លោកវរៈសេនីយ៍ឯក អ៊ុន ស្រស់ អធិការនគរបាលស្រុកស្រីស្នំ បានឲ្យដឹងថា កាលពីវេលាម៉ោង០៣:៣០នាទី ថ្ងៃទី ២៥ ខែមេសា ឆ្នាំ២០១៩ ម្សិលមិញនេះ មានករណីខ្យល់កន្ត្រាក់មួយបានកើតឡើង ប៉ះចំភូមិចំនួន២ នៅក្នុងឃុំត្រាំសសរ ស្រុកស្រីស្នំ បណ្ដាលឲ្យខូចខាតលំនៅដ្ឋានពលរដ្ឋមួយចំនួន រួមទាំងដំបូលសាលារៀនផងដែរ ក្នុងនោះនៅ ភូមិពង្រ បានរបើកដំបូលផ្ទះចំនួន១៣ខ្នងផ្ទះ និង នៅភូមិបេង បានរបើកដំបូលផ្ទះ ចំនួន ០៨ខ្នងផ្ទះ និងរបើកដំបូលសាលាបឋមសិក្សាចំនួន ០៤ខ្នង ប៉ុន្តែ ក្នុងករណីនេះ ពុំបណ្តាលឲ្យមានគ្រោះថ្នាក់ដល់មនុស្សឡើយ ៕
រូបថត និង អត្ថបទ ៖ លោក ថាច់ ពិសុទ្ធ
កែសម្រួលអត្ថបទ ៖ លោក លីវ សាន្ត
