គម្រោងជួសជុលផ្លូវដីក្រាលគ្រួសក្រហម ក្នុងឃុំចំនួន៣ ក្នុងស្រុកស្រីស្នំ គឺឃុំត្រំាសសរ ឃុំប្រីយ៍ និងឃុំក្លាំងហាយ ដែលជាគម្រោងមូលនិធិសង្កាត់ឆ្នាំ២០២៣ ត្រូវបានប្រកាសដាក់ឲ្យដេញថ្លៃជាស្ថានពរហើយ នៅថ្ងៃទី២០ ខែមេសា ឆ្នាំ២០២៣ ដោយមានការចូលរួមពីមន្ត្រីបច្ចេកទេសសាលាខេត្តសៀមរាប មន្ត្រីបច្ចេកទេសក្រុងសៀមរាប គណៈកម្មការលទ្ធកម្មឃុំ សង្កាត់ទាំង៣ និងក្រុមហ៊ុនម៉ៅការផងដែរ។
លោក ឡាត ស៊ើប ប្រធានគណៈកម្មការលទ្ធកម្មឃុំត្រាំសសរ បានឲ្យដឹងថា គណៈកម្មការលទ្ធសង្កាត់ បានដាក់ឲ្យដេញថ្លៃ ជួសជុលផ្លូវដីស ស្ថាបនាទៅជាផ្លូវក្រាលគ្រួសក្រហម ២ខ្សែរ ប្រវែង ១,១០០ម៉ែត្រ ទទឹង៤ម៉ែត្រ កម្រាស់គ្រួស ០,១៥ម៉ែត្រ និងស្លាកសញ្ញាគម្រោងចំនួន២ ក្នុងតម្លៃប៉ាន់ស្មាន ៨១,៩៦០,៥៣០រៀល។ ដោយមានក្រុមហ៊ុនម៉ៅការ ដាក់សំណើដេញថ្លៃចំនួន ៤ក្រុមហ៊ុន ក្រោយពីបានពិនិត្យ និងវាយតម្លៃលើសំណុំឯកសារដំណើរដេញថ្លៃរបស់អ្នកទទួលការ ក្នុងនោះលទ្ធផលបានទៅលើ ក្រុមហ៊ុន វឿង សុម៉េង ក្នុងទឹកប្រាក់ចំនួន ៧៨,១០០,០០០រៀល។
ចំណែកលោក ម៉ក់ ហាក់ ប្រធានគណៈកម្មការលទ្ធកម្មឃុំប្រីយ៍ បានឲដឹងថា គណៈកម្មការលទ្ធសង្កាត់ បានដាក់ឲ្យដេញថ្លៃ ជួសជុលផ្លូវក្រាលគ្រួសក្រហម ២ខ្សែរ ប្រវែង ១,០៥០ម៉ែត្រ ទទឹង៥ម៉ែត្រ កម្រាស់គ្រួស ០,១៥ម៉ែត្រ និងស្លាកសញ្ញាគម្រោងចំនួន២ ក្នុងតម្លៃប៉ាន់ស្មាន ៨២,៥១១,៨១៩រៀល។ ដោយមានក្រុមហ៊ុនម៉ៅការ ដាក់សំណើដេញថ្លៃចំនួន ៤ក្រុមហ៊ុន ក្រោយពីបានពិនិត្យ និងវាយតម្លៃលើសំណុំឯកសារដំណើរដេញថ្លៃរបស់អ្នកទទួលការ ក្នុងនោះលទ្ធផលបានទៅលើ ក្រុមហ៊ុន ញ៉ូវ ចន្ទី អអឹមធីវីខនស្រ្កាក់សិន ក្នុងទឹកប្រាក់ចំនួន ៨០,០១០,០០០រៀល។
ដោយឡែកលោក ពិក អេង ប្រធានគណៈកម្មការលទ្ធកម្មឃុំក្លាំងហាយ បានឲដឹងថា គណៈកម្មការលទ្ធសង្កាត់ បានដាក់ឲដេញថ្លៃ ជួសជុលផ្លូវដីស ស្ថាបនាទៅជាផ្លូវក្រាលគ្រួសក្រហម ២ខ្សែរ ប្រវែង ១,៣៥០ ម៉ែត្រ ទទឹង៥ម៉ែត្រ កម្រាស់គ្រួស ០,១៥ម៉ែត្រ និងស្លាកសញ្ញាគម្រោងចំនួន២ ក្នុងតម្លៃប៉ាន់ស្មាន ៩២,៧០៤,៩៣៤រៀល។ ដោយមានក្រុមហ៊ុនម៉ៅការ ដាក់សំណើដេញថ្លៃចំនួន៤ ក្រោយពីបានពិនិត្យ និងវាយតម្លៃលើសំណុំឯកសារដំណើរដេញថ្លៃ ក្នុងនោះលទ្ធផលបានទៅលើក្រុមហ៊ុន ញ៉ូវ ចន្ទី អអឹមធីវីខនស្រ្កាក់សិន ក្នុងទឹកប្រាក់ ៩០,៤៥០,000 រៀលផងដែរ។
ជាមួយគ្នានោះ ក្រុមហ៊ុនទាំងអស់ ដែលបានដេញថ្លៃតម្លៃទាបទី១ នៅគម្រោងជួសជុលផ្លូវដីស ក្រាលគ្រួសក្រហម និងជួសជុលផ្លូវក្រាលគ្រួសក្រហមទាំង ៣ឃុំ បានធ្វើការប្ដេជ្ញាចិត្ត ដោយសន្យាឲ្យបានត្រឹមត្រូវទៅតាមគំនូប្លង់បច្ចេកទេស ទៅតាមលក្ខណ្ឌដូចមានចែងក្នុងកិច្ចសន្យា៕
អត្ថបទ និងរូបភាព៖ លោក ហ៊ុន ឆៃលាង
កែសម្រួល៖ អ៊ុន ណារាជ្យ
