កាលពីពេលថ្មីៗកន្លងទៅនេះ ឯកឧត្ដមឧត្តមសេនីយ៍ឯក ហ៊ុន ម៉ាណែត អគ្គមេបញ្ចាការរងនៃកងយោធពលខេមរភូមិន្ទ និង ជាមេបញ្ជាការកងទ័ពជើងគោក បានចុះបំពេញការងារ និងសួរសុខទុក្ខកងទ័ព នៅតាមបណ្តាអង្គភាពមួយចំនួន ក្នុងដែនភូមិសាស្ត្រយោធភូមិភាគទី៤ ដែលកំពុងឈរជើងបំពេញភារកិច្ចការពារបូរណភាពដែនដីនៃមាតុភូមិ ក្នុងបុព្វហេតុដើម្បីព្រំដែនសន្តិភាព កិច្ចសហប្រតិបត្តិការនិងការអភិវឌ្ឍ ការពារសុខសុវត្ថិភាពជូនប្រជាពលរដ្ឋ ។
ក្នុងដំណើរបំពេញការងារនេះ ក្នុងគោលបំណងដ៏សំខាន់ គឺដើម្បីទទួលយកសំណូមពរ ដែលអង្គភាពជួរមុខមានតម្រូវការចាំបាច់ចំពោះមុខ និងជាយុទ្ធសាស្ត្រយូរអង្វែង ក្នុងគោលដៅពង្រឹងមូលដ្ឋានកងទ័ព ជាពិសេសគឺពង្រឹងប្រៀបការពារជាតិ ជាភារកិច្ចមូលដ្ឋានគ្រឹះ របស់កងយោធពលខេមរភូមិន្ទ ដែលទាំងនោះ គឺបញ្ជាបេសកកម្មដ៏មានតម្លៃនៃសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលជានិច្ចកាលសម្តេចតេជោ តែងតែបានគិតគូរចំពោះសុខទុក្ខរបស់កងទ័ព ។
ឯកឧត្តម ហ៊ុន ម៉ាណែត បានសម្ដែងនូវការវាយតម្លៃខ្ពស់ ចំពោះការខិតខំប្រឹងប្រែង បំពេញភារកិច្ចរបស់កងទ័ពដោយការលះបង់ខ្ពស់ លើគ្រប់ផ្នែក គ្រប់ជំនាញ ហើយអ្វីដែលជាការ កត់សម្គាល់នោះ គឺការងារកសាងពង្រឹងអង្គភាព ការហាត់ហ្វឹកហ្វឺន ការប្រើប្រាស់គោលការណ៍ច្នៃប្រឌិតបន្ថែមលើ គោល របបដោះស្រាយជីវភាពកងទ័ព និងការអភិវឌ្ឍតំបន់គ្រួសារកងទ័ពបានល្អប្រសើរ ៕
ព័ត៌មានជាតិ ថ្មីៗ
អត្ថបទ និង រូបថត ៖ លោក ងិន គឹមឡេង
កែសម្រួលអត្ថបទ ៖ លោក លីវ សាន្ត
