កាលពីថ្ងៃទី២៥ ខែមេសា ឆ្នាំ២០១៩ ម្សិលមិញនេះ ក្រសួងអប់រំ យុវជន និង កីឡា បានចេញលិខិតមួយ ជម្រាបដល់មន្ទីរអប់រំ យុវជន និង កីឡារាជធានី ខេត្ត ស្ដីពីការអនុវត្តម៉ោងបង្រៀន និង រៀនក្នុងរដូវប្រាំងដែលមានអាកាសធាតុក្ដៅខ្លាំង និងអាចមានសីតុណ្ហភាពលើសពី ៤០ អង្សារ នៅចន្លោះម៉ោង១០ព្រឹក រហូតដល់ម៉ោង២រសៀល ។
ដើម្បីបង្ការទប់ស្កាត់រាល់ហានិភ័យ និងចៀសវាងជំង្ងឺផ្សេងៗ ដែលអាចប៉ះពាល់ដល់សុខភាព ការរៀនសូត្រ និងការបំពេញការងាររបស់សិស្សានុសិស្ស លោកគ្រូអ្នកគ្រូ ក៏ដូចជាកុមារតូចៗ ក្រសួងស្នើឱ្យគ្រប់គ្រឹះស្ថានទាំងអស់បង្រៀន ពេលព្រឹក ចូលរៀននៅម៉ោង៧:០០ ចេញម៉ោង១០:៣០ និង ពេលរសៀលចូលរៀននៅម៉ោង១៣:៣០ ចេញម៉ោង១៧:០០ ៕
រូបថត និង អត្ថបទ ៖ លោក ម៉ាត់ អារីហ្វីន
កែសម្រួលអត្ថបទ ៖ លោក លីវ សាន្ត
ព័ត៌មានជាតិ ថ្មីៗ
