សមាជិកក្លឹបទេសចរណ៍ខេត្តសៀមរាប អាចធ្វើការទូទាត់សាច់ប្រាក់តាមប្រព័ន្ធទូទាត់ក្នុង និងក្រៅប្រទេស រួមទាំង WeChat និង Alipay

នារសៀលថ្ងៃទី២ ខែមេសា ឆ្នាំ២០២៣ ក្លឹបទេសចរណ៍ខេត្តសៀមរាប (STC) និងធនាគារស្ថាបនា បានចុះហត្ថលេខាលើកិច្ចព្រមព្រៀងភាពជាដៃគូ ដើម្បីផ្តល់ដំណោះស្រាយទូទាត់តាមប្រព័ន្ធឌីជីថលសម្រាប់ពាណិជ្ជករ និងប្រតិបត្តិករក្នុងឧស្សាហកម្មទេសចរណ៍ក្នុងខេត្តសៀមរាប។

តាមការឱ្យដឹងពីលោក ហ្សង់ ព្យែរ កាញុង (Jean Pierre Gagnon) អគ្គនាយករង នៃធនាគារស្ថាបនា បង្ហាញថា តាមរយៈកិច្ចព្រមព្រៀងភាពជាដៃគូនេះ សមាជិកនៃក្លឹបទេសចរណ៍ខេត្តសៀមរាប នឹងទទួលបាននូវបច្ចេកវិទ្យាទូទាត់ទំនើប ដោយគ្មានសាច់ប្រាក់តាមរយៈ ប្រព័ន្ធKHQR, Visa, Mastercard, Union Pay International, WeChat និង Alipay ពីអតិថិជននៅបរទេស និងក្នុងប្រទេស។

បើតាមលោក ហ្វីលីព សែតកៅ ដំណោះស្រាយការទូទាត់ប្រាក់តាមប្រព័ន្ធឌីជីថលនេះ នឹងបង្កើតភាពរឹងមាំជាមួយពាណិជ្ជករក្នុងស្រុក និងគាំទ្រដល់វិស័យទេសចរណ៍ប្រកបដោយនិរន្តរភាព និងឆ្លាតវៃនៅក្នុងខេត្តសៀមរាប។

ព័ត៌មានជាតិ ថ្មីៗ

សាខាកាកបាទក្រហមកម្ពុជា ខេត្តសៀមរាប នាំយកអំណោយផ្ដល់ជូនក្រុមគ្រួសារយុទ្ធជនពលី នៅស្រុកប្រាសាទបាគង

30/11/2025

រដ្ឋបាលខេត្តសៀមរាប រៀបចំវេទិកាផ្សព្វផ្សាយ និងពិគ្រោះយោបល់នៅស្រុកស្រីស្នំ ដើម្បីស្វែងរកបញ្ហាប្រឈម និងដំណោះស្រាយជូនប្រជាពលរដ្ឋ

20/11/2025

លោក យុន លីនណេ អភិបាលរងខេត្តសៀមរាប បានវាយតម្លៃខ្ពស់ចំពោះសមាគមក្លឹបទេសចរណ៍ខេត្តសៀមរាប ដែលបានដើរតួនាទីយ៉ាងសំខាន់ ក្នុងការការពារផលប្រយោជន៍ដល់ប្រតិបត្តិករក្នុងខេត្ត។ ការចុះអនុស្សារណៈនេះ គឺជាជំហានដ៏សំខាន់មួយឆ្ពោះទៅរកបដិវត្តន៍ឧស្សាហកម្មទូទាត់ តាមរយៈបច្ចេកវិទ្យាទំនើបៗ។ លោកអភិបាលរងខេត្ត បន្ថែមថា កិច្ចសហការរវាងសមាគមក្លឹបទេសចរណ៍ និងធនាគារស្ថាបនានេះ បានបង្ហាញពីការប្តេជ្ញាចិត្តក្នុងការច្នៃប្រឌិត និងផ្តល់ជូនអតិថិជន នូវបទពិសោធន៍ធនាគារដ៏ល្អបំផុតដែលអាចធ្វើទៅបាន។ ការធ្វើសមាហរណកម្ម និងភាពជាដៃគូរវាងសមាគម និងវិស័យឯកជន ក្នុងន័យជំរុញកំណើនសេដ្ឋកិច្ច នឹងធ្វើឱ្យបរិយាកាសធ្វើអាជីវកម្មកាន់តែមានភាពងាយស្រួលជាមួយនឹងកម្មវិធីដែលភ្ជាប់ទៅ AIP សម្រាប់វេទិកាឌីជីថល។ កម្មវិធីនេះដែរ នឹងធ្វើឱ្យវាកាន់តែងាយស្រួល សម្រាប់អតិថិជនរបស់យើង ដើម្បីធ្វើប្រតិបត្តិការ គ្រប់គ្រងគណនីរបស់ពួកគេ និងមានទំនុកចិត្តចូលប្រើសេវាកម្មធនាគារក្នុងប្រទេសរបស់យើង។

អត្ថបទ និងរូបភាព: លោក យូ វង្ស
កែសម្រួល: លោក សេង ផល្លី