នៅក្នុងឱកាសអញ្ជើញមកបំពេញទស្សនកិច្ចការងារនៅព្រះរាជាណាចក្រ កម្ពុជា ឯកឧត្តម ឈិន ហាវ លេខាធិការគណៈកម្មាធិការមជ្ឍឹមបក្សនៃខេត្ត យូណាន និងជា ប្រធានគណៈកម្មាធិការអចិន្ត្រៃយ៍ នៃសភាប្រជាជន ខេត្ត យូណាន ប្រទេសចិន បានអញ្ជើញចូលជួបសំដែងការគួរសម និងពិភាក្សាការងារជាមួយ ឯកឧត្តម ខៀវ កាញារីទ្ធ រដ្ឋមន្ត្រី ក្រសួងព៏ត៌មាន នៅរសៀលថ្ងៃទី ២៧ ខែ មីនា ឆ្នាំ ២០១៩ នាទីស្តីការក្រសួងព័ត៌មាន ។
នៅក្នុងឱកាសនោះ ឯកឧត្តម ឈិន ហាវ បានគួសបញ្ជាក់ថា ក្នុងដំណើរ ទស្សនៈរបស់គណៈប្រតិភូ ខេត្តយូណាន មកកាន់ប្រទេសកម្ពុជា នាពេលនេះ គឺ ដើម្បីពង្រឹង នូវយុទ្ធសាស្ត្រគ្រប់ជ្រុងជ្រោយ រវាងប្រទេសចិន ជាមួយ ព្រះរាជាណាចក្រកម្ពុជា ពិសេសការជម្រុញនូវទំនាក់ និងកិច្ចសហប្រតិបត្តិការ លើ វិស័យព័ត៌មាន នៃប្រទេសទាំង ពីរ កាន់តែស៊ីជម្រៅទ្វេរឡើងថែមទៀត។
ឯកឧត្តម ឈិន ហាវ បានរំលឹកឡើងវិញថា កាលពីឆ្នាំ ២០១៤ ក្រុមហ៊ុន ទូរទស្សន៍ យូណាន បាន ធ្វើកិច្ចសហការតិការជាមួយ ទូរទស្សន៍ជាតិកម្ពុជា ដោយបាន បង្កើតជាក្រុមហ៊ុនCAMBODIA Digital TV ហើយបានកសាង ប្រព័ន្ធផ្សាយ រលកសញ្ញា ឌីជីថល គ្រប់ដណ្តប់នៅក្នុងទីក្រុងភ្នំពេញ ខេត្ត កំពង់ចាម និង ខេត្ត បាត់ដំបង មានចំនួនជាង ៤០ ប៉ុស្តី។ កិច្ចការងារទាំងនេះ គឺជាគម្រោង នៃ កិច្ចសហប្រតិបត្តិការ មេគង្គ ឡាងឆាង ហើយជាបន្តទៅមុខទៀត ជម្រុញប្រព័ន្ធ ទូរទស្សន៍ ឌីជីថល ឲ្យបាន នៅទូទាំងប្រទេសកម្ពុជា តាមរយៈកិច្ចសហការ ល្អជាមួយក្រសួង ព័ត៌មាន និង ទូរទស្សន៍ជាតិកម្ពុជា ។ តាមរយៈនេះ ឯកឧត្តម ប្រធានគណៈប្រតិភូ មានការជឿជាក់ថា ប្រទេសទាំង ២ កម្ពុជា ចិន នឹងចាប់យកឱកាស ធ្វើការអភិវឌ្ឍជាមួយ គ្នា ស្របពេលដែលខេត្ត យូណាន កំពុងធ្វើ ការអភិវឌ្ឃន៏ លើវិស័យ អាជីវកម្ម សារព័ត៌មាន បច្ចេកវិទ្យាព័ត៌មាន ។
ឯកឧត្តម រដ្ឋមន្ត្រី ខៀវ កាញារីទ្ធ បានបង្ហាញនូវការចាប់អារម្មណ៏ ដោយពិនិត្យ ឃើញពីភាពរីកចម្រើន នៃកិច្ចសហប្រតិបត្តិការ នៃវិស័យព័ត៌មាន ប្រទេសទាំង ២ កម្ពុជា-ចិន ពិសេស ក្រុមហ៊ុន ទូរទស្សន៍ យូណាន និង ទូរទស្សន៍ជាតិម្ពុជា លើការអភិវឌ្ឍប្រព័ន្ធ ទូរទស្សន៍ ឌីជីថល នៅកម្ពុជា ។ នៅក្នុងឱកាសនោះ ឯកឧត្តម រដ្ឋមន្ត្រី បានលើកឡើងនូវពាក្យខ្មែរ តែងនិយាយថា កាលណាយើងមិនទាន់មាន ស្ពានថ្មទេ យើងធ្វើជាស្ពានឬស្សីសិន ដើម្បីធ្វើទំនាក់ទំនងគ្នា ហើយទំនាក់ទនង រវាងវិស័យសារព័ត៌មាន នៃប្រទេសយើងទាំង ២ គឹជាស្ពានឬស្សី ដែលរហូតមកដល់ពេលនេះ មានជាស្ពាន បេតុង យាំងរឹងមាំ ។
