ក្នុងឱកាសចូលជួបសម្ដែងការគួរសមជាមួយលោកឧត្តមសេនីយ៍ ទោ ទិត្យ ណារ៉ុង ស្នងការ នៃស្នងការដ្ឋាននគរបាលខេត្តសៀមរាប នាព្រឹកថ្ងៃទី០៣ ខែមេសា ឆ្នាំ២០១៩នេះ ឯឧត្តម Park Sungjin ឣគ្គកុងស៊ុលកូរ៉េប្រចាំខេត្តសៀមរាប បានសម្ដែងនូវការកោតសសើរចំពោះការដឹកនាំរបស់លោកស្នងការ ក៏ដូចជាកងកម្លាំងនគរបាល នៃស្នងការដ្ឋាននគរបាលខេត្តសៀមរាបកន្លងមក ក្នុងការការពារថែរក្សាសន្តិសុខ សុវត្ថិភាព និងសណ្តាប់ធ្នាប់ជូនប្រជាពលរដ្ឋ ភ្ញៀវទេសចរណ៍ជាតិ និងអន្តរ ជាតិ អ្នកវិនិយោគទុននានា ក្នុងនោះ ក៏មានបងប្អូនជនជាតិកូរ៉េផងដែរ ដែលបានមករស់នៅប្រកបមុខរបររកស៊ីនៅក្នុងខេត្តសៀមរាបនេះ ព្រមទាំងបានសំណូមពរដល់កម្លាំងសមត្ថកិច្ចនគរបាល បន្តជួយការពារថែរក្សាឲ្យបានកាន់តែល្អប្រសើរឡើងបន្ថែមទៀត ។
ជាការឆ្លើយតប លោកឧត្តមសេនីយ៍ទោ ទិត្យ ណារ៉ុង បានអះ អាង ថា កងកម្លាំងនគរបាលជាតិកម្ពុជា ពិសេសនគរបាលខេត្តសៀមរាបយើង នៅតែបន្តកិច្ចសហប្រតិបត្តិការគ្នា រួមទាំងការរក្សាសន្តិសុខ និង សុខសុវត្ថិភាពជូនប្រជាពលរដ្ឋ ភ្ញៀវទេសចរណ៍ជាតិ និងអន្តរជាតិ ក្នុងនោះ ក៏មានជនជាតិកូរ៉េផងដែរ ឲ្យកាន់តែល្អប្រសើរឡើងថែមទៀត ៕
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក លីវ សាន្ត
