នៅព្រឹកថ្ងៃទី០១ ខែ មេសា ឆ្នាំ ២០១៩ ឯកឧត្តម រដ្ឋមន្ត្រី ខៀវ កាញារីទ្ធ រដ្ឋមន្ត្រីក្រសួងព័ត៌មាន បានអញ្ជើញជាប្រធានអង្គប្រជុំ សាមញ្ញប្រចាំសប្តាហ៍ ដើមខែមេសា ជាមួយថ្នាក់ ដឹកនាំក្រសួងព័ត៏មាន ដោយក្នុងឱកាសនោះ ការងារសំខាន់ ដែលបានលើកមកពិភាក្សា គឺការ កែទម្រង់ និងសម្រួលកិច្ចការងារមួយចំនួន ទាក់ទងផ្នែករដ្ឋបាល នៅក្នុងក្រសួង ព័ត៌មាន ដោយធ្វើយ៉ាងណា អោយបាន ឆាប់រហ័ស ទាំងការទទួល លិខិតចេញ ចូល និងបញ្ជូនដល់ ផ្នែកពាក់ ពន្ធ័ អោយ បានឆាប់ ជៀសវាងការស្ទះ យឺតការងារ ដែលត្រូវធ្វើ។
ឯកឧត្តម រដ្ឋមន្ត្រី បានជម្រុញដល់ថ្នាក់ដឹកនាំ និងមន្ត្រី ផ្នែករដ្ឋបាល សហកា រ គ្នាអោយជាប់ជាមួយ ខុទ្ទកាល័យ ដើម្បីធ្វើការពិនិត្យ និងទទួលលិខិត ឬ ឯកសារ ផ្សេងៗដែល ស្ថាប័ន អង្គភាព ដ៏ទៃបញ្ជូនមកក្រសួង ព័ត៌មាន ថាត្រូវ យកទៅជូន អង្គភាព មួយណា ដែលជាប់ពាក់ពន្ធ័ ត្រូវទទួលយក ហើយបញ្ជូន សម្រាប់ ថ្នាក់ដឹកនាំធ្វើការសម្រេច បានលឿន និងចាត់ចែងអនុវត្តន៏ បានទាន់ ពេលវេលា ។ ជាងនេះទៅទៀតផ្នែករដ្ឋបាល ក៏មានទីតាំងមួយ ដែលបង្ករភាព ងាយស្រួល សម្រាប់អោយគេមកធ្វើទំនាក់ទំនងការងារ បានឆាប់រហ័ស និងមាន កិច្ចសហការគ្នាល្អ ដើម្បីពន្លឿនរាល់កិច្ចការ គ្រប់ផ្នែក នៃក្រសួងព័ត៌មាន ។ នៅក្នុងឱកាសនៃកិច្ចប្រជុំប្រចាំសប្តាហ៍នេះដែរ ឯកឧត្តម លោកជំទាវ ជាថ្នាក់ ដឹកនាំ តាមបណ្តាអគ្គនាយកដ្ឋានទាំង ៥ ចំណុះអោយក្រសួង ព័ត៌មាន ក៏ដូច ឯកឧត្តម លោកជំទាវ ជារដ្ឋលេខាធិការ អនុរដ្ឋលេខាធិការ ទទួលការងារតាមជំនាញ នីមួយៗ បានធ្វើរបាយការ ណ៏ ជម្រាបជូនសមិទ្ធិផលការងារ ដែលសម្រេច អនុវត្តន៏ បានក្នុងរយះពេលកន្លងមកនេះ ក៏ដូចជាបញ្ហាប្រឈមដែលត្រូវ ស្នើសុំ ជាមតិ យោបល់ មួយចំនួនពី ឯកឧត្តម រដ្ឋមន្ត្រី ធ្វើការសម្រេចដោះស្រាយ ដើម្បីធ្វើ យ៉ាងណា អោយរាល់កិច្ចការងារ គ្រប់ផ្នែកគ្រប់ជំនាញ បំពេញបាន ដោយ រលូន និង ជោគជ័យជាបន្តទៅមុខទៀត ពិសេសធ្វើយ៉ាងណាអោយវិស័យ ព័ត៌មាន និងសោតទស្សន៏ នៅកម្ពុជាកាន់តែរីកចំរើនបន្តថែមទៀត។
