អភិបាលស្រុកសូទ្រនិគម ខេត្តសៀមរាប បានអះអាងថា ដើម្បីទប់ទល់នឹងរលកកំដៅ នៃបាតុភូតអែលនីណូ ដែលអាចកើនសីតុណ្ហភាពពី៤០ ទៅ៤២អង្សាសេ ក្នុងអំឡុងខែមេសានិងខែឧសភានោះ ក្រុមការងារស្រុកបានកំណត់ប្រភពទឹកសំខាន់ក្នុងមូលដ្ឋានរួចរាល់ហើយ សម្រាប់ជួយដល់ប្រជាពរដ្ឋក្នុងមូលដ្ឋាន។
បើតាមការបញ្ជាក់របស់លោក លោក ម៉ក់ ប្រុស អភិបាលស្រុកសូទ្រនិគម បានឲ្យដឹងថា មានស្រះធំៗចំនួ១១៧កន្លែង ក្នុងនោះ ក្នុងឃុំចាន់សរ៦កន្លែង ឃុំដានរុន៦កន្លែង ឃុំដំដែក១៤កន្លែង ឃុំឃ្លាំង៤០កន្លែង ឃុំកៀនសង្កែ២កន្លែង ឃុំខ្ខារពោធិ៍៣កន្លែង ឃុំពពេល៤កន្លែង និងឃុំតាយ៉ែកមានស្រះសហគមន៍២ និងស្រះឯកជន៤០កន្លែង។ ក្រៅពីនោះ ក្នុងទូទាំងស្រុក មានត្រពាំងចំនួន២១កន្លែង អណ្តូងចំនួន១២២៥អណ្តូង អាងទឹកស្តុកទឹក៣កន្លែង និងស្ទឺង១ខ្សែ។
ដោយឡែក ក្នុងស្រុកនេះ មានរថយន្តពន្លត់អគ្គីភ័យតែមួយគ្រឿងប៉ុណ្ណោះ សម្រាប់ដឹកទឹកជូនប្រជាពលរដ្ឋ។ លោក ម៉ក់ ប្រុស បានលើកឡើងដូច្នេះ ក្នុងឱកាសសម្ភោធដាក់ឱ្យប្រើប្រាស់សាលាឆទាន ស្ថិតក្នុងឃុំខ្នារពោធិ៍ ស្រុកសូទ្រនិគមខេត្តសៀមរាប កាលពីថ្ងៃទី៣០ខែមីនាឆ្នាំ២០១៩។
<<សំឡេងអភិបាលស្រុក>>ក្នុងវីដេអូ។
អត្ថបទ និង រូបភាព៖ លោក យូ វង្ស
កែសម្រួលអត្ថបទ៖ លោក សេង ផល្លី
