កាលពីរសៀលថ្ងៃទី២១ ខែមីនា ឆ្នាំ២០២៣ម្សិលមិញនេះ សាខាកាកបាទក្រហមកម្ពុជាខេត្តសៀមរាប បានចុះធ្វើការអប់រំផ្សព្វផ្សាយ ស្តីពីការលើកកម្ពស់បរិយាបន្នក្នុងគ្រឹះស្ថានសិក្សា និងផ្សព្វផ្សាយបន្តការងារបញ្រ្ជាបសុវត្ថិភាពចរាចរណ៍ដល់ប្អូនៗសិស្សានុសិស្ស និងយុវជនកាកបាទក្រហកម្ពុជា ជាង៥០នាក់ នៃវិទ្យាល័យ ហ៊ុន សែនប្រាសាទបាគង ស្ថិតក្នុងស្រុកប្រាសាទបាគង ខេត្តសៀមរាប។
លោកស្រី សំ សាវ៉ាង មន្រ្តីទទួលបន្ទុកការងារយុវជន នៃសាខាកាកបាទក្រហមខេត្ត ដែលជាអ្នកសម្របសម្រួលក្នុងវគ្គអប់រំផ្សព្វផ្សាយ មានប្រសាសន៍ថា ការចុះអប់រំផ្សព្វផ្សាយស្តីពីចូលរួមលើកកម្ពស់បរិយាបន្នក្នុងគ្រឹះស្ថានសិក្សា និងផ្សព្វផ្សាយបន្តការងារបញ្រ្ជាបសុវត្ថិភាពចរាចរណ៍ដល់ប្អូនសិស្សានុសិស្ស និងយុវជនកាកបាទក្រហកម្ពុជានាពេលនេះ ក្នុងគោលបំណងដើម្បីលើកកម្ពស់សិទ្ធិជនពិការចូលរួមក្នុងការងារសង្គម យល់ពីគោលគំនិតជាមូលដ្ឋាននៃពិការភាព និងការធ្វើបរិយាបន្ន របៀបទំនាក់ទំនងជាមួយជនមានពិការភាព ដែលមានប្រភេទផ្សេងៗគ្នា។ បន្ទាប់ពីប្អូនសិស្សានិសិស្សនិងយុវជនកាកបាទក្រហកម្ពុជាបានចេះ និងយល់ដឹងហើយគឺប្អូនៗបានសហការផ្សព្វផ្សាយបន្តដល់ប្អូនៗសិស្សានុសិស្សដែលជាមិត្តរួមសាលា និងបងប្អូនៗនៅក្នុងសហគមន៍អោយយល់ដឹងកាន់តែច្បាស់បន្ថែមទៀត។
ក្នុងឱកាសនោះ លោកនាយកវិទ្យាល័យ ហ៊ុន សែន ប្រាសាទបាគង ក៏បានថ្លែងអំណរគុណដល់សាខាកាកបាទក្រហមកម្ពុជាខេត្ត ដែលបានផ្តល់ការផ្សព្វផ្សាយនាពេលនេះ ក្នុងការផ្សព្វផ្សាយឱ្យបានទូលំទូលាយដលសិស្សានុសិស្សក្នុងគ្រឹស្ថានសិក្សាក៏ដូចជាសហគមន៍។ លោកនាយក ក៏បានណេនាំ និងលើកឡើងពីការងារសុវត្ថិភាពចរាចរណ៍ដោយបានផ្តាំផ្ញើរដល់ប្អូនៗសិស្សានុសិស្សទាំងអស់ ត្រូវមានការប្រុងប្រយ័ត្នពេលធ្វើដំណើរត្រូវពាក់មួកសុវត្ថិភាពឱ្យបានត្រឹមត្រូវ ទាំងអ្នកបើកបរ និងអ្នករួមដំណើរ។ ជាមួយគ្នានើត្រូវខិតខំរៀនសូត្រ ក្រេបជពា្ជក់ យកចំណេះដឹងនាពេលនេះ ហើយយកទៅផ្សព្វផ្សាយបន្តដល់មិត្តភក្តិ នៅក្នុងសាលា និងប្រជាពលរដ្ឋយើងតាមសហគមន៍ផងដែរ៕
ព័ត៌មានជាតិ ថ្មីៗ
អត្ថបទ និងរូបភាព៖លោក ទ្រា ពន្លឺ
កែសម្រួល៖ លោក អ៊ុន ណារាជ្យ
