គម្រោងសាងសង់ផ្លូវបេតុងអាមេចំនួនពីរខ្សែ ក្នុងឃុំចំនួន២ នៃស្រុកបន្ទាយស្រី គឺត្បែង និងឃុំរុនតាឯក ដែលជាគម្រោងមូលនិធិឃុំសង្កាត់ឆ្នាំ២០២៣ ត្រូវបានប្រកាសដាក់ឲ្យដេញថ្លៃជាស្ថាបពរ នៅថ្ងៃទី៣១ ខែឧសភា ឆ្នាំ២០២៣ ដោយក្នុងនោះមានការចូលរួមពីមន្ត្រីបច្ចេកទេសសាលាខេត្តសៀមរាប មន្ត្រីបច្ចេកទេសក្រុងសៀមរាប គណៈកម្មការលទ្ធកម្មនៃឃុំទាំង២ និងក្រុមហ៊ុនម៉ៅការផងដែរ។
លោក ហ៊ាប ថា ប្រធានគណៈកម្មការលទ្ធកម្មឃុំត្បែង បានឲ្យដឹងថា គណៈកម្មការលទ្ធកម្មឃុំ បានដាក់ឲ្យដេញថ្លៃគម្រោងសាងសង់ផ្លូវបេតុងអាមេចំនួនមួយខ្សែ មានប្រវែង ១៨០ម៉ែត្រ ទទឹង៥ម៉ែត្រ កម្រាស់គ្រួស០.១៥ម៉ែត្រ ចាក់គ្រួសក្រហមស្មាផ្លូវកម្រាស់ទទឹង ០.៥ម៉ែត្រ ស្លាកសញ្ញាចរាចរណ៍ និងស្លាកគម្រោងចំនួនមួយ។ គម្រោងនេះស្ថិតនៅក្នុងក្នុងតម្លៃនៃការប៉ានស្មានគឺ ១១២.៥៦៣.១០០រៀល ដោយមានក្រុមហ៊ុនម៉ៅការដាក់សំណើដេញថ្លៃចំនួន ៤ក្រុមហ៊ុន។ ជាលទ្ធផលបានទៅលើក្រុមហ៊ុន អុី សៀងហៃ ក្នុងទឹកប្រាក់ចំនួន ១១១.០៦០.០០០រៀល។
ចំណែកឯលោកស្រី ឈួន អុឹម ប្រធានគណៈកម្មការលទ្ធកម្ម ឃុំរុនតាឯក បានឲ្យដឹងថា គណៈកម្មការលទ្ធកម្មឃុំ បានដាក់ឲ្យដេញថ្លៃគម្រោងសាងសង់ផ្លូវបេតុងអាមេចំនួនមួយខ្សែ មានប្រវែង ២២០ម៉ែត្រ ទទឹង៤ម៉ែត្រ កម្រាស់ គ្រួស០.១៥ម៉ែត្រ កម្រាស់ក្រួសស្មាផ្លូវ ០.៥មែត្រ មានកម្រាលកៅស៊ូថ្លាពីក្រោមបេតុង និងស្លាកសញ្ញាចរាចរណ៍ ចំនួន៣ ស្លាកគម្រោងចំនួន១ និងសាងសង់លូកាត់ផ្លូវភ្លោះមុខកាត់១ម៉ែត្រ ប្រវែង៥ម៉ែត្រចំនួនមួយកន្លែង។ គម្រោងនេះដែរស្ថិតនៅក្នុងក្នុងតម្លៃនៃការប៉ានស្មានគឺ ១៤២.១៤៧.៧២៣រៀល ដោយមានក្រុមហ៊ុនម៉ៅការ ដាក់សំណើដេញថ្លៃចំនួន ៣ក្រុមហ៊ុន។ ជាលទ្ធផលបានទៅលើក្រុមហ៊ុន រ៉ម ចំរើន ក្នុងទឹកប្រាក់ចំនួន ១៤០.០០០.០០០រៀល។
ព័ត៌មានជាតិ ថ្មីៗ
ជាមួយគ្នានោះ ក្រុមហ៊ុនទាំង២ ដែលបានដេញថ្លៃតម្លៃទាបទី១ នៅក្នុងគម្រោងសាងសង់ផ្លូវមេតុងអាមេ ដែលស្ថិតនៅក្នុងឃុំត្បែង និងឃុំរុនតាឯក បានធ្វើការប្ដេជ្ញាចិត្ត ដោយសន្យាថា នឹងធ្វើឲ្យបានត្រឹមត្រូវទៅតាមគំនូប្លង់បច្ចេកទេស ស្របតាមបទដ្ឋានគតិយុទ្ធនៃការសាងសង់ និង គោរពតាមលក្ខណ្ឌដូចមានចែងនៅក្នុងកិច្ចសន្យា៕
អត្ថបទ និងរូបភាព៖ លោក ស៊ុំ គីន
កែសម្រួល៖ អ៊ុន ណារាជ្យ
