នារសៀលថ្ងៃទី ៣០ ខែវិច្ឆិកា ឆ្នាំ២០២២នេះ សមាគមដឹកជញ្ជូនទេសចរណ៍ប្រចាំអាកាសយានដ្ឋានអន្តរជាតិសៀមរាប ហៅកាត់ថា TTA រួមនិង ក្រុមហ៊ុន នីបផន ខូអ៊ី (Nippon Koei Co., Ltd) នៃប្រទេសជប៉ុន និងក្រុមហ៊ុន ហេស្ទែក ឡាប ស្ទូតយ៉ូ (Haystack Labs Studio Co., Ltd) នៃប្រទេសកាណាដា បានចុះអនុស្សរណៈនៃការយោគយល់គ្នាមួយ ស្ដីពីគម្រោងបង្កើត TTA Driver App សម្រាប់សម្រួលដល់អ្នកទេសសចរជាតិ និងអន្តរជាតិ ធ្វើការកក់សេវាកម្មទេសចរណ៍ និងដឹកជញ្ជូន ក្នុងខេត្តសៀមរាប នៅអាកាសយាន្តដ្ឋានក្នុងខេត្តសៀមរាប។
លោក ហ្សៅ យូហ៊ុយ (Zou Yuhui) ប្រធានក្រុមហ៊ុន យូណាន អ៊ែរ អ៊ិនវេសមិន(Yunnan Air Investment Co.,Ltd) ស្របពេលដំណើរការសាងសង់អាកាសយានដ្ឋានអន្តរជាតិសៀមរាប-អង្គរថ្មី នឹងបញ្ចប់ការសាងសង់របស់ខ្លួននៅខែមីនា ឆ្នាំ២០២៣ខាងមុខនេះ ការហោះហើរសាកល្បងតេស្តឧបករណ៍ ក៏ចាប់ផ្ដើមដំណើរការផងដែរ។ ចំណែកការហោះហើរជាផ្លូវការនឹងចាប់ផ្តើមនៅក្នុងពាក់កណ្តាលខែតុលា ឆ្នាំ២០២៣។
តាមការលើកឡើងរបស់ ឯកឧត្តម ប៊ុន រដ្ឋា នាយកអាកាសយានដ្ឋានអន្តរជាតិសៀមរាប នៃរដ្ឋលេខាធិការដ្ឋានអាកាសចរណ៍ស៊ីវិល បានគាំទ្រយ៉ាងពេញទំហឹងចំពោះការបង្កើតកម្មវិធីតាមប្រព័ន្ធឌីជីថលនេះ។
ឯកឧត្តមបានជំរុញដល់សមាគមអ្នកបើកបររថយន្តដឹកភ្ញៀវទេសចរប្រចាំអាកាសយានដ្ឋានអន្តរជាតិសៀមរាប សូមបន្តមានកិច្ចសហការល្អ ជាមួយក្រុមហ៊ុន យូណាន អ៊ែរ អ៊ិនវេសមិន ខណៈអាកាសយានដ្ឋានថ្មីនេះ នឹងចាប់ដំណើរឆាប់ៗនាពេលខាងមុខ។
ព័ត៌មានជាតិ ថ្មីៗ
ថ្លែងក្នុងឱកាសនោះ ឯកឧត្តម សៀង ណាំ តំណាងរាស្ត្រមណ្ឌលសៀមរាប បានថ្លែងអំណរគុណចំពោះ ឯកឧត្តម Jan SCAZIGHINO ប្រធានការិយាល័យស្ថានកុងស៊ុលកាណាដាប្រចាំកម្ពុជា ជាពិសេសប្រទេសជប៉ុន ដែលតែងតែជួយឧបត្ថម្ភគាំទ្រនិង ផ្គត់ផ្គង់ដល់ប្រជាពលរដ្ឋកម្ពុជា នៅលើគ្រប់វិស័យ។ ជាក់ស្តែង ការផ្តួចផ្តើមរៀបចំដាក់ឱ្យដំណើរការ TTA Driver App សម្រាប់បងប្អូនប្រកបរបរ ដឹកជញ្ជូនភ្ញៀវទេសចរណ៍ នៃសមាគមដឹកជញ្ជូនទេសចរណ៍ប្រចាំអាកាសយានដ្ឋានអន្តរជាតិសៀមរាប(TTA) នេះ នឹងជួយដល់ពួកគេស្វែងយល់ពីប្រព័ន្ធឌីជីថលទំនើបកាន់តែប្រសើរឡើង និងសម្រួលដល់ការកក់យានជំនិះពីបណ្តា សណ្ឋាគារ ឬភ្នាក់ងារទេសចរណ៍ កាន់តែមានប្រសិទ្ធិភាពជាងមុន ។
អត្ថបទ និងរូបភាព៖ លោក យូ វង្ស
កែសម្រួល៖ លោក សេង ផល្លី
