អង្គការគាំទ្រការអភិវឌ្ឍសមត្ថភាពគ្រូបង្រៀន បើកកម្មវិធីបណ្ដុះបណ្ដាលវិធីសាស្រ្តបង្រៀន និងរៀនបែបចម្រុះភាសាអង់គ្លេស ដល់គ្រូបង្រៀនកម្រិតបឋមសិក្សា៤៨នាក់ ដើម្បីលើការកសាងសមត្ថភាព និងនវានុវត្តន៍ឌីជីថល និងអភិវឌ្ឍន៍សម័ត្តភាពគ្រូបង្រៀន ដែលចូលរួមចំណែកគាំទ្រដល់ការអនុវត្តគោលនយោបាយរដ្ឋាភិបាលកម្ពុជាឌីជីថល២០២២-២០៣៥ នៃផែនការយុទ្ធស្រាស្រ្តទី៣។កម្មវិធីនេះធ្វើឡើងនៅសាលប្រជុំអង្គការគាំទ្រការអភិវឌ្ឍសមត្ថភាពគ្រូបង្រៀន ភូមិបឹងដូនប៉ា សង្កាត់ស្លក្រាម ខេត្ត-ក្រុងសៀមរាប ឆ្នាំ២០២៣ ។
លោក ងោ សុភ័ក្រ្ត នាយកអង្កការគាំទ្រការអភិវឌ្ឍសមត្ថភាពគ្រូបង្រៀនបានលើកឡើងថា ការបំប៉នសមត្ថភាពបន្ថែមដល់លោកគ្រូអ្នកគ្រូនៅតាមសាលារៀនគោលដៅក្នុងកម្រិតបឋមសិក្សា ដែលចុះជ្រើសរើផ្ទាល់នៅតាមសាលារៀនគោលដៅ ដែលផ្ដោតលើការបណ្ដុះបណ្ដាលថ្នាលឌីជីថល និងផ្ដល់ឧបករណ៍គាំទ្រក្នុងការសិក្សា ដើម្បីឲ្យសាលារៀនគោលដៅមានឱកាស និងងាយស្រួល ក្នុងការអនុវត្តវិធីសាស្ត្របង្រៀន និងរៀនបែបចម្រុះ ភាសាអង់គ្លេស ព្រមទាំងការបំប៉នសមត្ថភាពផ្នែកភាសាអង់គ្លេស ដើម្បីធ្វើអោយវិស័យអបរំប្រកបដោយគុណភាព ។លោកបន្តរថាគម្រោងនេះ អនុវត្តន៍ដោយ អង្គការគាំទ្រការអភិវឌ្ឍសមត្ថភាពគ្រូបង្រៀន(TDSO) និងមានកិច្ចសហប្រតិបត្តការរវាង អង្កការ អេដ អេ អាក់ ស្យុង អង្កការខេប អង្កការ Oxfam ។ គម្រោងនេះមានចំនួនមួយឆ្នាំពេញ ដែលមានគ្រូបង្រៀនទាំងនោះ មកពីសាលាបឋមសិក្សាគោលដៅទាំង៣១ នៅតំបន់បឹងទន្លេសាប ក្នុងខេត្តសៀមរាប។
ព័ត៌មានជាតិ ថ្មីៗ
ដោយឡែកលោក សុក ថា ប្រធាននាយកដ្ឋានបច្ចេកវិទ្យាព័ត៌មាន នៃក្រសួងអបរំយុវជននិងកីឡា លើកឡើងថា កម្មវិធីបណ្ដុះបណ្ដាលវិធីសាស្រ្តបង្រៀន និងរៀនបែបចម្រុះភាសាអង់គ្លេស សម្រាប់គ្រូបង្រៀននៅកម្រិតបឋមសិក្សា ពិតជាល្អព្រោះជួយជំរុញឪ្យ មានការអភិវឌ្ឍ ការអនុវត្ត បង្រៀនបន្ថែមមួយកម្រិតទៀត ដល់លោកគ្រូ អ្នកគ្រូ តាមសាលាក្នុងស្រុកគោលដៅ ប្រកបដោយ ដោយសមត្ថភាព និងក្រមសីលធម៌វិជ្ជាជីវៈខ្ពស់៕
អត្ថបទ និងរូបភាព៖ លោក បូ សាវី
