មន្ត្រីសាខាកាំកុងត្រូលខេត្តសៀមរាប បានសហការណ៏ជាមួយមន្ទីរពាណិជ្ជកម្មខេត្ត នៅតែបន្តសកម្មដើម្បីត្រួតពិនិត្យតាមដាន និងការអប់រំណែនាំ គឺជាមូលដ្ឋានគ្រឹះពិតណាស់ចំពោះសុវត្ថិភាពលើម្ហូបអាហារនោះ ដែលមិនអាចខ្វះបានឡើយ សម្រាប់បងប្អូនប្រជាពលរដ្ឋទូទៅឲ្យកាន់តែមានភាពល្អប្រសើរថែមទៀត។ ប្រជាពលពលរដ្ឋមានការយល់ដឹងច្រើនជាមួយនឹងការប្រុងប្រយត្ន័ខ្ពស់ ចំពោះការថែរក្សាសុខភាពតាមរយៈនៃការជ្រើសរើសទំទិញម្ហូបអាហារប្រចាំថ្ងៃរបស់ពួកគាត់។ ចំពោះអាជីវករវិញ ក៏មានស្មារតីភ្ញាក់រលឹកខ្ពស់ផងដែរ បើប្រៀបធៀបទៅនឹងរយៈពេលប៉ុន្មានឆ្នាំមុននោះ។ ក្នុងប្រតិបត្តិការចុះត្រួតពិនិត្យសុវត្ថិភាពម្ហូបចំណីអាហារនេះ ស្ថិតនៅផ្សារញ៉ែភូមិតាភុល សង្កាត់ស្វាយដង្គំ ក្រុងសៀមរាប ខេត្តសៀមរាប នាព្រឹកថ្ងៃទី២៦ ខែមីនា ឆ្នាំ២០១៩។
លោក ព្រៅ ខេមរិទ្ធ ប្រធានសាខាកាំកុងត្រូលខេត្តសៀមរាប បានលើកឡើងថា ការធ្វើប្រតិបត្តិការណ៏នេះ ដែលមន្ត្រីក្រុមការងារបានចុះត្រួតពិនិត្យលើសុវត្ថិភាពចំណីអាហារនៅក្នុងផ្សារញ៉ែភូមិតាភុល ខេត្តសៀមរាប។ សាខាកាំកុងត្រូលបានរកឃើញសារធាតុគីមីហាមឃាត់ផ្ទុកនៅក្នុងស្ពៃជ្រកប្រមាណជាង៤ គីឡូក្រាម ត្រូវបានដកហូតទុកនឹងធ្វើការណែនាំមិនអនុញ្ញាតិឲ្យមានជាលើកទី២ឡើយ ដោយឡែកប្រភេទទំនិញម្ហូបអាហារមួយចំនួនដែលបានដាក់តាំងលក់នៅទីនោះ ពុំមានបញ្ហាអ្វីឡើយ រួមមានដូចជា៖ សណ្តែកបណ្តុះ ស្ពៃជ្រក់ ប្រហិត ជ្រក់មមាញ់ ផ្សិត ជ្រកទំពាំង ផ្អកត្រីប្រា ជ្រកត្រសក់ បង្គា តៅហ៊ូ នឹងបានពិនិត្យសុពលភាពប្រភេទគ្រឿងកំប៉ុងជាច្រើនផងដែរ ។ លោកប្រធានបានបន្តថា ការចុះត្រួតពិនិត្យតាមដាន និង ការអប់រំផ្សព្វផ្សាយដល់អាជិវករ ឬក៏បងប្អូនប្រជាពលរដ្ឋ ដែលនិយមបរិភោគ ប្រើប្រាសជាប្រចាំថ្ងៃ គឺជាកក្តាចាំបាច់មិនអាចខ្វះបាន ដូច្នេះសូមបងប្អូនមុននឹងទិញគ្រឿងកំប៉ុង និងម្ហូបចំណី សម្រាប់ការប្រើប្រាសឬបរិភោគគួរតែពិនិត្យមើលឲ្យបានច្បាស់លាស់ ដើម្បីជៀវាងនៅរបស់របខូចគុណភាព នឹងផុតកំណត់នោះ ដែលជាមូលហេតុធ្វើឲ្យមានផលបះពាល់ដល់សុខភាពយ៉ាងខ្លាំង។
លោកបញ្ចាក់ថា បើទោះបីជាលទ្ធផលចុះផ្សារនៅព្រឹកនេះមន្ត្រីជំនាញ និងស្ថាប័នពាក់ព័ន្ធ ធ្វើតេស្ដបឋមរកមិនឃើញសារធាតុគីមី ឬក៏ឃើញនៅក្នុងទំនិញគ្រឿងហូបចុក និងទំនិញខូចគុណភាពក្ដី ក៏មន្ត្រីជំនាញកាំកុងត្រូលសាខាខេត្តសៀមរាប នៅតែបន្ដអំពាវនាវឲ្យមានការចូលរួមពីក្រុមអាជីវករលក់ដូរ ប្រជាពលរដ្ឋអ្នកប្រើប្រាស់ និងសាធារណៈជនទាំងអស់រួមគ្នា ក្នុងការទប់ស្កាត់ និងបញ្ឈប់ការប្រើប្រាស់សារធាតុគីមី នៅក្នុងគ្រឿងហូបចុក លក់ដូរនូវទំនិញហួសអាយុកាលប្រើប្រាស់ ក្លែងបន្លំ ឬទំនិញខូចគុណភាព ដែលជាអំពើខុសច្បាប់ ប្រឈមនិងអាចមានទោសទណ្ឌក្នុងករណីធ្ងន់ធ្ងរផងដែរ៕
អត្តបទនិងរូបភាព៖ស៊ាន សុផាត
