ក្រុមហ៊ុន GAEA ខេត្តសៀមរាប នៅព្រឹកថ្ងៃទី២៦ ខែតុលា ឆ្នាំ២០២៣នេះ បានធ្វើការដាក់តាំងបង្ហាញនូវម៉ាស៊ីនកែច្នៃសម្រាមក្នុងក្រុង លើការគ្រប់គ្រងកាកសំណល់ប្រកបដោយនិរន្តភាព ដែលរៀបចំឡើងដោយក្រុមហ៊ុន SOKEN GROUP សហការណ៍ជាមួយក្រុមហ៊ុន ONE WORLD គាំទ្រដោយក្រុមហ៊ុន CITY of KITAKYUSHU និងកិច្ចសហរប្រតិបត្តិការពីក្រុមហ៊ុន GAEA និងសមាគមក្លឹបទេសចរណ៍សៀមរាប។
មានប្រសាសន៍ក្នុងឱកាសនោះ លោក ពិន ប្រាកដ អភិបាលរងខេត្ត បានគូសបញ្ជាក់ថា តាមរយៈការប្រើប្រាស់ឧបករណ៍ទំនើបដែលជួយដល់ការគ្រប់គ្រងឲ្យមានប្រសិទ្ធភាពខ្ពស់ ក្នុងការកាត់បន្ថយសម្រាម និងកាក់សំណល់បានច្រើនជាមួយការប្រើធុងចម្រោះប្រេងឥន្ធនៈដែលអាចបំផ្លិចបំផ្លាញដោយចំហាយកំដៅខ្លាំង។ ដើម្បីឆ្លើយតបនិងពាក្យទីក្រុងឆ្លាតវៃ យើងក៏អាចប្រើសម្រាប់បរិស្ថាននិងការគ្រប់គ្រងកាកសំណល់ឆ្លាតវៃ តាមរយះម៉ាស៊ីនបច្ចេកវិទ្យាទំនើបនៃការទាញប្រើចំហាយកំដៅខ្លាំងនោះ បំបែកនិងយកប្រេងឥន្ធនៈចេញពីសំណល់សម្ភារៈប្រើប្រាស់ចម្រុះដែលមានមូលដ្ឋានលើជ័រ និងភក់នៅខាងក្នុង រ៉េអាក់ទ័រ ។ ប្រេងឥន្ធនៈដែលបានយកមកវិញអាចប្រើជាឥន្ធនៈថាមពលកកើតឡើងវិញធម្មជាតិ ក៏ដូចជាឥន្ធនៈ boiler សម្រាប់ URBAN RIG និងម៉ាស៊ីនចំហុយដែលមានកំដៅខ្លាំង វាជាម៉ាស៊ីនកែច្នៃសំរាម ដែលមានប្រសិទ្ធភាពល្អដល់ទាំង បរិស្ថាន និង ជួយសេដ្ឋកិច្ច។
លោក ពិន ប្រាកដ មានប្រសាសន៍បន្តថា សម្រាប់បងប្អូនប្រតិបត្តិករទេសចរណ៍ អាជ្ញាធរមន្ទីរពាក់ពន្ធ័នានាដែលតែងតែសហការធ្វើការរួមគ្នាលើការរក្សាបានអនាមយ័សម្រាប់ខេត្តសៀមរាប ក្រោមស្មារតីនៃយុទ្ធនាការ “ទស្សនាស្រុកយើង” កម្ពុជាស្អាត និងទីក្រុងស្អាត រមណីដ្ឋានស្អាត សេវាកម្មល្អ និងបដិសណ្ឋារកិច្ចល្អ” ដោយខេត្តសៀមរាបជាគំរូក្នុងការអនុវត្តន៍ ទីក្រុងឆ្លាតវៃ ការជួយបង្កើតបរិយាកាសទីក្រុងសម្រាប់ការសម្របខ្លួនទៅនឹងតម្រូវការរបស់ប្រជាពលរដ្ឋ តាមមធ្យោបាយដែលងាយស្រួលបំផុតសម្រាប់បរិស្ថានស្អាត សេដ្ឋកិច្ច និងសង្គម ក្នុងការលើកកម្ពស់ និងសោភណ្ឌ័ភាពទីក្រុងឲ្យមានរបៀបរៀបរយ និងកាត់បន្ថយប្រភពថាមពលធម្មតា និងការលើកទឹកចិត្តប្រភពថាមពលប្រកបដោយនិរន្តរភាពបន្ថែមទៀតគឺជាវិធីមួយដើម្បីសម្រេចបាននូវបញ្ហានេះ។
លោកអភិបាលរងខេត្តបន្ថែមថា ចំពោះការដាក់តាំងបង្ហាញម៉ាស៊ីនកែច្នៃសម្រាមក្នុងទីក្រុង ក្នុងការគ្រប់គ្រងកាកសំណល់ប្រកបដោយនិរន្តភាព ជាការចូល រួមក្នុងកម្មវិធីបរិស្ថាននានា ការប្រមូលសម្រាមទាន់ពេលសម្រួលដល់គុណភាពរស់នៅល្អប្រសើរ និងរក្សាបរិស្ថានស្អាត។ ជាពិសេសការរំពឹងទុកក្នុងការរក្សាបាននូវបរិស្ថានស្អាត សម្រាប់ទិសដៅទេសចរណ៍ខេត្តសៀមរាប ដោយរាប់ចាប់តាំងពីការរក្សានិងគ្រប់គ្រងកាកសំណល់គ្រប់ប្រភេទជៀងវាងផលប៉ះពាល់ដល់អ្នកទេសចរណ៍ ។ ជាមួយការដាក់បញ្ជូលម៉ាស៊ីន URBAN RIG ដែលកាត់បន្ថយបរិមាណសំណល់ចម្រុះដែលមានមូលដ្ឋានលើជ័រ ហើយម៉ាស៊ីននេះអាចទាញយកប្រេងមកប្រើឡើងវិញនិងមានសមត្ថភាពបែងចែកកាក់សំណល់តាមប្រភេទដោយស្វ័យប្រវត្តិ មិនមានផ្សែងពុល គ្រប់គ្រងក្លិនមិនល្អដោយដោះស្រាយបញ្ហាបំពុលបន្ទាប់បន្សំជាមួយការសម្អាតកាកសំណល់ គ្រប់គ្រង់ជរ័ចម្រុះ ហើយផ្តល់ជាប្រេងកែចែ្ចតាមរយះការបំលែងពីសម្រាមមកវិញ៕
អត្ថបទ និងរូបភាព៖ លោក ម៉ី សុខារិទ្ធ
កែសម្រួល៖ លោក អ៊ុន ណារាជ្យ
