តាមរយៈរបាយការណ៍របស់ ស្នងការដ្ឋានខេត្តសៀមរាប បានឲ្យដឹងនៅ ថ្ងៃទី២៩ ខែមីនា ឆ្នាំ២០១៩នេះថាសាលាបឋមសិក្សាចំនួន២កន្លែង ស្ថិតនៅក្នុងស្រុកចំនួន២ ក្នុងខេត្តសៀមរាប បានខ្វះខាតទឹកប្រើប្រាស់។
ក្នុងនោះកម្លាំងនគរបាល នៃអធិការដ្ឋាននគរបាល ស្រុកអង្គរជុំ បានប្រើប្រាស់រថយន្តពន្លត់អគ្គីភ័យ១គ្រឿង ចេញអន្តរាគមន៍ដឹកទឹកជូន សាលាបឋមសិក្សាត្រកៀត ស្ថិតក្នុងភូមិត្រកៀត ឃុំចារឈូក ស្រុកអង្គរជុំ ខេត្តសៀមរាប ចំនួន៣ឡាន។
ក្នុងថ្ងៃដដែលនោះ កម្លាំងនគរបាល នៃអធិការដ្ឋាននគរបាល ស្រុកពួក ខេត្តសៀមរាប ក៏បានប្រើប្រាស់រថយន្តពន្លត់អគ្គីភ័យ១គ្រឿង ដើម្បីដឹកទឹកជូនដល់ សាលាបឋមសិក្សាពង្រចាស់ ឃុំសសរស្តម្ភ ស្រុកពួក ខេត្តសៀមរាប ដែលជួបបញ្ហាកង្វះខាតទឹកប្រើប្រាស់នោះ ចំនួន ២ឡានផងដែរ។
អត្ថបទ និង រូបភាព៖ លោក ថាច់ ពិសុទ្ធ
កែសម្រួលអត្ថបទ៖ លោក សេង ផល្លី
