បន្ទាប់បានឃើញក្រុមកាងារអង្គរសង្ក្រាន្ដបាននឹងកំពុងមមាញឹកក្នុងតុបតែងលម្អនូវសំណង់ទីតាំងកម្មវិធី
ខណៈដែល កម្មវិធីអង្គរសង្ក្រាន្ដនិមួយៗ អ្នកទេសចរមួយចំនួន បានសម្ដែងការរីករាយនិងគាំទ្រយ៉ាងខ្លាំង ដោយត្រៀមចូលរួមកំសាន្ដនូវព្រឹត្ដិការណ៍នេះ។ពួកគាត់លើកឡើងថា មហាព្រឹត្ដការណ៍នេះ នឹងទាក់ទាញអ្នកទេសចរព្រមទាំងបានលើកកម្ពស់នូវវប្បធម៌ អរិយធម៌របស់ខ្មែរ កាន់តែខ្ពស់នៅលើពិភពលោក។
លោក តាំង ភីងភីង អ្នកទេសចរមកពីខេត្ដបន្ទាយមានជ័យ បានលើកឡើងថា ព្រឹត្ដិការណ៍អង្គរសង្ក្រាន្ដឆ្នាំ២០២៣នេះ គឺជាមោទកភាពជាតិមួយ ដែលភ្ញៀវទេសចរជាតិ និងអន្ដរជាតិ បានស្វែងយល់នូវវប្បធម៌ និងអរិយធម៌របស់ខ្មែរកាន់តែច្បាស់ ព្រោះព្រឹត្ដិការណ៍បានបង្ហាញនូវស្នារដៃដ៍អស្ចារ្យរបស់ខ្មែរ ស្របពេលដែលតំបន់អង្គរក៍មានការរៀបចំស្រស់ស្អាតទាំងបរិស្ថាន អនាម័យ និងសណ្ដាប់ធ្នាប់។លោកបន្ដថា ប្រពៃណី វប្បធម៌ខ្មែរនឹងបានល្បីល្បាញទៅលើឆាកអន្ដរជាតិផងដែរ។ជាមួយគ្នានោះ ការបង្កើតនូវព្រឹត្ដិការណ៍នេះនឹងនាំមកនូវសេដ្ឋកិច្ចដល់ប្រជាពលរដ្ឋនៅមូលដ្ឋានផងដែរ។
ដោយឡែកអ្នកទេសចរពីររូបទៀតមកពីខេត្ដកំពត និងខេត្ដបន្ទាយមានជ័យ ក៍បានឱ្យដឹងស្រដៀងគ្នាដែរថា ទោះបីពួកគាត់មិនទាន់កំណត់ថាចូលរួមកម្សាន្តសប្បាយក្នុងព្រឹត្ដិការណ៍អង្គរសង្ក្រាន្ដក្ដី ក៍ប៉ុន្ដែបើមើលពីការរៀបចំតុងតែងវិញ ពួកគាត់ក៍មានចិត្ដរំភើប និងសប្បាយដែរ ព្រោះថាទីតាំងកម្មវិធីនៃព្រឹត្ដិការណ៍នេះ បង្ហាញនូវកេរតំណែលដូចតាខ្មែរ ដូច្នេះ ក្នុងនាមប្រជាពលរដ្ឋខ្មែរ សូមថ្លែងអំណរគុណដល់រាជរដ្ឋាភិបាល ដែលបានបង្កើតកម្មវិធីព្រឹត្ដិការណ៍អង្គរសង្ដ្រាន្ដ ដើម្បីអបអរសាទរពិធីចូលឆ្នាំថ្មីប្រពៃណីជាតិខ្មែរ ដែលបង្ហាញថាកម្ពុជាកំពុងមានការអភិវឌ្ឍជឿនលឿនពីមួយឆ្នាំទៅមួយឆ្នាំ។
សូមជម្រាបថា ព្រឹត្តិការណ៍អង្គរសង្ក្រាន្តគម្រប់ខួប១០ឆ្នាំនេះ នឹងចាប់ផ្ដើមចាប់ពីថ្ងៃទី១៣ដល់ថ្ងៃទី១៦ខែមេសា ដែលធ្វើឡើងក្រោមប្រធានបទ “ក្តីស្រមៃ និងក្តីសង្ឃឹម” ដោយមានកម្មវិធីកំសាន្ដជាច្រើន រួមមមាន កម្មវិធីភូមិបេតិកភណ្ឌវប្បធម៌ កម្មវិធីភូមិវិចិត្រករឯក កម្មវិធីសួនញញឹមអង្គរ កម្មវិធីរបាំបុរាណ ប្រពៃណី និងល្បែងប្រជាប្រិយ កម្មវិធីប្រគួតអុកចត្រង្គ កម្មវិធីគោមបណ្ដែតទឹក កម្មវិធីគុនល្បុកតោ កម្មវិធីអាហារនៃក្ដីស្រាលាញ់ កម្មវិធីពិព័រណ៌សង្ក្រាន្ដ កម្មវិធីភូមិខ្ញុំ កម្មវិធីផ្ទះស៊ីហ្គេម និងអាស៊ានប៉ារ៉ាហ្គេម កម្មវិធី “នេះមិនមែនជាសុបិន”កម្មវិធី”សួនមុនីហទ័យជាដើម។
ព្រឹត្ដិការណ៍នេះ មានគោលបំណងបង្កើនភាពសប្បាយរីករាយដល់មហាគ្រួសារខ្មែរ ដោយមិនប្រកាន់និន្នាការនយោបាយ ឬសាសនា ពណ៌សម្បុរ អ្វីទាំងអស់។ ជាមួយគ្នានេះ ព្រឹត្តិការណ៍នេះ ក៏បានគាស់រំលើងនូវល្បែងរបាំប្រជាប្រិយខ្មែរនានាដែលធ្លាប់មានពីមុនមក ឲ្យយុវជនជំនាន់គ្រោយបានស្គាល់ ៕
អត្ថបទ និងរូបភាព: លោក ឈិត សាវី
កែសម្រួល: លោក លីវ សាន្ត