ឯកឧត្តម ខៀវ កាញារីទ្ធ បានជម្រាបជូនដែរថា ក្រៅពី មានទូរទស្សន៍ Cambodia Digital TV គឺមាន ស្ថានីយ៍វិទ្យុមិត្តភាព កម្ពុជា ចិន ដែលកំពុងធ្វើការផ្សាយ នៅភ្នំពេញ និង ខេត្ត សៀមរាប ហើយនៅស្ថានីយ៍វិទ្យុជាតិកម្ពុជា ក៏មានការផ្សាយជា ភាសាចិន ផងដែរ ពិសេស មានទស្សនាវត្តី ខ្មែរ បោះពុម្ភជា ភាសាខ្មែរ និងភាសាចិន បាន ធ្វើការបង្ហាញច្រើន ឲ្យយល់ពីប្រពៃណី របស់ជនជាតិចិន ដែលទាំងនេះ បានសបញ្ជាក់ឲ្យឃើញពីការយោគយល់គ្នា កាន់តែច្រើនឡើងពី មួយថ្ងៃ ទៅ មួយថ្ងៃ ។
បន្ទាប់ពីបញ្ចប់នូវជំនួបពិភាក្សាការងាររួចមក ឯកឧត្តម រដ្ឋមន្ត្រី ខៀវ កាញារីទ្ធ និង ឯកឧត្តម ឈិន ហាវ លេខាធិការគណៈកម្មាធិការមជ្ឍឹមបក្សនៃខេត្ត យូណាន និងជាប្រធានគណៈកម្មាធិការ អចិន្ត្រៃយ៍ នៃសភាប្រជាជន ខេត្តយូណាន ប្រទេស ចិន បានអញ្ជើញជាអធិបតី ក្នុងពិធី ចុះហត្ថលេខា លើអនុស្សារណៈ យោគយល់គ្នា ស្តីពីកិច្ចសហប្រតិប្តិការ អភិវឌ្ឍន៍អាជីវកម្ម OTT នៅប្រទេស កម្ពុជា រវាងក្រុមហ៊ុន យូណាន មេឌា គ្រុប និង ក្រុមហ៊ុន អ៊ីស្ត អេស៊ា ធេលីខម ខេមបូឌា ។
ពិធីចុះហត្ថលេខានេះ ធ្វើឡើងនាទីស្តីការក្រសួង ព័ត៌មាន ដោយភាគី នៃ ការចុះអនុស្សារណៈនោះ គឺរវាង លោក ហ៊ី យ៉ាណីង ប្រធានក្រុមប្រឹក្សាភិបាល របស់ក្រុមហ៊ុនយូណាន មេឌា គ្រុប និង ប្រធាន ក្រុមប្រឹក្សាភិបាលរបស់ ក្រុមហ៊ុន សៅ អ៊ីស្ត អេស៊ា ធេលីខម ខេមបូឌា ដែលក្រុមហ៊ុនរបស់ស៊ីតែល មានបច្ចេកវិទ្យាល្បឿន Internet លឿននៅកម្ពុជា និង ជាកន្លែងស្តុកទុកទិន្នន័យ ដ៏ធំផងដែរ។
ទាក់ទងទៅនឹងខ្លឹមសារសំខាន់ៗ នៃការលើអនុស្សារណៈ យោគយល់គ្នា ស្តីពីកិច្ចសហប្រតិបត្តិការ អភិវឌ្ឍន៏អាជីវកម្ម OTT នៅប្រទេស កម្ពុជា រវាង ក្រុមហ៊ុន យូណាន មេឌា គ្រុប និង ក្រុមហ៊ុន អ៊ីស្ត អេស៊ា ធេលីខម ខេមបូឌា នាឱកាសនេះ ឯកឧត្តម រដ្ឋមន្ត្រី ខៀវ កាញារីទ្ធ បានបញ្ជាក់ជូនអ្នកសារព័ត៌មាន យ៉ាងដូច្នេះថា ….សំលេងដើម (ក្នុងវីដេអូ)៕
អត្ថបទ និងរូបភាព÷ ក្រសួងព័ត៌មាន
