័តជាផ្លូវការ ណាពេលឆាប់ៗ ខាងមុខ នេះ ។
បើតាមការបញ្ជាក់របស់ ឯកឧត្តម រដ្ឋមន្ត្រី ខៀវ កាញារីទ្ធ នាកិច្ចប្រជុំអន្តរ ក្រសួង កាលពីលើកទី ១បានឲ្យដឹងថា ថា ច្បាប់ស្តីពីសិទ្ធិ ទទួលព័ត៌មាន នេះត្រូវបាន រាជរដ្ឋាភិបាល ប្រគល់ភារកិច្ច ឲ្យក្រសួងព័ត៌មាន កាលពីខែ វិច្ឆិកា ឆ្នាំ ២០១៣ ដឹកនាំវេទិកាពិគ្រោះយោបល់ ជាមួយអ្នកសារព័ត៌មាន អង្គការ សង្គមស៊ីវិល និងក្រសួងស្ថាប័នពាក់ពន្ធ័ ដើម្បី រៀបចំ តាក់តែងសេចក្តីព្រាង ច្បាប់ស្តីពីសិទ្ធិទទួលព័ត៌មាន នេះឡើង។ បន្ទាប់មក នៅក្នុងខែកុម្ភះ ឆ្នាំ ២០១៥ ក្រសួងព័ត៌មាន បានសហការ ជាមួយ អង្គការ យូណេស្កូ ប្រចាំកម្ពុជា ដោយបានបង្កើតក្រុមការងារបច្ចេកទេស ហៅកាត់ថា TWG A 2 I ( អេ ធូ អាយ) ហើយកិច្ចពិភាក្សាកែសម្រួលសេចក្តី ព្រាងច្បាប់នេះ សម្រាប់ក្រុមការងារ បច្ចេកទេស ទើបតែបញ្ចប់កាលពី ឆ្នាំកន្លងទៅនេះ។ ប៉ុន្តែបើ និយាយជារួម ច្បាប់ស្តីពីសិទ្ធិទទួលព័ត៌មាន កាលពីមុនដំបូង គឺក្រសួង ទំនាក់ទំនងព្រឹទ្ធសភា រដ្ឋសភា និងអធិការកិច្ច ជាអ្នករៀបចំ តែក្រោយមក រាជរដ្ឋាភិបាល បានប្រគល់ មកឲ្យ ក្រសួងព័ត៌មាន ជាអ្នករៀបចំម្តង ។ សរុប ជារួម ច្បាប់នេះ មានរយៈ ពេលជាង ១២ ហើយសម្រាប់ ក្រសួង ព័ត៌មាន បាន ដំណើរការរៀបចំ អស់រយៈ ពេល ២ ឆ្នាំ កន្លះមកហើយ ដោយ មាន ការចូលរួម ពីគ្រប់ ផ្នែកពាក់ពន្ធ័ រួមទាំង អង្គការអន្តរជាតិ អង្គការសហប្រជាជាតិ ហើយក្នុងនោះអង្គការយូណេសស្កូ បានកំណត់ថា របៀបធ្វើច្បាប់ស្តីពីសិទ្ធិ ទទួលព័ត៌មាននេះ គួរតែជាគំរូ សម្រាប់បណ្តាប្រទេសក្នុងអាស៊ាន ដែលមាន លក្ខណៈបើកទូលាយ ។
សេចក្តីព្រាងច្បាប់នេះ គឺជាលទ្ធផលនៃការអភិវឌ្ឍ ក្របខណ្ឌ គតិយុត្ត របស់រាជរដ្ឋាភិបាលកម្ពុជា ដើម្បីគាំទ្រ ដល់ គោលនយោបាយ នៃការធ្វើ កំណែទម្រង់ ប្រព័ន្ធរដ្ឋបាល និងអភិបាលកិច្ចល្អ ក្នុងការផ្តល់សេវាជូន ប្រជាពលរដ្ឋ ប្រកប ដោយប្រសិទ្ធិភាព តម្លាភាព និងគណនេយ្យភាព ស្របតាមយុទ្ធសាស្ត្រ ចតុកោណ ដំណាក់កាលទី៤ របស់រាជរដ្ឋាភិបាលកម្ពុជា។ សេចក្តីព្រាងច្បាប់ នេះមាន ៩ ជំពួក និង ៣៨ មាត្រា ហើយច្បាប់នេះ មិនមានបង្កើតស្នងការ ព័ត៌មាន ដែលជាស្ថាប័នឯករាជ្យ ដើម្បីដោះស្រាយបណ្តឹង ស្តីពីការស្នើសុំ ព័ត៌មាន ឬត្រូវជ្រើសរើសបុគ្គលឹកថ្មី សម្រាប់បំរើការងារ ដូចច្បាប់នៅប្រទេស ដ៏ទៃនោះទេ។
ទាក់ទងទៅនិងលទ្ធផល នៃកិច្ចប្រជុំអន្តរក្រសួង លើកទី ២ ដើម្បីពិនិត្យ លើសេចក្តីព្រាង ច្បាប់ស្តីពីសិទ្ធិទទួលព័ត៌មាន នាឱកាសនេះ ឯកឧត្តម ផុស សុវណ្ណ ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយក ព័ត៌មាន និងសោតទស្សន៏ នៃក្រសួង ព័ត៌មាន មានប្រសាសន៏បញ្ជាក់ថា ,,,, សំលេងដើម,,,,៕ក្នុងវីដេអូ។
អត្ថបទ និង រូបភាព ៖ ក្រសួងព័ត៌មាន
