យោងតាមរបាយការណ៍របស់មន្ទីរទេសចរណ៍ខេត្តសៀមរាប នៅថ្ងៃទី១១ ខែកុម្ភៈ ឆ្នាំ២០២៤នេះ បានឲ្យដឹងថា ក្នុងឱកាសពិធីបុណ្យចូលឆ្នាំចិន-វៀតណាម រយៈពេល៣ថ្ងៃ ចាប់ពីថ្ងៃទី៩-១១ ខែកុម្ភៈ ឆ្នាំ២០២៤នេះ ខេត្តសៀមរាប មានភ្ញៀវទេសចរណ៍ចំនួន ១១៧.៦៧៧នាក់ បានមកកម្សាន្តតាមប្រាសាទ និងរមណីយដ្ឋាននានានៅក្នុងខេត្ត។
របាយការណ៍ដដែលបញ្ជាក់ថា សម្រាប់ចំនួនភ្ញៀវទេសចរណ៍ឆ្នាំ២០២៤នេះ មានការកើនឡើង ១១.៥៦% បើប្រៀបធៀបនឹងឆ្នាំ២០២៣ ដែលមានចំនួន ១០៥.៤៨១នាក់។
ក្នុងចំណោមភ្ញៀវទេសចរណ៍ទាំង ១១៧.៦៧៧នាក់ ក្នុងនោះ៖ ទេសចរជាតិ និងបងប្អូនប្រជាពលរដ្ឋក្នុងខេត្ត មានចំនួនប្រមាណ ៩៩.៦០០នាក់ កើន ១០,៦៧% បើប្រៀបធៀបនឹងរយៈពេលដូចគ្នាឆ្នាំ២០២៣ ចំនួនប្រមាណ ៩០.០០០នាក់។ ចំណែកភ្ញៀវទេសចរអន្តរជាតិ មានចំនួន ១៨.០៧៧នាក់ កើនឡើងចំនួន ១៦.៧៧% បើប្រៀបធៀបនឹងរយៈពេលដូចគ្នាឆ្នាំ២០២៣ ចំនួន ១៥.៤៨១នាក់៕
ព័ត៌មានជាតិ ថ្មីៗ
ប្រភព៖ មន្ទីរទេសចរណ៍ខេត្តសៀមរាប
