នៅថ្ងៃទី២០ ខែមិថុនា ឆ្នាំ២០២៣ លោក ពៅ ប៊ុនធឿន អភិបាលស្រុកអង្គរធំ ខេត្តសៀមរាប រួមនិងក្រុមការងារចុះមូលដ្ឋានស្រុក ចុះជួបសួរសុខទុក្ខ ព្រមទាំងមានការពិនិត្យ និងព្យាបាលជំងឺទូទៅជូនប្រជាពលរដ្ឋឃុំពាក់ស្នែង ដោយឥតគិតថ្លៃ ពីសំណាក់ក្រុមគ្រូពេទ្យមណ្ឌលសុខភាពឃុំពាក់ស្នែងផងដែរ។
លោក អភិបាលស្រុក លើកឡើងថា មិនមែនជាលើកទី១ទេ ដែលក្រុមគ្រូពេទ្យ បានចុះពិនិត្យសុខភាព នឹងព្យាបាលជំងឺជូនប្រជាពលរដ្ឋក្នុងស្រុកអង្គរធំ ដោយឥតគិតថ្លៃ។ ការពិនិត្យជំងឺនៅឃុំពាក់ស្នែងនាពេលនេះដែរ នឹងធ្វើឡើងចាប់ពីថ្ងៃទី១៧ ខែមិថុនានេះ ដែលមានចំនួន ៤ឃុំ ស្មើនឹង ២៥ភូមិ ។
លោក អភិបាលស្រុក បានគូសបញ្ជាក់ដែរថា បច្ចុប្បន្ន ស្រុកអង្គរធំបាននឹងកំពុងចាប់ផ្តើមប្រែមុខមាត់ថ្មីហើយ ក្រោមការដឹកនាំរសប់ប្រមុខរាជរដ្ឋាភិបាលមានសម្តេចតេជោ ហ៊ុន សែន ដែលលោកបានលះបង់សាច់ស្រស់ឈាមស្រស់ដើម្បីបុព្វហេតុប្រទេសជាតិ នឹងស្វែងរកសុខសន្តិភាពជូនប្រជាពលរដ្ឋ ឲ្យមានភាពរីកចំរើនរហូតមកដល់សព្វថ្ងៃនេះ។ ដូចពុកម៉ែបងប្អូនបានដឹងហើយថា នៅក្នុងស្រុកអង្ករធំយើងពីមុនមកវាមានផលលំបាកខ្លាំងណាស់ទាំងផ្លូវទៅមកនិងសេដ្ឋកិច្ច ប៉ុន្តែឥឡូវយើងមានផ្លូវហេដ្ឋារចនាសម្ព័ន្ធល្អប្រសើរ នឹងការរៀបចំភូមិថ្មី ក្រុងថ្មី ក្នុងគោលបំណងចង់ឲ្យបងប្អូនប្រជាពលរដ្ឋមានជីវភាពធូរធាជាងមុន។
លោកអភិបាលស្រុក ក៏បានអំពាវនាវឲ្យបងប្អូនប្រជាពលរដ្ឋទាំងអស់ មានការប្រុងប្រយ័ត្នចំពោះគ្រោះធម្មជាតិមានភ្លៀងខ្យល់កន្តាក់ដែលអាចធ្វើឲ្យមានផលបះពាល់ដល់ការរស់នៅប្រចាំថ្ងៃ ជាយថាហេតុណាមួយដោយមិនបានដឹងមុន សូមពុកម៉ែបងប្អូនថែរក្សាសុខភាពឲ្យបានល្អខ្លាចក្រែងគ្រុនរងាពីព្រោះជារដូវវស្សាផង។ ជាពិសេសជាងនេះទៅទៀតនោះ សូមឲ្យពុកម៉ែបងប្អូនប្រជាពលរដ្ឋទាំងអស់ សូមអញ្ជើញទៅបោះឆ្នោតឲ្យបានគ្រប់ៗគ្នា នៅថ្ងៃទី២៣ ខែកក្កដា ឆ្នាំ២០២៣ខាងមុខនេះ៕
