គម្រោងសាងសង់ផ្លូវមេតុងអាមេ ក្នុងសង្កាត់ចំនួន៣ ក្នុងក្រុងសៀមរាប គឺសង្កាត់គោកចក សង្កាត់សាលាកំរើក និងសង្កាត់ស្លក្រាម ដែលជាគម្រោងមូលនិធិសង្កាត់ឆ្នាំ២០២៣ ត្រូវបានប្រកាសដាក់ឲ្យដេញថ្លៃជាស្ថានពរហើយ នៅថ្ងៃទី០៣ ខែមេសា ឆ្នាំ២០២៣ ដោយមានការចូលរួមពីមន្ត្រីបច្ចេកទេសសាលាខេត្តសៀមរាប មន្ត្រីបច្ចេកទេសក្រុងសៀមរាប គណៈកម្មការលទ្ធកម្មឃុំ សង្កាត់ទាំង៣ និងក្រុមហ៊ុនម៉ៅការផងដែរ។
លោកស្រី ឈិន សាវី ប្រធានគណៈកម្មការលទ្ធកម្មសង្កាត់គោកចក បានឲ្យដឹងថា គណៈកម្មការលទ្ធសង្កាត់ បានដាក់ឲ្យដេញថ្លៃ សាងសង់ផ្លូវបេតុអាមេមួយខ្សែ ទទឹង៥ម៉ែត្រ ប្រវែង០.៦៧២ម៉ែត្រ ក្នុងតម្លៃប៉ានស្មាន ៤៤៩,៥៥៦,០២៤រៀល។ ដោយមានក្រុមហ៊ុនម៉ៅការ ដាក់សំណើដេញថ្លៃចំនួន ៤ក្រុមហ៊ុន ក្រោយពីបានពិនិត្យ និងវាយតម្លៃលើសំណុំឯកសារដំណើរដេញថ្លៃរបស់អ្នកទទួលការ ក្នុងនោះលទ្ធផលបានទៅលើ ក្រុមហ៊ុន សករាជខនស្ត្រាក់សិន ក្នុងទឹកប្រាក់ចំនួន ៤៤៧.៥០០.០០០រៀល។
ចំណែកលោក សាម ឡន ប្រធានគណៈកម្មការលទ្ធកម្មសង្កាត់សាលាកំរើក បានឲដឹងថា គណៈកម្មការលទ្ធសង្កាត់ បានដាក់ឲ្យដេញថ្លៃ សាងសង់ផ្លូវបេតុអាមេ មួយខ្សែរ ទទឹង ៦ម៉ែត្រ ប្រវែង ០,៤១៤ម៉ែត្រ ក្នុងតម្លៃប៉ានស្មាន ៣២០,៩១៣,០២០រៀល។ ដោយមានក្រុមហ៊ុនម៉ៅការ ដាក់សំណើដេញថ្លៃចំនួន ៤ក្រុមហ៊ុន ក្រោយពីបានពិនិត្យ និងវាយតម្លៃលើសំណុំឯកសារដំណើរដេញថ្លៃរបស់អ្នកទទួលការ ក្នុងនោះលទ្ធផលបានទៅលើ ក្រុមហ៊ុន អំឡូ ក្នុងទឹកប្រាក់ចំនួន ៣១៩.៦០៨.០០០រៀល។
ព័ត៌មានជាតិ ថ្មីៗ
ដោយឡែកលោក ខៀវ សត ប្រធានគណៈកម្មការលទ្ធកម្មសង្កាត់ស្លក្រាម បានឲដឹងថា គណៈកម្មការលទ្ធសង្កាត់ បានដាក់ឲដេញថ្លៃចំនួន ៥ក្រុមហ៊ុន សាងសង់ផ្លូវបេតុអាមេ ២ខ្សែ ទទឹង៦ម៉ែត្រ ប្រវែង ០.៦៦៦ម៉ែត្រ ក្នុងតម្លៃ ៤៩៩.៨៧៣.៨៧១ និង១ខ្សែទៀត ទទឹង ៥ម៉ែត្រ ប្រវែង០.២៨០ម៉ែត្រ ក្នុងតម្លៃប៉ានស្មាន ១៨៤,៧៣៦,២៥០រៀល។ ដោយមានក្រុមហ៊ុនម៉ៅការ ដាក់សំណើដេញថ្លៃចំនួន៤ ក្រោយពីបានពិនិត្យ និងវាយតម្លៃលើសំណុំឯកសារដំណើរដេញថ្លៃរបស់អ្នកទទួលការ ក្នុងនោះលទ្ធផលបានទៅលើ ក្រុមហ៊ុនទី១ ម៉ូវ សៀកថៃ ក្នុងទឹកប្រាក់ចំនួន ៤៩៨.៥០០.០០០រៀល និងក្រុមហ៊ុនទី២ MST ក្នុងទឹកប្រាក់ចំនួន ១៨៣.០០០.០០០រៀលផងដែរ។ ជាមួយគ្នានោះ ក្រុមហ៊ុនទាំងអស់ ដែលបានដេញថ្លៃតម្លៃទាបទី១ នៅគម្រោងសាងសង់ផ្លូវមេតុងអាមេ ទាំង៣សង្កាត់ បានធ្វើការប្ដេជ្ញាចិត្ត ដោយសន្យាឲ្យបានត្រឹមត្រូវទៅតាមគំនូប្លងបច្ចេកទេស ទៅតាមលក្ខណ្ឌដូចមានចែងក្នុងកិច្ចសន្យា៕
អត្ថបទ និងរូបភាព៖ លោក ស៊ាន សុផាត
កែសម្រួល៖ អ៊ុន ណារាជ្យ
