នាថ្ងៃអាទិត្យ ទី២៨ ខែមេសា ឆ្នាំ២០១៩ ក្រុមប្រឹ ក្សាគណៈគ្រូពេទ្យជាតិកម្ពុជា និងក្រុមប្រឹក្សាគណៈគ្រូពេទ្យ ខេត្តសៀមរាប សហការជាមួយមន្ទីរសុខាភិបាលខេត្ត និងអង្គការដៃគូពាក់ពន្ឋ័ បានប្រារព្ធទិវាអភិវឌ្ឍន៍វិជ្ជាជីវៈវេជ្ជសាស្ត្របន្តលើកទី១០ ក្រោមអធិបតីភាព ឯកឧត្តមសាស្ត្រាចារ្យ ធា គ្រុយ រដ្ឋលេខាធិការក្រសួង សុខាភិបាល និងជាប្រធានក្រុមប្រឹក្សាគណៈគ្រូពេទ្យជាតិកម្ពុជា ព្រមទាំងមានការអញ្ជើញចូលរួមពី លោក លោកស្រី ជាប្រធានគណៈវិជ្ជាជីវៈ វេជ្ជបណ្ឌិត ឱសថការី ទន្តពេទ្យ គិលានុប្បដ្ឋាក ឆ្មប មកពីបណ្តាខេត្តនានា សរុបប្រមាណជាង៣០០នាក់ ។ វេទិកានេះធ្វើឡើង ២ដងក្នុងមួយឆ្នាំ ក្នុងបំណងពង្រឹងសីលធម៌ វិន័យពេលបំពេញការងារ និងលើកកម្ពស់សមត្ថភាពប ច្ចេកទេសដល់គ្រូពេទ្យឲ្យទទួលបានចំណេះដឹងថ្មីៗ បន្ថែមទៀត ដើម្បីភាពកាន់តែប្រសើរឡើង ក្នុងការ បំរើសេវាពិនិត្យ ព្យាបាលជម្ងឺជូនប្រជាពលរដ្ឋ ។
មានប្រសាសន៍ក្នុងឱកាសនោះ ឯកឧត្តម សាស្ត្រាចារ្យ ធា គ្រុយ បានថ្លែងការកោតសរសើរ និងវាយតម្លៃខ្ពស់ចំពោះការខិតខំប្រឹងប្រែងរបស់ សហ ភាតរទាំងអស់ដែលពុះពារជម្នះបញ្ហាប្រឈម និងការ លំបាកជាច្រើនក្នុងការបំពេញភារកិច្ច នាពេលកន្លង មក ដើម្បីឆ្លើយតបទៅនឹងសេចក្តីត្រូវការរបស់ប្រជា ពលរដ្ឋ ក្នុងភាពងាយស្រួលស្វែងរកសេវាពិនិត្យ ព្យាបាលសុខភាព បានយ៉ាងល្អប្រសើរ ។
ឯកឧត្តម មានប្រសាសន៍បន្តថា៖ ដើម្បីឲ្យការ ផ្តល់សេវាពិនិត្យ ព្យាបាលថែ ទាំ និងអ្នកស្វែងរកសេវាព្យាបាល ឲ្យបានប្រសើរ និងប្រកបដោយគុណ ភាព ត្រូវមានកត្តាជាច្រើនរួមបញ្ចូលគ្នាក្នុងនោះមាន ក ត្តាពីរដែលចាំបាច់គឺសមត្ថភាពបច្ចេកទេស និងក្រមសីលធម៌វិជ្ជាជីវៈរ បស គ្រូពេទ្យជាកត្ដាដែលមិនអាចខ្វះបានឡើយ ។ ឯកឧត្តមបានចាត់ទុកទិវាអភិវ ឌ្ឍន៍វិជ្ជាជីវៈវេជ្ជសាស្ត្រ បន្ត ថាពិតជាមានសារៈសំខាន់ ណាស់ក្នុងការពង្រឹង