ក្នុងរយ:ពេល ១សប្តាហ៍ មានប្រមាណជាង ៧៦,០០០នាក់ ដែលក្នុងនោះភ្ញៀវជាតិ ៧០,០០០នាក់ និងភ្ញៀវទេសចរបរទេសមានចំនួន ៦,០២២នាក់ផងដែរ។ចំនួនភ្ញៀវទេសចរ ដែលបានដើរកំសាន្តមានការកើនឡើងច្រើនជាបន្ដបន្ទាប់ចាប់ពីថ្ងៃទី១៩ ដល់ថ្ងៃទី២៥ ខែធ្នូឆ្នាំ២០២២ ខណ: ដែលខេត្តសៀមរាប បានរៀបចំពិធីឆ្លងឆ្នាំសកល ដោយមានកម្មវិធីកម្សាន្តសប្បាយជាច្រើន និងស្របពេល ដែលប្រទេសមានសន្ដិភាព និងការអភិវឌ្ឍរីកចំរើននូវហេដ្ឋារចនាសម្ព័ន្ធផ្លូវថ្នល់ ដែលផ្តល់ឱកាសអោយបងប្អូនប្រជាពលរដ្ឋប្រកបមុខរបរ បំពេញការងាររៀងៗខ្លួន មានសេចក្តីសុខទូទាំងប្រទេស ប្រកបស្នាមញញឹម នឹងភាពកក់ក្តៅ។ជាមួយគ្នានោះ គោលនយោបាយចាក់វ៉ាក់សាំងកូវីដ-១៩ របស់រាជរដ្ឋាភិបាលកម្ពុជា ដែលជាយុទ្ធសាស្ត្រគន្លឹះ និងជាខ្សែក្រវ៉ាត់ការពារទីមួយ សំខាន់ជាងគេ ដើម្បីការពារអាយុជីវិតប្រជាជន ក្នុងការបង្កើនឲ្យបាននូវភាពស៊ាំក្នុងសហគមន៍ ទប់ទល់នឹងមេរោគកូវីដ-១៩ រហូតអាចបើកដំណើរការប្រទេសជាតិពេញលេញលើគ្រប់វិស័យ និងការរស់នៅតាមបែបគន្លងប្រក្រតីភាពថ្មីឡើងវិញ ដូចបច្ចុប្បន្ននេះ។ យោងតាមទិន្នន័យរបស់ក្រសួងទេសចរ បានអោយដឹងថា ភ្ញៀវទេសចរ ដែលចេញដើរ កម្សាន្តនាសប្ដាហ៍ចុងខែធ្នូ ចាប់ពីថ្ងៃទី១៩ ដល់ថ្ងៃទី២៥ ខែធ្នូ ឆ្នាំ២០២២ នៅទូទាំងប្រទេស ទទួលបាន ភ្ញៀវទេសចរ សរុបមានចំនួន ៤៣៩,០៤៦នាក់ ក្នុងនោះភ្ញៀវជាតិមាន៤០២,៣៤៧នាក់ និងភ្ញៀវបរទេសមាន ៣៦,៦៩៩នាក់៕
អត្ថបទ និងរូបភាព: លោកបូ សាវី កែសម្រួលដោយ លីវ សុខុន!!!
