យុវជន ៦នាក់ ត្រូវបានបញ្ជូនទៅតុលាការ ពាក់ព័ន្ធនឹងករណីគ្រឿងញៀន

ល្ងាចថ្ងៃទី ០៩ ខែមេសា ឆ្នាំ២០១៩ ជនសង្ស័យ ៦នាក់ ពាក់ព័ន្ធនឹងករណីរក្សាទុក ជួញដូរ ចាត់ចែង និងប្រើប្រាស់ដោយខុសច្បាប់នូវសារធាតុញៀន ត្រូវបានបញ្ចូនទៅតុលាការខេត្តសៀមរាប។

ជនសង្ស័យចំនួន ០៦នាក់ នោះរួមមាន៖
១-ឈ្មោះ ម៉ែន រស្មី ភេទប្រុស ឆ្នាំកំណើត១៩៩៩ មុខរបរគ្មាន ទីលំនៅភូមិវត្តស្វាយ សង្កាត់សៀមរាប ក្រុងសៀមរាប រក្សាទុក ជួញដូរនិងប្រើប្រាស់ មានសារធាតុញៀនក្នុងខ្លួន ។
២-ឈ្មោះ ហេង ហូ ហៅហឿន ភេទប្រុស ឆ្នាំកំណើត ១៩៩២ មុខរបរបុគ្គលិកថែសួនផ្កា ទីលំនៅ ភូមិកក្រាញ់ សង្កាត់សៀមរាប ក្រុងសៀមរាប រក្សាទុក ចាត់ចែងនិងប្រើប្រាស់ មានសារធាតុញៀនក្នុងខ្លួន។
៣-ឈ្មោះ ហេង ចិន ភេទប្រុស ឆ្នាំកំណើត១៩៩៧ មុខរបរបុគ្គលិកថែសួនផ្កា ទីលំនៅ ភូមិកក្រាញ់ សង្កាត់សៀមរាប ក្រុងសៀមរាប ចាត់ចែង និងប្រើប្រាស់ មានសារធាតុញៀនក្នុងខ្លួន ។
៤-ឈ្មោះ សឿង ទូចភេទប្រុស ឆ្នាំកំណើត១៩៩៣មុខរបរបុគ្គលិកថែសួនផ្កា ទីលំនៅ ភូមិកក្រាញ់ សង្កាត់សៀមរាប ក្រុងខេត្តសៀមរាប ចាត់ចែងនិងប្រើប្រាស់ មានសារធាតុញៀនក្នុងខ្លួន។
៥-ឈ្មោះ យន់ សីម៉ា ភេទប្រុស ឆ្នាំកំណើត១៩៩៣ មុខរបរបុគ្គលិកថែសួនផ្កា ទីលំនៅ ភូមិកក្រាញ់ សង្កាត់សៀមរាប ក្រុងសៀមរាប ចាត់ចែងនិងប្រើប្រាស់ មានសារធាតុញៀនក្នុងខ្លួន។
៦-ឈ្មោះ ជឿន ណូច ភេទប្រុស ឆ្នាំកំណើត២០០៤ មុខរបរបុគ្គលិកថែសួនផ្កា ទីលំនៅ ភូមិកក្រាញ់ សង្កាត់សៀមរាប ក្រុងសៀមរាប ចាត់ចែងនិងប្រើប្រាស់ មានសារធាតុញៀនក្នុងខ្លួន។

សូមបញ្ជាក់ថា ជនសង្ស័យខាងលើត្រូវបានបង្ក្រាបដោយ កម្លាំងនគរបាល ការិយាល័យប្រឆាំងគ្រឿងញៀន និងចូលរួមសហការពីកម្លាំងនគរបាលអធិការដ្ឋានក្រុងសៀមរាប នៅចំណុចសួនលក់ផ្កាស្ថិតនៅភូមិកក្រាញ់ សង្កាត់សៀមរាប និងនៅលំនៅដ្ឋានភូមិវត្តស្វាយ សង្កាត់សៀមរាប ក្រុងសៀមរាប និងបានដកហូតវត្ថុតាងម្សៅមេតំហ្វេតាមីនប្រភេទទឹកកកចំនួន០៤កញ្ចប់ស្មើនឹងទំងន់១៤,១ក្រាម(ទំងន់សុទ្ធ) ថ្នាំគ្រាប់យ៉ាម៉ាចំនួន០១គ្រាប់ស្មើនឹងទម្ងន់០,១ក្រាម(ទម្ងន់សុទ្ធ) កញ្ឆាក្រៀមចំនួន០១កញ្ចប់ស្មើនឹងទម្ងន់០,៣ក្រាម(ទម្ងន់សុទ្ធ) ឧបករណ៍ប្រើប្រាស់ និងសម្ភារវេចខ្ចប់គ្រឿងញៀនមួយចំនួន ដាវដែកចំនួន០២ដើម និង ទូរស័ព្ទដៃចំនួន ០៧គ្រឿង ។