លោកវរសេនីយ៍ឯក ទេព ចាន់ណា អធិការនគរបាលស្រុកសូទ្រនិគម បានឲ្យដឹងថា លំនៅដ្ឋានមួយខ្នង ធ្វើអំពីឈើ ប្រក់ស័ង្កសី មានទំហំ៦ម៉ែត្រគុណនឹង៩ម៉ែត្រ រួមទាំងទ្រព្យសម្បត្តិ របស់ប្រជាពលរដ្ឋឈ្មោះ វ៉ាន់ ហ៊ំ ភេទស្រី អាយុ៣៧ឆ្នាំ នៅភូមិត្រពាំងប្រិយ៍ ឃុំពពេល ស្រុកសូទ្រនិគម ខណៈបច្ចុប្បន្នម្ចាស់ផ្ទះទៅធ្វើការនៅប្រទេសថៃ ត្រូវភ្លើងឆេះអស់ទាំងស្រុង កាលពីវេលាម៉ោង២និង១៥នាទីរសៀលថ្ងៃទី២៦ ខែមេសា ឆ្នាំ២០១៩ ម្សិលមិញនេះ ។
លោកវរសេនីយ៍ឯក ទេព ចាន់ណា បានឲ្យដឹងទៀតថា តាមការសនិដ្ឋាន មូលហេតុនៃអគ្គិភ័យនេះ អាចបណ្ដាលមកពីឆ្លងចរន្តអគ្គិសនីផ្ទាំងសូឡា ប៉ុន្តែតែពុំបណ្តាឲ្យមានគ្រោះថ្នាក់ដល់មនុស្សឡើយ ខណៈហេតុការនេះ សមត្ថកិច្ចនគរបាលស្រុកសូទ្រ បានជួកពន្លត់ភ្លើងមិនឲ្យរាលដាលដល់កន្លែងផ្សេង ដោយប្រើប្រាស់រថយន្តពន្លត់អគ្គិភ័យរបស់អធិការដ្ឋាននគរបាលស្រុកសូទ្រនិគម ហើយប្រើប្រាស់ទឹកអស់ចំនួន០២រថយន្ត ៕
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក លីវ សាន្ត
ព័ត៌មានជាតិ ថ្មីៗ
