នៅថ្ងៃទី៣០ ខែមីនា ឆ្នាំ២០១៩នេះ ក្រុមការងារ គ្រូពេទ្យស្ម័គ្រចិត្ត របស់មន្ទីរសុខាភិបាលខេត្តសៀមរាប នឹងធ្វើការពិនិត្យ ព្យាបាលជំងឺទូទៅ និងចែកវែនតា មិនគិតថ្លៃ នៅមណ្ឌលសុខភាព ពាក់ស្នែង ស្ថិតនៅឃុំពាក់ស្នែង ស្រុកអង្គរធំ ខេត្តសៀមរាប។
យុទ្ធនាការនេះ មានកិច្ចសហការពីសហភាពសហព័ន្ធយុវជនកម្ពុជា ខេត្តសៀមរាប និងមន្ទីរពេទ្យកុមារអង្គរ ដែលនឹងមានគ្រូពេទ្យជំនាញ ពិនិត្យ និងព្យាបាល មិនគិតថ្លៃ សរុបចំនួន ៧០នាក់ រួមនិង រថយន្តទំនើប សម្រាប់ពិនិត្យ វិភាគសុខភាពមួយគ្រឿង របស់មន្ទីរសុខាភិបាលខេត្ត។
ក្នុងនោះដែរ ប្រភេទជំងឺ ដែលនឹងពិនិត្យ ព្យាបាល ដោយមិនគិតថ្លៃ រួមមាន ជំងឺទូទៅ កុមារ និងមនុសចាស់ រោគស្ត្រី ការព្យាបាលដោយចលនា ពិនិត្យអេកូទូទៅ ថតកាំរស្មីអេច។ បន្ថែមពីនោះ ក្រុមការងារ គ្រូពេទ្យស្ម័គ្រចិត្ត និងផ្ដល់ជូនវែនតាចំនួន ២៥០គ្រឿង ដោយមិនគិតថ្លៃ ចំពោះអ្នកជំងឺដែលមានបញ្ហាមិនមិនច្បាស់ផងដែរ។
សូមបញ្ជាក់ថា ការពិនិត្យជំងឺគឺចាប់ផ្ដើមនៅវេលាម៉ោង ៨ព្រឹក រហូតដល់ម៉ោង ៤រសៀល ថ្ងៃសៅរ៏ ទី៣០ ខែមីនា ឆ្នាំ២០១៩។ នេះជាលើកទី១០ ហើយដែល ក្រុមការងារ គ្រូពេទ្យស្ម័គ្រចិត្ត របស់មន្ទីរសុខាភិបាលខេត្តសៀមរាប បានចុះពិនិត្យ ព្យាបាលជំងឺ ដល់មូលដ្ឋាន ក្នុងខេត្តសៀមរាប។
អត្ថបទ៖ លោក សេង ផល្លី
