ខណៈដែលការប្រលងបាក់ឌុបខិតជិតមកដល់ មន្ដ្រីជាន់ខ្ពស់ក្រសួងការពារជាតិ បានជួបសំណេះសំណាល និងលើកទឹកចិត្ដដល់សិស្សានុសិស្សថ្នាក់ទី១២ ដើម្បីទទួលបានជ័យជំនះនៃការប្រលងមធ្យមសិក្សទុតិយភូមិនៅខែវិច្ឆិការឆ្នាំ២០២៣នេះខាងមុខ។ពីធីនេះធ្វើឡើងនៅរសៀលថ្ងៃទី១៨ខែតុលាឆ្នាំ២០២៣នេះ ស្ថិតវិទ្យាល័យអារញ្ញសាគរស៊ីអេហ្វស៊ី ក្នុងសង្កាត់សៀមរាប ក្រុងសៀមរាបដោយមានសិស្សានុសិស្សជាង១៥០នាក់ចូលរួម។
ឯកឧត្ដម ផៃ សុខខេង នាយករងខុទ្ធការល័យ ឯកឧត្ដម នាយឧត្ដមសេនីយ៍ ទៀ សីហា ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ បានថ្លែងថា ការរជួបសំណេះសំណាលនេះ ដើម្បីបង្កើនការប្រឡងជាប់បន្ថែមទៀត ក៍ដូចជាវិនិយោគសន្តិភាព ធ្វើធម្មទានដោយចែករំលែក ផ្តល់ពុទ្ធិ ចំណេះដឹង ចំណេះធ្វើ បទពិសោធន៍ យុទ្ធវិធីប្រឡង និង ការរស់នៅជាពលរដ្ឋល្អនាសម័យតេជោ ។
ឯកឧត្ដម បានសន្នីដ្ឋានថា ការចូលរួមចំណែកពីគ្រប់អ្នកពាក់ព័ន្ធទាំងអស់រួមមានការខិតខំប្រឹងប្រែងពី មន្ត្រីអប់រំគ្រប់លំដាប់ថ្នាក់ សហគមន៍សប្បុរសជនជាតិ អន្តរជាតិ អង្គការដៃគូអភិវឌ្ឍនានា ការគាំទ្រពីអាជ្ញាធរដែនដី ព្រមទាំងក្រុមការងាររាជរដ្ឋាភិបាល បានជំរុញឱ្យវិស័យអប់រំ ក្នុងខេត្តសៀមរាបមានការរីកចម្រើនគួរឱ្យកត់សម្គាល់ ។
ព័ត៌មានជាតិ ថ្មីៗ
ឯកឧត្ដមបន្ថែមថា លទ្ធផលដ៏ជោគជ័យនៃការប្រឡង សញ្ញាបត្រមធ្យមសិក្សាទុតិយភូមិ នាពេលកន្លងមកបានឆ្លុះបញ្ចាំងឱ្យឃើញពីស្មារតី ទទួលខុសត្រូវ សាមគ្គីភាព កិច្ចសហការល្អប្រសើរ ក្នុងដំណើរឆ្ពោះទៅកាន់គោលដៅ អភិវឌ្ឍដោយចីរភាព និង ការគាំទ្រអនុវត្តឱ្យសម្រេចបាននូវចក្ខុវិស័យរបស់រាជរដ្ឋាភិបាល ឆ្នាំ២០៣០ ដល់ ២០៥០។ ឯកឧត្ដមក៍បានជម្រុញដល់សិស្សានុសិស្សថ្នាក់ទី១២ដែលត្រៀមប្រលងមធ្យមសិក្សាទុតិយភូមិនៅខែវិច្ឆិកាខាងមុខនេះ ត្រូវខិតខំយកចិត្ដទុក់ដាក់រៀនសូត្របន្ថែម ហើយនៅពេលប្រលងមិនត្រូវអវត្ដមាន និងត្រូវធ្វើយ៉ាងឱ្យសំណេរប្រលងរបស់ខ្លួនមានភាពជាក់លាក់និងត្រឹមត្រូវ។
អត្ថបទ និងរូបភាព ឈិត សាវី