ឯកឧត្តម រដ្ឋមន្ត្រី ខៀវ កាញារីទ្ធ បានបញ្ជាក់ថា ថ្នាក់ដឹកនាំ គ្រប់ផ្នែកគ្រប់ ជំនាញ ក៏ដូចជាមន្ត្រីរាជការ នៃក្រសួងព័ត៌មាន គឺនៅមានកិច្ចការងារសំខាន់ៗជា ច្រើនផ្សេងទៀតដែលត្រូវធ្វើ ក្រៅពីការងារស្នូលត្រូវបំពេញប្រចាំថ្ងៃ ទាំងកិច្ចការ ងារថ្នាក់ជាតិ និងអន្តរជាតិ ក្នុងនោះការត្រៀមរៀបចំកិច្ចប្រជុំកំពូលប្រពន្ធ័ផ្សព្វ ផ្សាយអាស៊ី AMS ANGKOR នៅក្នុងខេត្តសៀមរាប នាកំឡុងខែ មិថុនា ឆ្នាំ ២០១៩ ខាងមុខនេះ ដែលមានការចូលរួមពី រដ្ឋមន្ត្រី ព័ត៌មាន ក្នុងតំបន់ និងអ្នក ពាក់ពន្ធ័ក្នុងផ្នែកព័ត៌មាន ជាច្រើនរយនាក់ មកពីតំបន់អាស៊ី និងប្រទេសមួយ ចំនួនជុំវិញពិភពលោក។ កិច្ចប្រជុំដ៏សំខាន់នេះ គឺក្រសួងព័ត៌មាន ជាអ្នករៀបចំ តាមរយះកិច្ចសហការ ជាមួយ វិទ្យាស្ថាន តំបន់អាស៊ីប៉ាស៊ីហ្វិក ដើម្បីអភិវឌ្ឍន៏ ប្រពន្ធ័ផ្សព្វផ្សាយ AIBD។
បន្ទាប់បញ្ចប់កិច្ចប្រជុំប្រចាំសប្តាហ៍ នៅព្រឹកថ្ងៃដដែលនេះដែរ ឯកឧត្តម រដ្ឋមន្ត្រី ខៀវ កាញារីទ្ធ បានប្រគល់នូវម៉ាស៊ីន មិចសឺរសម្រាប់ការងារវិទ្យុ ចំនូន ២ គ្រឿង ដល់ មន្ទីរព័ត៌មាន ខេត្តកំពង់ធំ ១ គ្រឿង និង មន្ទីរព័ត៌មាន ខេត្តកំពង់ចាម ១ គ្រឿង ទុកបំពាក់នៅស្ថានីយវិទ្យុជាតិ FM ក្នុងខេត្តទាំង ២ នេះ។ គួរបញ្ជាក់ដែរថា សម្ភារះ បរិក្ខាបច្ចេកទេស ថ្មីៗទាំងនេះ គឺជា អំណោយ របស់ វិទ្យុ សំលេងវៀតណាម VOV បានផ្តល់ដល់ក្រសួងព័ត៌មាន កាលពីពេលកន្លង មក តាមរយះ ឯកឧត្តម វូ ហាយ អគ្គនាយករង វិទ្យុ VOV ក្នុងឱកាសរូប លោក និង គណះប្រតិភូ អញ្ជើញមកបំពេញទស្សនះកិច្ចការងារ នៅកម្ពុជា ហើយបាន ចូល សំដែងការគួរសម និងពិភាក្សាការងារជាមួយ ឯកឧត្តម រដមន្ត្រី ខៀវ កាញារីទ្ធ កាលពីថ្ងៃទី ៦ ខែ មីនា ឆ្នាំ ២០១៩ ៕
អត្ថបទ និង រូបភាព៖ ក្រសួងព័ត៌មាន
