លោកវរសេនីយ៍ឯក ជឹម សុវណ្ណ ប្រធានការរិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្តសៀមរាប បានឲ្យដឹងថា កាលពីវេលាម៉ោង២១និង៣០នាទី ថ្ងៃទី៣១ ខែមីនា ឆ្នាំ២០១៩នេះ ជនជាតិ NewZealand ម្នាក់ឈ្មោះ EUANMANCER ភេទប្រុស អាយុ៥១ឆ្នាំ បានទទួលរងរបួសបែកក្បាលផ្នែកខាងក្រោយ និងស្រាំឆ្អឹងជំនី ដោយសារតែម៉ូតូម៉ាកអិមអែសអ៊ិច បើកបរដោយជនជាតិខ្មែរ ខ្វះការប្រុងប្រយ័ត្ន បានបុកពេលលោកកំពុងធ្វើដំណើរដោយថ្មើជើង នៅចំណុចផ្លូវអាចារ្យស្វា ខាងកើតស្ទឹងសៀមរាប ក្បែរស្ពានវត្តព្រហ្មរត្ន័ឆៀងខាងត្បូងប្រមាណ២០ម៉ែត្រ ។
លោកវរសេនីយ៍ឯក ជឹម សុវណ្ណ បានបញ្ជាក់ទៀតថា ក្រោយពីកើតហេតុ កម្លាំងសមត្ថកិច្ចនគរបាលចរាចរណ៍ បានចុះទៅវាស់វែងនិងបាននាំយកវត្ថុតាងមករក្សាទុកនៅការិយាល័យជំនាញ ដើម្បីកសាងសុំណុំរឿងចាត់ការតាមនីតិវិធីបន្តដែលខណៈពេលនេះ ជនបង្កត្រូវបានកម្លាំងការិយាល័យជំនាញឃាត់ខ្លួនបានហើយ ៕
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក លីវ សាន្ត
