ក្នុងឱកាសនៃកិច្ចប្រជុំ សាមញ្ញប្រចាំសប្តាហ៏ របស់ថ្នាក់ដឹកនាំក្រសួងព័ត៌មាន នាសប្តាហ៏ទី ៤ នៃខែមីនា ឆ្នាំ ២០១៩នេះ ឯកឧត្តម ខៀវ កាញារីទ្ធ រដ្ឋមន្ត្រី ក្រសួងព័ត៌មាន បានជម្រុញដល់ ក្រុមការងារចងក្រង បោះពុម្ពសៀវភៅ “ជីវិតយើង សង្គមយើង” ដែលនិយាយអំពី បេឡាជាតិរបបសន្តិសុខសង្គម ប.ស.ស រៀបចំចងក្រង ដោយ ថ្នាក់ដឹកនាំ នៃវិទ្យុជាតិកម្ពុជាធ្វើយ៉ាងណា ឲ្យបានឆាប់រួចរាល់ ដើម្បីធ្វើការបោះពុម្ពជាសៀវភៅ ក្នុងជំហានដំបូង ប្រមាណ ១ ៥០០ ក្បាល ។
បេឡាជាតិ របបសន្តិសុខសង្គម ប.ស.ស. គឺជាគោលនយោបាយ មានសារៈសំខាន់ណាស់ ដែលរាជរដ្ឋាភិបាល បានខិតខំជួយប្រជាជន ជាកម្មករ កម្មការិនី តាម បណ្តារោងចក្រ សហគ្រាស មន្ត្រីរាជការ និងកងកំលាំង ប្រដាប់ អាវុធទូទាំងប្រទេស ក្នុងការថែទាំ ពិនិត្យព្យាបាលជម្ងឺ ដោយឥតគិតថ្លៃ ក៏ដូចជា ជីវភាពរស់ នៅប្រចាំថ្ងៃ ផងដែរ។ ដោយមើលឃើញពី សារៈសំខាន់នៃប្រធាបទនេះ ទើប ឯកឧត្តម រដ្ឋមន្ត្រី ខៀវ កាញារីទ្ធ បានជម្រុញឲ្យ ថ្នាក់ដឹកនាំ មន្ត្រីជំនាញ ពាក់ព័ន្ធ ធ្វើការស្រាវជ្រាវ និងចងក្រងនូវរាល់ខ្លឹមសារ និងប្រធានបទ ទាក់ទង ទៅការងាររបស់ ប.ស.ស.នេះហើយធ្វើការបោះពុម្ព ជាសៀវភៅទុក ជា ឯកសារ សម្រាប់ចែកជូន ថ្នាក់ដឹកនាំ គ្រប់ស្ថាប័ន មន្ត្រី និងប្រជាពលរដ្ឋ អាន យល់ ដឹង ពីសារៈសំខាន់នៃ គោលនយោបាយនៃ បេឡាជាតិរបបសន្តិសុខសង្គម ប.ស.ស.។
ក្នុងឱកាសនៃកិច្ចប្រជុំប្រចាំសប្តាហ៏ នេះដែរ ឯកឧត្តម លោកជំទាវ ជាថ្នាក់ ដឹកនាំនៃអគ្គនាយកដ្ឋានទាំង ៥ ចំណុះឲ្យ ក្រសួងព៏ត៌មាន បានធ្វើរបាយណ៍ ពីលទ្ធផលការងារ តាមជំនាញនីមួយៗ សម្រេចអនុវត្តន៍បាន ក៏ដូចជាបញ្ហាប្រឈមមួយចំនួន ដែលទាមទារឲ្យមានការរួមគ្នាដោះស្រាយ ដើម្បីធ្វើយ៉ាងណា ឲ្យរាល់ដំណើរការងារ បានដោយរលូន និងជោគេជ័យ បន្តទៅមុខ ទៀត។ ទន្ទឹមគ្នា នេះដែរ ឯកឧត្តម លោកជំទាវ ជា រដ្ឋលេខាធិការ អនុរដ្ឋលេខាធិការ ប្រតិភូរាជរដ្ឋាភិបាលទទួលបន្ទុក ការងារ តាមជំនាញនីមួយៗ ក៏បានគួសបញ្ជាក់ ពី ផែនការ សម្មភាពកិច្ចការងារ សំខាន់ៗជាច្រើន ដែលសម្រេចអនុវត្តន៍បាន និង នៅមិនទាន់ដោះ ស្រាយ បញ្ហាប្រឈម ដែលត្រូវស្នើការសម្រេច ពី ឯកឧត្តម រដ្ឋមន្ត្រី ដើម្បីឲ្យ ដំណើរការងារទាំងឡាយនោះ ប្រព្រឹត្តទៅបានល្អប្រសើរ ។
ឯកឧត្តម រដ្ឋមន្ត្រី ខៀវ កាញារីទ្ធ បានធ្វើការសម្រេចឯកភាព នូវការងារ សំខាន់ៗ មួយចំនួន ដើម្បីប្រសិទ្ធភាពការងារ ហើយជាមួយគ្នានេះដែរ ឯកឧត្តម រដ្ឋមន្ត្រី បានបញ្ជាក់ថា នៅពេលបញ្ហាអ្វីមួយ កើតឡើងក្នុងអគ្គនាយកដ្ឋាន នីមួយៗ ត្រូវមានការ ជួបប្រជុំគ្នាដោះស្រាយគ្នាឲ្យបានល្អ ពិសេសការពង្រឹង សមត្ថភាព របស់មន្ត្រី កាន់តែរឹងមាំក្នុងការ បំពេញនូវរាល់ភារកិច្ចការងារ ក្នុង នោះជម្រុញឲ្យមន្ត្រី ឲ្យក្លាយជា អ្នកសរសេរ បទវិភាគបញ្ហាធំៗ ដែលជា កិច្ចការងារ ដ៏សំខាន់ ហើយនៅកំពុងមានការខ្វះអ្នកជំនាញក្នុងផ្នែកនេះ ។
អង្គប្រជុំបានធ្វើការពិនិត្យពិភាក្សាគ្នា នូវបញ្ហានានា មួយចំនួនទាំងផ្ទៃក្នុង ក្រសួង និង អន្តរក្រសួង នៅលើយន្តការការងារ នៃកិច្ចសហការគ្នា ឲ្យកាន់ តែមានប្រសិទ្ធិភាព និង ស៊ីជម្រៅទ្វេរឡើងថែមទៀត៕
អត្ថបទ និង រូបថត : ក្រសួងព័ត៌មាន
