ជាការចូលចំណែកថែរក្សា និងអភិរក្សសត្វដំរីនៅកម្ពុជាអោយបានគង់វង្ស នោះ សមាគម អៃ រាវ ត្តា បានប្រារព្ធធ្វើកម្មវិធី រាត្រីសប្បុរសធម៌ ប្រមូលមូលនិធិ ដើម្បីជួយទ្រទ្រង់ និងការពារសត្វដំរី នៅប្រទេសកម្ពុជា នាយប់ថ្ងៃទី ៣១ ខែមីនា ឆ្នាំ ២០១៩ នាសណ្ឋាគារ រ៉ាហ្វិលឡឺរ៉ូយ៉ាល់ ភ្នំពេញ ក្រោមវត្តមាន អញ្ជើញ ជាអធិតីភាព ឯកឧត្តម ខៀវ កាញារីទ្ធ រដ្ឋមន្ត្រី ក្រសួង ព័ត៌មាន និងលោកជំទាវ លោកជំទាវ ភឿង សកុណា រដ្ឋមន្ត្រី ក្រសួងវប្បធម៏ និងវិចិត្រសិល្បះ ។
តាមការបញ្ជាក់របស់ លោកស្រី ក្លេ ខៃ ចិន្តា នាយិកាសមាគម អៃ រា វត្តា បានលើកឡើងថា កម្មវិធី រាត្រីសប្បុរសធម៏ ប្រមូលមូលនិធិ ដើម្បីជួយទ្រទ្រង់ និងការពារសត្វដំរី នៅប្រទេសកម្ពុជា នេះគឺជាលើកទី ២ ហើយ កាលពីលើកទី១ ធ្វើនៅស្ថានទូតបារាំង ប្រចាំនៅកម្ពុជា ដោយបានប្រមូលជាមូលនិធិ តាមរយះ សមាគម យកទៅបើកប្រាក់ខែ អោយក្រុម ហ្ម ដំរី ព្យាបាល ដំរី ក្នុងឆ្នាំកន្លងមក ។ ដូច្នេះ ការប្រារព្ធ កម្មវិធី រាត្រីសប្បុរសធម៏ នេះឡើងក្នុងគោលបំណង ធ្វើយ៉ាង ណាអោយដំរី អាចរស់នៅ ក្នុងព្រៃធម្មជាតិ បង្កាត់ពូជ ដើម្បីអោយដំរី មានចំនួន កើនឡើង និងចូលរួមអភិវឌ្ឍន៏ អេ កូរ ទេសចរណ៏ ។ លោកស្រី ប្រធានសមាគម បានជម្រាបជូនដែរថា អៃរាវត្តា ធ្វើការផ្តោតជាសំខាន់ ទៅលើវប្បធម៏ខ្មែរ ការពារ ធម្មជាតិ ព្រោះដំរី មិនគ្រាន់តែជាសត្វប៉ុណ្ណោះទេ ប៉ុន្តែដំរី ជាសសរគ្រឹះ នៃប្រវត្តិសាស្ត្រ និងប្រពៃណីខ្មែរ ។ នៅក្នុងពិធីនេះដែរ លោកស្រី ក្លេ ខៃ ចិន្ថា បានជម្រាប ពីការទទួលបាន ទីប្រឹក្សាថ្មីម្នាក់ របស់សមាគម គឺលោក ដាន ខូល មានសញ្ជាតិ ស៊ុយអ៊ែត ដែលមានជំនាញដំរី ដ៏ពូកែ ក្នុងចំណោមអ្នកជំនាញខ្លាំង ក្នុងពិភពលោក ។ លោក ដាន ខូល មានបទពិសោធន៏ជាមួយដំរី ជាង ៤០ឆ្នាំ ធ្វើការក្នុងប្រទេស ខុសៗគ្នា ។
ឯកឧត្តម រដ្ឋមន្ត្រី ខៀវ កាញារីទ្ធ មានប្រសាសន័ ថ្លែងការកោតសរសើរ ដល់ សមាគម អៃ រា វត្តា ដែលមានគំនិតដ៏ល្អ ដោយបានរៀបចំជា កម្មវិធីរាត្រី សប្បុរសធម៏ ក្នុងការប្រមូល មូលនិធិ សម្រាប់យកទៅជួយដល់ដំរី ពង្រីកការ ផ្សព្វផ្សាយ និងបង្កាត់ពូជ ដំរី នៅក្នុង ប្រទេសកម្ពុជា អោយកាន់តែច្រើនថែម ទៀត។ ជាមួយនេះ ឯកឧត្តម រដ្ឋមន្ត្រី ក៏ថ្លែងការអរគុណ ដល់សណ្ឋាគារ រ៉ាហ្វិល ឡឺរ៉ូយ៉ាល់ ដែលមិនត្រឹមតែជួយ ដល់ដំរីនោះទេ តែកន្លងមកក៏បានជួយដល់ កា រ អភិរក្សសត្វ ត្រយ៉ងយក្ស នៅក្នុងខេត្តព្រះវិហារ ដោយក្នុងនោះបានទិញអង្ករ ពីប្រជាកសិករ ដែលជាអ្នកថែរក្សាត្រយ៉ងយក្ស នៅទីនោះ ។ ឆ្លៀតក្នុងឱកាស នោះ ឯកឧត្តម រដ្ឋមន្ត្រី បានបញ្ជាក់ថា ប្រសិនបើ សមាគម អៃរាវត្តា មានជាក្លីប វីដេអូ ទាក់ទងទៅនិងការងារ ថែរក្សា និងអភិរក្ស សត្វដំរី គឺអាចយកមកផ្សាយ នៅ ទូរទស្សន៏ និងវិទ្យុ របស់រដ្ឋ ដោយមិនគិតថ្លៃ ។ តាមរយះនេះ ដែរ ឯកឧត្តម ខៀវ កាញារីទ្ធ និងលោកជំទាវ បានចូលរួមជាថវិកា ៥០០ ដុល្លា ដើម្បីចូលរួមអភិរក្ស និងការពារសត្វដំរី នៅក្នុងប្រទេសកម្ពុជា ផងដែរ។
ឆ្លៀតក្នុងឱកាសនោះដែរ លោកស្រី នាយិកា ប្រធាន សមាគម អៃរាវត្តា បានថ្លែងនូវការអរព្រះគុណយ៉ាងជ្រាលជ្រៅបំផុត ចំពោះ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះមហាក្សត្រ នៃព្រះរាជាណាចក្រកម្ពុជា ដែលព្រះអង្គបានគាំទ្រ និងដាក់សមាគម អៃរាវត្តា ក្រោមបរិបាលកិច្ចដ៏ខ្ពង់ខ្ពស់ របស់ព្រះអង្គ ។ ទន្ទឹមនេះសូមថ្លៃងនូវអំណរព្រះគុណ ដល់ សម្តេចព្រះមហា ក្សត្រ នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព និងសេចក្តី ថ្លៃថ្នូរ និងសុភមង្គល ដែលសម្តេចម៉ែ បានគាំទ្រ និងផ្តល់ថវិកា ចំនួន ២ ម៉ឺន ដុល្លា ដល់សម្មភាពការងារ ជួយអភិរក្ស សត្វដំរី នៅកម្ពុជា ។
នៅក្នុងកម្មវិធី រាត្រីសប្បុរសធម៏ ប្រមូលមូលនិធិ ដើម្បីជួយទ្រទ្រង់ និង ការពារសត្វដំរី នៅប្រទេសកម្ពុជា ក៏មានការបំពាក់នូវគ្រឿង ឥស្សរិយយស របស់មូលនិធិ ជូនដល់សប្បុរសជន និងភ្ញៀវកិត្តិយស ដែលចូលរួមគាំទ្រ អភិរក្ស ដំរី អៃរាវតា ។ ជាមួយនេះ ក៏មានការដាក់ដេញថ្លៃគំនូរ របស់វិចិត្រករ ៤ នាក់ គឺ លោក អែម រាម លោក ឈឹម សុធី លោក នូ សារី និង ក្រុមយក្សា ហើយថវិកា ដែលបានមកពីការលក់រូបនេះសម្រាប់ទ្រទ្រង់ អភិរក្សសត្វដំរី ។
តាមរបាយការណ៏បានអោយដឹងថា ប្រទេស កម្ពុជា ទាំងមូល មាន សត្វ ដំរី សរុប ចំនួន ប្រមាណ ជាជាង ៣០០ ក្បាល ក្នុងនោះ ដំរី ស្រុក មាន ចំនួន ៧២ ក្បាល និង ដំរីព្រៃ ២៥០ ក្បាល ។ ក្នុងន័យ ចូលរួមចំណែក ថែទាំ ការពារ និង អភិរក្ស សត្វ ដំរី នោះ សមាគម មូលនិធិ អភិរក្ស ដំរី ខ្មែរ អៃ រាវ ត្តា ក៏ ត្រូវបាន បង្កើតឡើង ដើម្បី ចិញ្ចឹម និង ថែទាំ សត្វ ដំរី ចំនួន ៤ ក្បាល នៅក្នុង ខេត្តរតនគិរី៕
អត្ថបទ និង រូបភាព៖ ក្រសួងព័ត៌មាន