និងបង្កើនការពិនិត្យតាមដាននូវអ្វីដែលកើតឡើង ថ្មី និងប្រែប្រួលពាក់ពន្ឋ័ទៅនឹងវិស័យសុខាភិបាល ។ ជាក្រមសីលធម៌សមាជិកគណៈគ្រូពេទ្យទាំងអស់ ត្រូវមានកាតព្វកិច្ចយកវិជ្ជាជីវៈ និងសមត្ថភាពរបស់ខ្លួនទៅធ្វើការបណ្តុះបណ្តាលបន្តជូនដល់គ្រូពេទ្យនៅតាមបណ្តាមណ្ឌលសុខភាព និងមន្ទីរពេទ្យបង្អែកខេត្តផ្សេងៗទៀតទាំងអស់ ។ ឯកឧត្ត មបញ្ជាក់យ៉ាងច្បាស់ថា៖ គ្រូពេទ្យទាំងអស់ បើចង់បន្តវិជ្ជាជីវៈជាគ្រូពេ ទ្យនៃមណ្ឌលសុខភាពឬមន្ទីរពេទ្យបង្អែកខេត្តណាមួយត្រូវមានកាតព្វកិច្ចចុះបញ្ជីជាសមាជិកគណៈគ្រូពេទ្យជាដាច់ខាត បើមិនបានចុះបញ្ជីជាសមាជិកគណៈគ្រូពេ ទ្យទេ មិនអនុញ្ញាតឲ្យពិនិត្យ ព្យាបាកជំងឺឬបើកកន្លែងប្រកបរបរវេជ្ជសាស្ត្រ បានទេ ។
សូមញ្ជាក់ជូនថាៈ បច្បុប្បន្នក្រុមប្រឹក្សាគណៈគ្រូពេទ្យជាតិកម្ពុជា មានសមាជិកជាង៨ពាន់នាក់ហើយ ដែលបាន ចុះបញ្ជីការរួច នៅមានតែមួយចំនួនតូច ប៉ុណ្ណោះដែល មិនទាន់បានចុះបញ្ជីជាសមាជិកក្រុមគណៈគ្រូពេទ្យជាតិកម្ពុជា ក្នុងចំនួនជាង៨ពាន់នាក់នេះ ខេត្តសៀមរាបមានសមាជិកដែលបានចុះបញ្ជីចំនួន៥៩៤នាក់។
បើតាមរបាយការណ៍របស់លោកវេជ្ជបណ្ឌិត អ៊ុយ ចាន់ថុល ប្រធានក្រុមប្រឹក្សាគណៈគ្រូពេទ្យខេត្តសៀមរាប ឲ្យដឹងដែរថា៖ ខេត្តសៀមរាបនៅមានគ្រូពេទ្យមួយចំនួនតូចទេទាំងគ្រូពេទ្យខ្មែរ និងគ្រូពេទ្យបរទេស ដែលមិនទាន់បានចុះបញ្ជីការនៅឡើយ ហេតុនេះ លោកបានសំណូមពរគ្រូពេទ្យដែលមិនទាន់ចុះបញ្ជីការ សូមប្រញាប់រួសរាន់ទៅចុះឈ្មោះ ដើម្បីឲ្យស្របទៅតាមច្បាប់ ស្តីពីការគ្រប់គ្រងអ្នកប្រកបវិជ្ជាជីវៈសុខាភិបាល នៃព្រះរាជាណចក្រកម្ពុជា និងសំណូមពរដល់សមាជិកគណៈគ្រូពេទ្យទាំងអស់ យកចិត្តទុកដាក់មកបន្តសុពលភាពប្រចាំឆ្នាំឲ្យបានទៀងទាត់ចៀសវាង បម្រើការដោយគ្មានសុពលភាព (បាត់បង់សមាជិកភាព) ដែលអាចជួបនូវផលវិបាក ជាយថាហេតុមួយចំនួនដោយចៃដន្យ។
អត្ថបទ និង រូបភាព៖ លោក យូ វង្ស
កែសម្រួលអត្ថបទ ៖ លោក លីវ សុខុន
