តាមរយៈសេចក្ដីរាយការណ៍ ពីប្រជាពលរដ្ឋ ក្នុងឃុំចារឈូក ស្រុកអង្គរជុំ ខេត្តសៀមរាប បានឲ្យដឹងថា ប្រជាពលរដ្ឋក្នុងមូលដ្ឋាននេះ មានការខ្វះខាតទឹកប្រើប្រាស់ប្រចាំថ្ងៃ ដោយសារការឡើងកម្ដៅខ្លាំង នៃរដូវប្រាំង និងបាតុភូត អែលនីណូ ដែលអាចហក់ឡើងរហូតដល់ពី៤០ ទៅ៤២អង្សាសេ។
នៅថ្ងៃទី០៨ ខែមេសា ឆ្នាំ២០១៩ ដោយមានការឯកភាពពីប្រធានគណៈបញ្ជាការឯកភាពស្រុកអង្គរជុំ កងកម្លាំងនៃអធិការដ្ឋាននគរបាលស្រុកអង្គរជុំ ដឹកនាំដោយលោកវរសេនីយ៏ឯក ម៉ាន់ សុខាត់ អធិការនគរបាលស្រុក បានប្រើប្រាស់រថយន្តពន្លត់អគ្គីភ័យមួយគ្រឿង ដើម្បីដឹកទឹកជូនប្រជាពលរដ្ឋឲ្យដល់មូលដ្ឋានផ្ទាល់។
ប្រតិបត្តិការនេះ បានដឹកទឹកចំនួន ៦រថយន្ត ស្មើនឹង ទឹក ៣៦ម៉ែត្រគូប និងមានប្រជាពលរដ្ឋមកទទួលទឹកចំនួន ២០គ្រួសារ។
ព័ត៌មានជាតិ ថ្មីៗ
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក សេង ផល្លី
