គម្រោងសាងសង់ផ្លូវបេតុងអាមេ ក្នុងឃុំមុខប៉ែន និងជួសជុលផ្លូវដីសក្រាលគ្រួសធម្មជាតិ ក្នុងឃុំពោធិ៍ទ្រាយ ក្នុងស្រុកពួក ដែលជាគម្រោងមូលនិធិឃុំឆ្នាំ២០២៣ ត្រូវបានប្រកាសដាក់ឲ្យដេញថ្លៃជាស្ថានពរ នៅព្រឹកថ្ងៃទី១៨ ខែមេសា ឆ្នាំ២០២៣ ដោយមានការចូលរួមពីមន្ត្រីបច្ចេកទេសសាលាខេត្តសៀមរាប មន្ត្រីបច្ចេកទេសស្រុក គណៈកម្មការលទ្ធកម្មឃុំទាំង២ និងក្រុមហ៊ុនម៉ៅការផងដែរ។
លោក ថាំង មនោ ប្រធានគណៈកម្មការលទ្ធកម្មឃុំមុខ ប៉ែន បានឲ្យដឹងថា គណៈកម្មការលទ្ធឃុំបានដាក់ឲ្យដេញថ្លៃ សាងសង់ផ្លូវបេតុអាមេមួយខ្សែ ទទឹង៥ម៉ែត្រ កម្រាស់ ០,១៥ម៉ែត្រ ប្រវែង១២៩ម៉ែត្រ ស្លាកសញ្ញាគម្រោងចំនួន១ លូកាត់ផ្លូវចំនួន ១កន្លែង និងលូមុខ០.៨ម៉្រែត ចំនួន២កង់សម្រាប់ដាក់ការពារឡានធំ ក្នុងតម្លៃប៉ាន់ស្មាន ១០៦,០២១,៤៧៤រៀល។ ដោយមានក្រុមហ៊ុនម៉ៅការ ដាក់សំណើដេញថ្លៃចំនួន ៥ក្រុមហ៊ុន ក្រោយពីបានពិនិត្យ និងវាយតម្លៃលើសំណុំឯកសារដំណើរដេញថ្លៃរបស់អ្នកទទួលការ មានមួយក្រុមហ៊ុន គ្មានសុពលភាពសំណើរដេញថ្លៃមិនបានបិទជិត ក្នុងនោះលទ្ធផលបានទៅលើ ក្រុមហ៊ុន ហ៊ត់ ហេង ក្នុងទឹកប្រាក់ចំនួន ១០៥,០០០,០០០រៀល។
ដោយឡែកលោក លោក អឿន ប៊ុនថង ប្រធានគណៈកម្មការលទ្ធកម្មឃុំពោធិ៍ទ្រាយ បានឲដឹងថា គណៈកម្មការលទ្ធឃុំ បានដាក់ឲដេញថ្លៃជួសជុលផ្លូវក្រាលគ្រួសធម្មជាតិ១ខ្សែ ទទឹង៥ម៉ែត្រ កម្រាស់ ០,១៥ម៉ែត្រ ប្រវែង១០៣ម៉ែត្រ ស្លាកសញ្ញាគម្រោង១ និងលូមុខ ០.៨ម៉្រែត ចំនួន២កង់សម្រាប់ដាក់ការពារឡានធំ ក្នុងតម្លៃប៉ាន់ស្មាន ១០៧,៧៥៩,៣៤៤រៀល។ ដោយមានក្រុមហ៊ុនម៉ៅការ ដាក់សំណើដេញថ្លៃចំនួន៤ ក្រោយពីបានពិនិត្យ និងវាយតម្លៃលើសំណុំឯកសារដំណើរដេញថ្លៃរបស់អ្នកទទួលការ មានមួយក្រុមហ៊ុន គ្មានសុពលភាពសំណើរដេញថ្លៃមិនបានបិទជិត ក្នុងនោះលទ្ធផលបានទៅលើក្រុមហ៊ុន គិម វណ្ណា អ អិម ធី ក្នុងទឹកប្រាក់ ១០៤,៩៥៧,000រៀល។
ជាមួយគ្នានោះ ក្រុមហ៊ុនទាំងអស់ ដែលបានដេញថ្លៃតម្លៃទាបទី១ នៅគម្រោងសាងសង់ផ្លូវមេតុងអាមេ និងជួសជុលផ្លូវដីសក្រាលគ្រួសធម្មជាតិក្នុងឃុំទាំង២ ក៏បានធ្វើការប្ដេជ្ញាចិត្ត ដោយសន្យាឲ្យបានត្រឹមត្រូវទៅតាមគំនូប្លង់បច្ចេកទេស ទៅតាមលក្ខណ្ឌដូចមានចែងក្នុងកិច្ចសន្យាផងដែរ៕
អត្ថបទ និងរូបភាព៖ លោក ហ៊ុន ឆៃលាង
កែសម្រួល៖ អ៊ុន ណារាជ្យ
