លោក អ៊ុក ធាវី ប្រធានមន្ទីរព័ត៌មានខេត្តស្ទឹងត្រែង បានជម្រុញ ឲ្យថ្នាក់ដឹកនាំការិយាល័យ ចំណុះមន្ទីរត្រូវបន្តអនុវត្តការងាររបស់ខ្លួនតាមផែនការសកម្មភាពឲ្យទទួលបានសូចនករមួយប្រកបដោយ ប្រសិទ្ធភាពខ្ពស់។
លោក អ៊ុក ធាវី បានជំរុញបែបនេះកាលពីដើមសប្តាហ៍ទី៣ នៃខែមីនា ក្នុងឱកាសលោកដឹកនាំកិច្ចប្រជុំបូកសរុបលទ្ធផល ការអនុវត្តការងារសម្រាប់ខែមីនា ឆ្នាំ២០១៩ និងលើកទិសដៅអនុវត្តបន្ត សម្រាប់ខែមេសា ដោយមានការចូលរួមពីអនុប្រធានមន្ទីរ ប្រធានអនុប្រធានការិយាល័យចំណុះមន្ទីរនិងមន្ត្រីក្រោមឱវាទចូលរួមផងដែរ។
លោក អ៊ុក ធាវី បានមានប្រសាសន៍ថាកន្លងមកមន្ត្រីនៃមន្ទីរព័ត៌មានខេត្តដែលបានខិតខំប្រឹងប្រែងគ្រប់សកម្មភាពកន្លងមក ពិសេសបានផ្សព្វផ្សាយនិងផ្តិតយកគ្រប់រូបភាពសកម្មភាពរបស់ថ្នក់ដឹកនាំ ព្រមទាំងរាល់ព័ត៌មានអំពីការអភវិឌ្ឍរីកចំរើនរបស់ខេត្ត ។
លោកបន្តថាស្របពេលយើងកំពុងឈ្ពោះទៅមុខជាជំហ៊ានៗ មន្ត្រីទាំងត្រូវខិតខំពង្រឹងសមត្ថភាពជំនាញរបស់ខ្លួនឲ្យបានរឹមាំបន្ថែមទៀត ហើយចំពោះមន្ត្រីតាមការិយាល័យនីមួយៗ ត្រូវចេះសហការគ្នាអនុវត្តឲ្យបានជោគជ័យ នូវទិសដៅដែលបានដាកចេញនៅថ្ងៃនេះ ជាពិសេសការងារសំខាន់អនុវត្តឲ្យបានតាមអនុសាសន៍របស់ឯកឧត្តមរដ្ឋមន្ត្រី សហការជាមួយរដ្ឋបាលខេត្តអង្គភាពជុំវិញខេត្ត អាជ្ញាធរដែនដីគ្រប់លំដាប់ថ្នាក់ ដើម្បីទប់ស្កាត់ វាយបក ប្រឆាំងព័ត៌មានក្លែងក្លាយ ឲ្យបានទាន់ពេលវេលា ដែលមានស្ថានភាពញុះញង់ចង់បំផ្លាញ សុខសន្តិភាពនៅកម្ពុជា ។
លោកប្រធាមន្ទីរព័ត៌មានបានបញ្ជាក់ថា សម្រាប់ខែមេសាខាងមុខនេះ មន្ត្រីទាំងអស់ត្រូវត្រៀមលក្ខណៈសម្រាប់ការចូលស្ទឹងត្រែងសង្ក្រាន្ត ពិសេសមន្ត្រីការិយាល័យវិទ្យុនិងទូរស្សន៍ ទាំងអស់ត្រូវចូលរួមផ្តិតយករូបភាព និងផ្សព្វផ្សាយឲ្យបានទូលំទូលាយ ក្នុងរយៈពេលបីថ្ងៃនៃការប្រារព្ធស្ទឹងត្រែងសង្ក្រាន និងបុណ្យចូលឆ្នាំប្រពៃណីជាតិខ្មែរ។
លោកបានផ្តាំផ្ញើដល់ថ្នាក់ដឹកនាំការិយាល័យចំណុះត្រូវប្រឹងប្រែងអនុវត្តការងារតាមជំនាញរៀងៗខ្លួន ពិសេសត្រូវរៀបចំកិច្ចប្រជុំរាងរាល់ខែឲ្យបាន ១ទៅ២ដង ដើម្បីស្វែងយល់ពីបញ្ហាប្រឈមដែលបានកើតឡើងក្នុងការិយាល័យរបស់ខ្លួន និងលើកយកបញ្ហាប្រឈមទាំងនោះ មកពិភាក្សាជាមួយថ្នាក់ដឹកនាំមន្ទីរដើម្បីស្វែងរកដំណោះស្រាយ។
អត្ថបទ និងរូបភាព៖ មន្ទីរព័ត៌មានស្ទឹងត្រែង
