ប្រតិភូរាជរដ្ឋាភិបាលទទួលបន្ទុកវិទ្យុហ្វេសអឹម ទូទាំងប្រទេសចុះសិក្សាកិច្ចសហការផ្សាយវិទ្យុមិត្តភាពកម្ពុជា-ថៃ

នារសៀលថ្ងៃទី២៦ ខែមីនា ឆ្នាំ២០១៩ ឯកឧត្តម តូច សារ៉េត ប្រតិភូរាជរដ្ឋាភិបាលទទួលបន្ទុកវិទ្យុFMទូទាំងប្រទេស បានអញ្ជើញជួបសំណេះសំណាលនិងពិភាក្សាការងារនៅមន្ទីរព័ត៌មានខេត្តសៀមរាប។ក្នុងកិច្ចពិភាក្សានេះដែលលោក លីវ សុខុន មន្ទីរព័ត៌មានខេត្តសៀមរាបបានរាយការណ៍ជូន ឯកឧត្តម តូច សារ៉េត បានស្តាប់របាយការណ៍ មួយចំនួនពាក់ព័ន្ធ អំពីកម្មវិធីផ្សាយរបស់វិទ្យុFM ជាតិនគរភ្នំ ខេត្ត សៀម រាប និង ការងារសហប្រតិបត្តិការផ្សាយវិទ្យុមិត្តភាពកម្ពុជា-ថៃ ( Twin Radio) ដែលកន្លងមក វិទ្យុ FM ជាតិតាមាន់ខេត្តឧត្តរមានជ័យ បានផ្សាយ( Twin Radio) ជាមួយវិទ្យុជាតិខេត្តសូរិន្ទប្រទេសថៃ ហើយក្នុងខែមីនាថ្មីៗកន្លងមកនេះ វិទ្យុFM ជាតិ នគរភ្នំ ខេត្តសៀមរាប ក៏បានចាប់ផ្តើម នៅផ្សាយរៀង រាល់ថ្ងៃអាទិត្យ ចាប់ពីម៉ោង ៨.០០នាទីដល់ ម៉ោង ៩.០០នាទីព្រឹក រយៈមួយម៉ោងផងដែរ ។

ឯកឧត្តម បានកត់សំគាល់លើបទពិសោធន៍កន្លងមក ដោយមើលឃើញមានបញ្ហាខ្វះខាតខ្លះៗ ដូចជាៈ
– ប្រព័ន្ធសំឡេងមានបញ្ហាឆ្លង (កុងសំឡេង)
– មិនមានរៀបចំប្រធានបទទុកជាមុន ដើម្បីធ្វើកម្មវិធីទៅឲ្យស៊ីសង្វាក់គ្នា ។

ឯកឧត្តម តូច សារ៉េត បានសំណេះសំណាលជាមួយ ក្មួយៗ ពិធីករ ពិធីការីនី ដោយផ្តោតលើខ្លឹម សារពិធី សារ នៃអនុស្សារណៈយោគយល់គ្នារវាងកម្ពុជា -ថៃ មានន័យថា ការធ្វើកម្មវិធីមិនត្រូវឲ្យប៉ះ ពាល់រឿងនយោបាយ និងការងារសន្តិសុខ នៃប្រ ទេសទាំងពីរ ឡើយ ។ ឯកឧត្តម ក៏បានកោតសរសើរ ដល់មន្ត្រី និងពិធីករ ពិធីការីនី វិទ្យុFM ជាតិនគរភ្នំ ខេត្តសៀម រាប និងមន្ត្រីរបស់មន្ទីរព័ត៌មានខេត្ត ដែលបានខិតខំយកចិត្តទុកដាក់បំពេញការងារបានយ៉ាងល្អប្រសើរ ។