សមត្ថកិច្ចនគរបាលខេត្តសៀមរាប បានឲ្យដឹងថា កាលពីវេលាម៉ោង២និង៤៥នាទីរសៀល ថ្ងៃទី១១ ខែមេសា ឆ្នាំ ២០១៩ ម្សិលមិញនេះ មានភ្លៀងធ្លាក់និងមានខ្យល់កន្ត្រាក់និងផ្គររន្ទះ បណ្ដាលឲ្យរងគ្រោះដល់មនុស្ស សត្វ និង ខូចខាតលំនៅដ្ឋានរបស់ប្រជាពលរដ្ឋ នៅឃុំមួយចំនួនក្នុងស្រុកពួក និងស្រុកអង្គរជុំ ។
នៅក្នុងស្រុកពួក មាន : ១- ឃុំសសរស្ដម្ភ បានរបើកដំបូលផ្ទះចំនួន៣ខ្នង , រលំផ្ទះចំនួន ០១ខ្នង , ២- ឃុំល្វា បានរបើកដំបូលផ្ទះចំនួន០៣ខ្នង , រន្ទះ បាញ់របួសមនុស្សចំនួន០១នាក់ , ៣- ឃុំក្ដីរុន បានរបើកដំបូលផ្ទះចំនួន២១ខ្នង , រលំផ្ទះចំនួន០២ខ្នង , បាក់សំយ៉ាបផ្ទះចំនួន៣ខ្នង និង ៤-ឃុំយាង បានរលំស្លាកគណបក្ស ប្រជាជនកម្ពុជាចំនួន០១ផ្ទាំង ។
នៅស្រុកអង្គរជុំ មាន : ១- ឃុំតាសោម រលំផ្ទះដួលដល់ដីចំនួន ៤ខ្នង , របើកដំបូលផ្ទះចំនួន២ខ្នង , ដើមឈើដួលសង្កត់ផ្ទះចំនួន២ខ្នង , ២- ឃុំចារឈូក បាបរបើកដំបូលផ្ទះ និងសំយ៉ាបផ្ទះចំនួន២៨ខ្នង និង ៣- ឃុំនគរភាស រន្ទះបាញ់គោងាប់ចំនួន១ក្បាល ៕
អត្ថបទ និង រូបថត : លោក ថាច់ ពិសុទ្ធ
កែសម្រួលអត្ថបទ : លោក លីវ សាន្ត
