គិតត្រឹមរសៀលថ្ងៃទី២៣ និងរំលងអាធ្រាត្រឈានចូលថ្ងៃទី២៤ ខែមីនា ឆ្នាំ២០១៩នេះ នៅខេត្តសៀមរាបមានភ្លៀងធា្លក់ លាយឡំខ្យល់កន្ទ្រាក់ និងផ្គររន្ទះ បណ្ដាលឲ្យ គោងាប់ ៣ក្បាល ក្មេងប្រុសម្នាក់អាយុ ៣ឆ្នាំ រងរបួសស្រាល ខូចខាតផ្ទះ ១៥ខ្នង របើកដំបូលសាលារៀន ១ខ្នង រួមនិងសំភារៈមួយចំនួនទៀត។
តាមរយៈរបាយការណ៍ របស់សមត្ថកិច្ចនគរបាលខេត្តសៀមរាបបានបញ្ជាក់ថា ក្រុងស្រុកចំនួន ៥ក្នុងខេត្តសៀមរាប បានរងផលប៉ះពាល់ពីគ្រោះធម្មជាតិនេះ ក្នុងរួមមាន៖
+ក្រុងសៀមរាប
រន្ទះបាញ់គោស្លាប់ ២ក្បាល
របើកសំយ៉ាបផ្ទះចំនួន០២ខ្នង
+ស្រុកអង្គរជុំ
របើក ដំបូលសាលារៀនប្រក់ស័ង្កសី ១ខ្នង
ដើមឈើរលំដួល សង្កត់ផ្ទះ ១ខ្នង ខូចខាតទាំងស្រុង
+ស្រុកសូទ្រនិគម
រន្ទះបាញ់គោ ងាប់ ១ក្បាល
រលំផ្ទះជញ្ជាំងបាំង និង ប្រក់ស័ង្កសី ១ខ្នង
ខ្យល់កន្ទ្រាក់រលំផ្ទះ ២ខ្នង
ខ្យល់កន្ទ្រាក់របើកដំបូលផ្ទះ ៤ខ្នង
+ស្រុកស្វាយលើ
ខ្យល់កន្ទ្រាក់រលំផ្ទះ ជញ្ជាំងបាំង និងប្រក់ស័ង្គសី ១ខ្នង
ខ្យល់កន្ទ្រាក់រលំផ្ទះ ១ខ្នង ធ្វើពីឈើ ប្រក់ស័ង្គសី
ខ្យល់កន្ទ្រាក់របើកដំបូលផ្ទះ ១ខ្នង
ដំបូលផ្ទះ ប៉ើងសង្កត់គោយន្តកន្ទ្រៃ ១គ្រឿង
ដំបូលផ្ទះ ប៉ើងសង្កត់ម៉ូតូ ១គ្រឿង
+ស្រុកប្រាសាទបាគង
រលំដើមឈើសង្កត់ផ្ទះ ១ខ្នង
ក្មេងប្រុសអាយុ ៣ឆ្នាំ រងរបួសស្រាល
ក្នុងករណី បាតុភូតធម្មជាតិនេះដែរ ពុំបណ្តាឲ្យបាត់បង់ជីវិតមនុស្សឡើយ។
អត្ថបទ និង រូបថត : លោក ថាច់ ពិសុទ្ធ
កែសម្រួលអត្ថបទ : លោក សេង ផល្លី
