កាលពីថ្ងៃទី២៦ ខែមេសា ឆ្នាំ២០១៩ម្សិលមិញនេះ គណៈប្រតិភូនៃព្រះរាជាណាចក្រថៃ និងអង្គការពាក់ព័ន្ធ ដែលដឹកនាំដោយលោកស្រី Manoothum Naovanan អ្នកសម្របសម្រួលរបស់អង្គការក្រុមអ្នកស្ម័ត្រចិត្តស៊ីវិល បានអញ្ជើញធ្វើទស្សនកិច្ចនៅសហគមន៍ក្នុងភូមិតារៀម ឃុំជីក្រែង ស្រុកជីក្រែង ដែលក្នុងសហគមន៍នេះ មានអតីតពលមួយចំនួនដែលធ្លាប់បានទទួលរងគ្រោះ ក្នុងការធ្វើចំណាកស្រុកទៅប្រទេសថៃ និងមានបងប្អូនពលករជាច្រើនទៀតកំពុងស្នាក់នៅ និងធ្វើការក្នុងប្រទេសថៃ មានទាំងឯកសារស្របច្បាប់និងមិនមានឯកសារស្រប ដោយមានការទទួលស្វាគមន៍ពីសំណាក់លោកអភិបាលស្រុកជីក្រែង អាជ្ញាធរមូលដ្ឋាន និងប្រជាពលរដ្ឋយ៉ាងច្រើនកោះករ ។
នៅក្នុងឱកាសនោះ មានបងប្អូនប្រជាពលរដ្ឋជាច្រើននាក់ បានលើកជាសំណួរជុំវិញការងារនៅក្នុងប្រទេសថៃ ហើយឆ្លើយតបទៅនឹងសំណួរមួយចំនួនរបស់បងប្អូនប្រជាពលរដ្ឋកម្ពុជា តំណាងក្រសួងការងារនៃព្រះរាជាណាចក្រដៃ បានជម្រាបជូនអំពើប្រភេទការងារដែលផ្តល់ជូនពលករបរទេស មានចំនួនពីរប្រភេទ គឺការងារសំណង់ និងការងារបម្រើតាមផ្ទះ ហើយចំពោះបញ្ហាដែលបងប្អូនបានលើកឡើងអំពីថៅកែដកហូត ឬរំលោភបំពានទៅលើសិទ្ធិរបស់ពលករនោះ សូមទៅដាក់ពាក្យបណ្តឹងមន្ទីរការងារ និងកិច្ចការពារសិទ្ធិពលករ រួមទាំងការបញ្ជាក់អំពីច្បាប់ទម្លាប់នៃការរស់នៅរបស់ពលករក្នុងប្រទេសថៃ និង សេវាដែលផ្តល់ជូនដល់ពលករ ៕
អត្ថបទ និង រូបថត ៖ លោក ម៉ី សុខារិទ្ធ
កែសម្រួលអត្ថបទ ៖ លោក លីវ សាន្ត
