ជាធម្មតាក្រោយពីចូលឆ្នាំប្រពៃណីខ្មែរហើយប្រមាណ១សប្តាហ៍ ឬពីរសប្តាហ៍ ប្រជាពលរដ្ឋដែលរស់នៅនៅតំបន់អង្គរ និងតាមបណ្តាស្រុកមួយចំនួន នៅខេត្តសៀមរាប តែងមានបុណ្យម៉្យាងហៅថា «ឆ្លងចេត្រ» ទៅតាមទំនៀមទំម្លាប់របស់ពួកគាត់។
ជាក់ស្តែងកាលពីរសៀលថ្ងៃទី២៣ ខែមេសា ឆ្នាំ២០២៣ ព្រះសង្ឃ និងគណៈកម្មការវត្តសំរោង ស្ថិតនៅភូមិសំរោងជើង ឃុំសំរោង ស្រុកសូទ្រនិគម ខេត្តសៀមរាប ទៅតាមការគ្រោងទុក។ នៅក្នុងពិធីឆ្លងចេត្រនេះ ប្រជាពលរដ្ឋបានមកជួបគ្នាកម្សាន្តសប្បាយយ៉ាងច្រើនកុះករ ជាពិសេសការរាំសប្បាយ មិនខុសពីពិធីបុណ្យចូលឆ្នាំប្រពៃណីជាតិខ្មែរនោះទេ។
ព្រះតេជគុណ ថង ចន្ថា ព្រះចៅអធិការវត្តសំរោង បានមានសង្ឃដីកាឱ្យដឹងថា ពិធី«ឆ្លងចេត្រ» នៅទីនេះគ្រាន់តែមានន័យថា ឆ្លងផុតពីខែចេត្រចូលទៅខែពិសាខ ដែលជាខែចាប់ផ្តើមធ្លាក់ភ្លៀង ពោលគឺខែដែលគេចាប់ផ្តើមដាស់ដីភ្ជួររាស់ជាដើម។ ពិធីឆ្លងចេត្រនេះ សម្រាប់វត្តសំរោងតែងតែធ្វើឡើងជាបន្តបន្ទាប់ ដោយបានខកខានតែពីរឆ្នាំប៉ុណ្ណោះ គឺនៅឆ្នាំ២០២០និង២០២១ដោយសារតែការរាតត្បាតខ្លាំងនៃមេរោគកូវិដ១៩។ ហើយសម្រាប់ឆ្នាំនេះ គឺជាឆ្នាំដំបូងដែលត្រូវបានរៀបចំពិធីឆ្លងចេត្រនេះឡើងវិញ ក្រោយកូវិដបានធូស្រាល ឃើញថា ប្រជាពលរដ្ឋយ៉ាងច្រើន គឺបានមកចូលរួមកម្សាន្តសប្បាយ ដែលបង្ហាញថា ការជួបជុំរបស់គ្នាសប្បាយរសប់ពុទ្ធបរិស័ទ គឺបានវិលមកវិញ៕
អត្ថបទ និងរូបភាព៖ លោក ឃុត សៅ
កែសម្រួល៖ អ៊ុន ណារាជ្យ
