រដ្ឋបាលសង្កាត់នគរធំ សង្កាត់សាលាកំរើក និងសង្កាត់ជ្រាវ ក្នុងក្រុងសៀមរាប នៅថ្ងៃទី៣០ ខែវិច្ឆិកា ឆ្នាំ២០២២នេះ បានបើកការដេញថ្លៃសាងសងផ្លូវចំនួន ៤ខ្សែតាមសង្កាត់នីមួយៗរបស់ខ្លួន ដោយក្នុងនោះសង្កាត់នគរធំ ត្រូវបានទទួលសំណើរដេញថ្លៃ ៨ក្រុមហ៊ុន, សង្កាត់សាលាកំរើក ចំនួន ៥ក្រុមហ៊ុន និងសង្កាត់ជ្រាវ មានចំនួន ៩ក្រុមហ៊ុន។ ពិធិនេះក៏ដោយមានការចូលរួមពីតំណាងទីចាត់ការផែនការ និងវិនិយោគខេត្ត មន្ត្រីបច្ចេកទេសក្រុង និងការិយាល័យផែនការ និងគាំទ្រសង្កាត់នៃរដ្ឋបាលក្រុង គណៈកម្មការលទ្ធកម្មសង្កាត់ទាំង៣ និងអាជ្ញាធរពាក់ព័ន្ធជាច្រើនរូប។
លោក ជា សារិន ប្រធានគណ:កម្មការលទ្ធកម្មសង្កាត់នគរធំ មានប្រសាសន៏ថា គណៈកម្មការដេញថ្លៃបានអនុវត្តទៅដោយរលូនត្រឹមត្រូវ មិនមានការខ្សឹបខ្សៀវ មិនហួសម៉ោង មិនមានការលាក់លៀមខ្សឹបខៀវ ដើម្បីកេញប្រវ៉ាញ់ថវិការដ្ឋនោះទេ គឺធ្វើទៅតាមច្បាប់ទៅតាមគោលការរបស់រដ្ឋ។ដោយឡែកក្រោយពីយើងបានពិនិត្យធ្វើការវាយតម្លៃរួចមក ពាក់ព័ន្ធសំណើរដេញថ្លៃនីមួយៗ គឺមានសុពលភាពគ្រប់គ្រាន់ដែលអាចទទួលយកបាន ហើយគណៈកម្មលទ្ធកម្មសង្កាត់បានធ្វើការប្រកាសលទ្ធផលដល់ក្រុមហ៊ុនមួយចំនួន ដែលទទួលបានជោគជ័យក្នុងការដាក់សំណើរដេញថ្លៃនេះតែម្តង។
លោក សាម ឡន ប្រធានគណ:កម្មការលទ្ធកម្មសង្កាត់សាលាកំរើក បានឲ្យដឹងថា រាល់គណៈកម្មការលទ្ធកម្មសង្កាត់ទាំងអស់នៅក្នុងកិច្ចដំណើរការនៃការអនុវត្តនីតិវិធីនៃកិច្ចលទ្ធកម្ម ចាប់តាំងពីពេលដំណើរការរហូតដល់ការប្រកាសលទ្ធផល នៃការដេញថ្ល គឺពុំមានបាតុភាពអសកម្មណាមិនប្រក្រតីឡើយ នៅក្នុងបរិវេននិងទីកន្លែងនៃកិច្ចប្រជុំបើកសំណើដេញថ្លៃនោះទេ ដោយពុំមានការរារាំងការបង្ខិតបង្ខំដល់អ្នកទទួលការឬក្រុមហ៊ុន ដែលបានចូលរួមដាក់សំណើរដេញថ្លៃនោះដែរ។ ដោយឡែកការពិនិត្យរបស់គណៈកម្មការលទ្ធកម្មសង្កាត់ និងការអនុត្តនិតិវិធីលទ្ធកម្ម ជាទូទៅយើងតែងតែអនុវត្តកិច្ចលទ្ធកម្មដោយសន្តិវិធី ដោយជោគជ័យ និងតម្លាភាពខ្ពស់។ ប្រសិនបើយើងត្រួតពិនិត្យហើយឃើញថា អ្នកទទួលការអនុវត្តមិនត្រឹមត្រូវទៅតាមលក្ខណៈបច្ចេកទេសនិងកិច្ចសន្យានានានោះ គឺយើងតម្រូវអោយអ្នកទទួលការអនុវត្តគម្រោងនោះត្រូវតែធ្វើការឡើងវិញតាមលក្ខណៈបច្ចេកទេស ដែលបានចុះក្នុងកិច្ចសន្យាទើបរដ្ឋបាលសង្កាត់សម្រេចទូទាត់ថវិកា ក្នុងការអនុវត្តគម្រោងដល់អ្នកទទួលការដែលបានអនុវត្តនោះជាដើម៕
ព័ត៌មានជាតិ ថ្មីៗ
អត្ថបទ និងរូបភាព៖ លោក ស៊ាន សុផាត
កែសម្រួល៖ លោក អ៊ុន ណារាជ្យ
