នាព្រឹកថ្ងៃទី២៥ ខែមេសា ឆ្នាំ២០១៩នះ លោក ង៉ាន់ ភិរុណ អភិបាលរងខេត្ត និងជាតំណាងដ៏ខ្ពង់ខ្ពស់ ឯកឧត្តម ទៀ សីហា អភិបាលខេត្តសៀមរាប បានដឹកនាំកិច្ចប្រជុំគណៈ កម្មាធិការសម្របសម្រួលបច្ចេកទេសរបស់ក្រុមប្រឹក្សាខេត្ត អាណត្តិទី២ ដោយមានការអញ្ជេីញចូលរួមពីឯកឧត្តម លោកជំទាវ លោក លោកស្រី ជាសមាជិក សមាជិកា ក្រុមប្រឹក្សាខេត្ត , នាយក-នាយករងរដ្ឋបាលខេត្ត , នាយក-នាយករងទីចាត់ការចំណុះសាលាខេត្ត , ថ្នាក់ដឹកនាំមន្ទីរ-អង្គភាពនានាក្នុងខេត្ត អភិបាល -អភិបាលរង ក្រុង -ស្រុក និងអ្នកពាក់ព័ន្ធនានា ជាច្រើនទៀត ។
កិច្ចប្រជុំនេះផ្ដោតលេីការងារសំខាន់ៗ ដូចខាងក្រោម ៖
១-ផ្សព្វផ្សាយ សេចក្ដី ណែនាំ ស្ដីពី ការអនុវត្ត សេចក្ដី សម្រេច អង្គសន្និបាត « បូកសរុបលទ្ធផលការងារប្រចាំឆ្នាំ ២០១៨ និងលេីកទិសដៅសម្រាប់អនុវត្ត ឆ្នាំ២០១៩ » របស់រដ្ឋបាលខេត្ត ។
ព័ត៌មានជាតិ ថ្មីៗ
២-ពិនិត្យ និងធ្វេីបច្ចុប្បន្នភាព នៃការដោះស្រាយលេីសំណួរ-សំណូមពរ ដែលបានលេីកឡើងក្នុងវេទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សាខេត្តអាណត្តិទី ២ ឆ្នាំ ២០១៧ ។
៣- ពិនិត្យ និងដោះស្រាយលេីសំណួរ-សំណូមពរ ដែលបានលេីកឡើងក្នុងវេទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សាខេត្ត អាណត្តិទី ២ ឆ្នាំ ២០១៨ ។
៤-ពិនិត្យ ពិគ្រោះយោបល់ និងសម្រេចលើគម្រោងប្រព័ន្ធហេដ្ឋារចនាសម្ព័ន និងប្រព័ន្ធ ធារាសាស្ត្រ មួយចំនួនជុំវិញខេត្ត ដែលបានលេីកឡើង និងសំណូមពរដោយប្រជាជន ប្រជាពលរដ្ឋ នៅក្នុង វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តសៀមរាប អាណត្តិ ទី ២ ឆ្នាំ ២០១៨ កន្លងមក៕
អត្ថបទ និង រូបថត : Facebook រដ្ឋបាលខេត្តសៀមរាប
កែសម្រួលអត្ថបទ : លោក លីវ សាន្ត
