នៅល្ងាចថ្ងៃទី២៣ ខែមីនា ឆ្នាំ២០២៣ ក្នុងបរិវេណប្រាសាទព្រហ្មកិល នៃតំបន់រមណិយដ្ឋានអង្គរ មានរៀបចំពិធីចុះអនុស្សរណៈយោគយល់គ្នាមួយអាជ្ញាធរជាតិអប្សរា និងក្រុមហ៊ុន AJE ដែលផ្ដោតទៅលើកិច្ចសហប្រតិបត្តិការសំខាន់ៗ ចំនួន២ គឺ ការគ្រប់គ្រងកាកសំណល់ និងធ្វើឲ្យមានភាពបៃតង នៅក្នុងរមណីដ្ឋានអង្គរ។
លោក ហ្វាបបៀន ម៉ូស្កេរ៉ា (Fabian Mosquera) នាយកគ្រប់គ្រងប្រចាំតំបន់ នៃក្រុមហ៊ុន AJE បានឲ្យដឹងថា ក្រោមយុទ្ធនាការ “AJE ក្នុងភាពជាដៃគូជាមួយអាជ្ញាធរជាតិអប្សរា ការពារបរិស្ថានអង្គរ” គឺជាគម្រោង នៃកិច្ចសហប្រតិបត្តិសម្រាប់ទេសចរណ៍បៃតង ដែលនឹងគាំទ្រដល់ការផ្សព្វផ្សាយ យុទ្ធនាការបៃតងរួមគ្នា និងគម្រោងគ្រប់គ្រងកាកសំណល់។ លោកបន្ថែមថា គម្រោងជំហានដំបូងរយ:ពេល១ឆ្នាំ យើងប្រើប្រាស់កញ្ចប់ថវិកាប្រមាណជា៣ម៉ឺនដុល្លា ក្នុងការ ដាំកូនឈើ និងស្មៅ និងការគ្រប់គ្រងកាកសំណល់ផងដែរ។
ថ្លែងក្នុងឱកាសនោះ ឯកឧត្តម ឡុង កុសល អគ្គនាយករង នៃអាជ្ញាធរជាតិអប្សរា បានហៅការចូលរួមសហការពីសំណាក់ក្រុមហ៊ុនឯកជនមួយនេះ ជាការធ្វើឲ្យប្រសើរឡើងប្រសើរឡើងនូវសោភណ្ឌភាព អនាម័យ និងបរិស្ថានក្នុងតំបន់រមណីយដ្ឋានអង្គរ។ ឯកឧត្តម បន្តថា កិច្ចសហការរវាងអាជ្ញាធរជាតិអប្សរា និងក្រុមហ៊ុន AJEនេះដែរ នឹងផ្តល់ជាលទ្ធផលជាផ្លែផ្កាយ៉ាងល្អប្រសើរបំផុតសម្រាប់រមណីយដ្ឋានអង្គរ ក៏ដូចជាការជួយការពារ អភិរក្សបេតិកភណ្ឌពិភពលោក ដែលជាមរតកមនុស្សជាតិ។
ព័ត៌មានជាតិ ថ្មីៗ
អត្ថបទ និងរូបភាព ៖ លោក ជា ស្រស់ និង លោក ស៊ាន សុផាត
កែសម្រួល៖ លោក សេង ផល្លី
