បន្ទាប់ពីបានមកដល់ខេត្តសៀមរាប កាលពីវេលាម៉ោង៩និង ៤០នាទីព្រឹក ថ្ងៃទី០១ ខែឧសភា ឆ្នាំ២០១៩នេះ លោកជំទាវ អោង សានស៊ូជី (Aung San Suu Kyi) ទីប្រឹក្សារដ្ឋ នៃសាធារណរដ្ឋសហភាពមីយ៉ាន់ម៉ា និង ប្រតិភូអមដំណើរ បានអញ្ជើញទៅទស្សនាប្រាសាទអង្គរ និង ប្រាសាទបាយ័ន តាមការគ្រោងទុក ។
លោកជំទាវ អោង សានស៊ូជី (Aung San Suu Kyi) និង ប្រតិភូអមដំណើរ នឹងចាកចេញពីខេត្តសៀមរាប ទៅកាន់ប្រទេសរបស់លោកជំទាវវិញ ក្នុងពេលរសៀលនៃថ្ងៃដដែលនេះ បន្ទាប់ពីបញ្ចប់ការទស្សនាប្រាសាទអង្គរ ។
សូមបញ្ជាក់ថា លោកជំទាវ អោង សានស៊ូជី បានអញ្ជើញមកដល់ប្រទេសកម្ពុជាកាលពីរសៀលថ្ងៃទី២៩ ខែមេសា ឆ្នាំ២០១៩ ដើម្បីបំពេញទស្សនកិច្ចជាផ្លូវការលើកដំបូងនៅកម្ពុជា តបតាមការអញ្ជើញរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងគោលបំណងដើម្បីពង្រឹង និងពង្រីកថែមទៀតនូវចំណងមិត្តភាព និងកិច្ចសហប្រតិបត្តិការទ្វេភាគីលើគ្រប់វិស័យ ព្រមទាំងក្នុងក្របខ័ណ្ឌអាស៊ាន និងពហុភាគី ៕
រូបថត : លោក ខេង ឧត្ដម
កែសម្រួលអត្ថបទ : លោក លីវ សាន្ត
