គម្រោងជុសជុលផ្លូវដីសក្រាលគ្រួសក្រហមធម្មជាតិ ៥ខ្សែ ក្នុងឃុំចំនួន២ នៃស្រុកអង្គរជុំ គឺឃុំចារឈូក និងឃុំតាសោម ដែលជាគម្រោងមូលនិធិឃុំឆ្នាំ២០២៣ ត្រូវបានប្រកាសដាក់ឲ្យដេញថ្លៃជាស្ថាបពរ នៅថ្ងៃទី០១ ខែមិថុនា ឆ្នាំ២០២៣ ដោយក្នុងនោះមានការចូលរួមពីមន្ត្រីបច្ចេកទេសសាលាខេត្តសៀមរាប មន្ត្រីបច្ចេកទេសក្រុងសៀមរាប គណៈកម្មការលទ្ធកម្មនៃឃុំទាំង២ និងក្រុមហ៊ុនម៉ៅការផងដែរ។
លោកស្រី លិវ សុខម ប្រធានគណៈកម្មការលទ្ធកម្មឃុំចារឃូក បានឲ្យដឹងថា គណៈកម្មការលទ្ធកម្មឃុំ បានដាក់ឲ្យដេញថ្លៃគម្រោងជុសជុលផ្លូវដីសក្រាលគ្រួសធម្មជាតិ ចំនួន ២ខ្សែ មានប្រវែង ១.១០០ម៉ែត្រ ទទឹង៥ម៉ែត្រ កម្រាស់គ្រួស០.១៥ម៉ែត្រ ស្លាកសញ្ញា២ និងលូទ្រីបមុខកាត់ ១ម៉ែត្រ ចំនួន ៣កន្លែង ព្រមទាំងលូចាក់បេតុងការពារផ្លូវចំនួន ៤កង់ គម្រោងនេះស្ថិតនៅក្នុងក្នុងតម្លៃនៃការប៉ានស្មានគឺ ១៣០.២៣០.១០០រៀល ដោយមានក្រុមហ៊ុនម៉ៅការ ដាក់សំណើដេញថ្លៃចំនួន ៤ក្រុមហ៊ុន។ ជាលទ្ធផលបានទៅលើ ក្រុមហ៊ុន អំ ឡូ ក្នុងទឹកប្រាក់ចំនួន ១២៨.៩០០.០០០រៀល។
ចំណែកលោក មាន មឿន ប្រធានគណៈកម្មការលទ្ធកម្ម នៅក្នុងតាសោម បានឲ្យដឹងថា គណៈកម្មការលទ្ធកម្មឃុំ បានដាក់ឲ្យដេញថ្លៃគម្រោងជុសជុលផ្លូវដីសក្រាលគ្រួសធម្មជាតិ ចំនួន ៣ខ្សែ មានប្រវែង ១.២៥០ម៉ែត្រ ទទឹង៥ម៉ែត្រ កម្រាស់គ្រួស០.១៥ម៉ែត្រ ស្លាកសញ្ញាគម្រោ២ និងលូទ្រីបមុខកាត់ ១ម៉ែត្រ ចំនួន ១កន្លែង គម្រោងនេះស្ថិតនៅក្នុងក្នុងតម្លៃនៃការប៉ានស្មានគឺ ១១០.០៦២.១០០រៀល ដោយមានក្រុមហ៊ុនម៉ៅការ ដាក់សំណើដេញថ្លៃចំនួន ៤ក្រុមហ៊ុន។ ជាលទ្ធផលបានទៅលើ ក្រុមហ៊ុន អំ ចំរើន ក្នុងទឹកប្រាក់ចំនួន ១០៨.៨០០.០០០រៀល។
ព័ត៌មានជាតិ ថ្មីៗ
ក្នុងឱកាសនោះ លោក ភន់ សុខុម អភិបាលស្រុកអង្គរជុំ ក៏បានណែនាំដល់ក្រុមហ៊ុនម៉ៅការដែលទទួលបានគម្រោងនេះ ត្រូវអនុវត្តឲ្យបានត្រឹមត្រូវតាមក្បួនច្បាប់ និងស្តង់ដានៃការជួសជុល ជាពិសេសត្រូវពន្លឿនឲ្យបានលឿនតាមពេលវេលាដែលបានចុះកិច្ចសន្យាក្នុងការជួសជុល ដើម្បីឲ្យបងប្អូនប្រជាពលរដ្ឋ ងាយស្រួលក្នុងការធ្វើដំណើរ និងដឹកជញ្ជូនកសិផលផ្សេងៗទៅកាន់ទីផ្សារ។
ជាមួយគ្នានោះ ក្រុមហ៊ុនទាំង២ ដែលបានដេញថ្លៃតម្លៃទាបទី១ នៅក្នុងគម្រោងជុសជួលផ្លូវដីសក្រាលក្រួសធម្មជាតិ ដែលស្ថិតនៅក្នុងឃុំចារឈូក និងឃុំតាសោម បានធ្វើការប្ដេជ្ញាចិត្ត ដោយសន្យាថា នឹងធ្វើឲ្យបានត្រឹមត្រូវទៅតាមគំនូប្លង់បច្ចេកទេស ស្របតាមបទដ្ឋានគតិយុទ្ធនៃការសាងសង់ និង គោរពតាមលក្ខណ្ឌដូចមានចែងនៅក្នុងកិច្ចសន្យា៕
អត្ថបទ និងរូបភាព៖ លោក ស៊ុំ គីន
កែសម្រួលអត្ថបទ ៖ លោក លីវ សាន្ត
