នៅថ្ងៃទី២១ ខែមីនា ឆ្នាំ២០១៩ លោកជំទាវ ទាង អេង ទៀសីហា អនុប្រធានគណៈកម្មាធិការ សាខាកាកបាទក្រហមកម្ពុជាខេត្តសៀមរាប តំណាងដ៏ខ្ពង់ខ្ពស់ ឯកឧត្តម ទៀ សីហា អភិបាល នៃគណៈអភិ បាលខេត្តសៀមរាប និងជាប្រធានគណៈកម្មាធិការសាខា និងសហការី បានអញ្ជើញជួបសំណេះសំ ណាលសួរសុខទុក្ខ និងនាំយកអំណោយមនុស្សធម៌ជូនបងប្អូនអ្នករស់នៅជាមួយមេរោគអេដស៍ចំនួន៥ គ្រួសារ (នៅភូមិធ្លកអណ្ដូង សង្កាត់ស្លក្រាម ២គ្រួសារ ភូមិបន្ទាយចាស់ សង្កាត់ស្លក្រាម ១គ្រួសារ និងភូមិសាលាកន្សែង សង្កាត់ស្វាយដង្គំ ២គ្រួសារ)។
មានប្រសាសន៍នាឱកាសនោះ លោកជំទាវ អនុប្រ ធានគណៈកម្មាធិការសាខា បានពាំនាំនូវការផ្ដាំផ្ញើសួរសុខទុក្ខ ពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងជា ឥស្សរជនឆ្នើមថ្នាក់ជាតិនៃវេទិការភាពជាអ្នកដឹកនាំប្រចាំតំបន់អាស៊ី-ប៉ាស៊ីហ្វិក ចំពោះការឆ្លើយតបមេ រោគអេដស៍-ជំងឺអេដស៍ នៅកម្ពុជា ដែលតែងតែ យកចិត្តទុកដាក់គិតគូរចំពោះប្រជាពលរដ្ឋគ្រប់រូប មិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ។
លោកជំទាវ ក៏បានបន្តថា ថ្វីត្បិតតែអំណោយមនុស្សធម៌ដែលបាននាំយក មកជូននាពេលនេះមានចំនួនតិចតួចក្ដី តែនេះជាការជួយគ្នាក្នុងគ្រាលំបាក ហើយក៏ជាការបង្ហាញនូវការ យកចិត្តទុកដាក់ចំពោះប្រជាពលរដ្ឋគ្រប់រូបពីសំណាក់ថ្នាក់ដឹកនាំ ពិសេសគឺកាកបាទក្រហមកម្ពុជា ដូចដែលបានលើកឡើងថា “កាកបាទក្រហមកម្ពុជាមានគ្រប់ទីកន្លែង សម្រាប់គ្រប់ៗគ្នា-មិនទុកនរណាម្នាក់ចោល” និង “ទីណាមានទុក្ខលំបាក ទីនោះមាន កាកបាទក្រហមកម្ពុជា”។
ព័ត៌មានជាតិ ថ្មីៗ
លោកជំទាវក៏បានសម្តែងនូវការអាណិត អាសូរ ចំពោះបងប្អូនទាំងអស់ ដោយបានបញ្ជាក់ថា នេះគឺជាបញ្ហាមួយធ្វើឲ្យយើងទាំងអស់ គ្នា រួមសហការគ្នាដោះស្រាយ ដើម្បីឈានទៅគ្រប់ គ្រងឲ្យបាន នូវការឆ្លងរាលដាលនៃជំងឺអេដស៍ ។លោកជំទាវ ក៏បានធ្វើការលើកទឹកចិត្តដល់បងប្អូនទាំងអស់កុំឲ្យអស់ក្តីសង្ឃឹម ព្រោះជំងឺអេដស៍នាពេលបច្ចុប្បន្ន យើងមានថ្នាំពន្យារជីវិតអាចឲ្យយើងរស់រាន ដូចប្រជាពលរដ្ឋធម្មតាដែរ តែបងប្អូនត្រូវគោរពឲ្យ បានទៅតាមវេជ្ជបញ្ជារបស់គ្រូពេទ្យ និងថែរក្សាសុខភាពខ្លួនឱ្យបានល្អ ។
អំណោយមនុស្សធម៌ដែល បានផ្ដល់ជូនក្នុង ១គ្រួសារទទួលបាន មុង១ ,ភួយ១ ,សារុង១ ,ក្រមា១ ,មី១កេស ,ត្រីខ១យួរ ,ទឹកត្រី១យួរ ,ទឹកដោះគោខាប់៣កំប៉ុង ,ស្ករស ១គី ឡូ ក្រាម ,អង្ករ៣០គីឡូក្រាម និងថវិកា ៤ម៉ឺនរៀល ។
ជា មួយគ្នានេះដែរព្រះចៅអធិការវត្តប្រាសាទត្រាំនាគ ព្រះអង្គក៏បានប្រទាននូវទេយ្យទានមួយចំនួនផងដែរ ។
អត្ថបទ និងរូបភាព៖លោកអុិន សីហរិទ្ធ
កែសម្រួលអត្ថបទ៖ លោក លីវ សុខុន !!!
